في موضوع التعلق العاطفي -بالتحديد الشباب- وليه احيانا بنعجب بناس ونفضل حاطينهم في عقلنا وكأنهم الشريك المثالي اللي نفسنا فيه، وبنقول يا رب تكون فيه فرصة تقارب حقيقي، وغالبا مبتحصلش! اكتشفت ان السبب الاساسي هو تاريخنا المشوه في العلاقات, والتحديد علاقتنا باهلنا! اللي زي حالتي بيعجب بناس عندهم حياة وعلاقات وغالبا مش هيحصل توافق، بيكون مشكلته انه معتقد ان هي دي العلاقات والحب! اللاوعي مشافش حب حقيقي وتواصل متبادل مع ابونا وامنا فبقي نمط القلق وعدم الاستقرار هو اللغة اللي بنفهمها! والمشكلة بتكون ضخمة لما يكون عنده خوف من الرفض وعدم ثقة في انه هيلاقي القبول، وفي نفس الوقت معجب بناس غير متاحين عاطفيا! الحل اننا نشتغل على نفسنا والتحديد ننمي علاقتنا بصحابنا الاولاد، ونكتسب الثقة والانتماء. اتجاهنا للطرف الاخر هيضرنا اكتر لان استحالة بنت تدينا اللي مفروض كنا نكتسبه من حب اهلنا وثقتنا وتشجيعهم لينا. وحتى لو تشجعنا وقربنا ونلنا القبول، لو مكملناش ثقتنا هتدمر لاننا هنرجع للافكار القديمة وضعف الشعور بالقيمة الذاتية واننا مش مستحقين للحب! فعلا الحل هو صحابنا الاولاد وننفتح عليهم زي ما دكتور عماد رشاد عثمان بيقول في اخر كام فديو. للي مهتم بالموضوع؛ فيه كتاب اسمه أزمة تعلق وفيه كتاب تاني اسمه attached والموضوع عموما اسمه limerance لو حد حب يدور على اليوتيوب!!!

7

3