انا بجد تعبت وزهقت ماما بتزعل مني من اقل غلطه مع انها بتكون حاجه تافهه يعني. اتخانقت معايا امبارح عشان ما رضيتش اسخن لاخويا الاكل وهي كانت محزراه قبل كده انها مش هتقوم تسخنله تاني وا ان احنا هناكل كلنا وهو ما رضيش ياكل معانا قال انا هاكل بعدين وخلي حد من البنات هو اللي يعمل. وانا قولت انا مش هعمل حاجه ومليش دعوه. المهم جه بعد ساعتين ولا تلاته قال انا عايز اكل ماما قالته انها حلفت انها مش هتعمل راح قايلي قومي انتي حضريلي الاكل فأنا قولت انا مش هسخن حاجه وهحطه على طول (هو كدا كدا بيفضل يتلكع وبياكل الاكل بادر فمش هتفرق يعني) فماما زعقيتلي وازاي ومش ازاي وهو ضربني وكلمني ولا كأني خدامه عنده ( دا الطبيعي) فأنا اتعصبت وحلفت لو مسكتني مش هعمل حاجه فهو ضربني وقال انتي قولتي لو مسكتك بس، وانا فماما قالتلي تاني قومي حضري الاكل لأخوكي قولتلها لاء، من ساعتها وهي واخده جنب ومش بتكلمني ولا ترد عليا. ودايماً كدا بتقفلي على الغلطه مع اني فين وفين لما بزعلها وممكن تقعد بالاسبوع متكلمنيش. مع ان اخواتي بيعلو صوتهم عليها وبيزعلوها كتير بس مش بتكلمهم شويه وبعدين بترجع تكلمهم عادي، ديماً انا اللي بتعمل معايا كدا. وانا عندي عاده (لو اتخانقت مع حد وجيت كلمته وهو مردش عليا بسيبه على راحته ومش بتكلم معاه تاني اياً يكن هو مين). ولما بكلم ماما اشمعنا انا اللي بتزعل مني تقولي عشان انتي اللي كويسه فيهم مش هتكونو كلكم كدا. فانا بستغرب ازي انا اكتر واحده كويسه فيهم واكتر واحده بتقفيلي على التكه، المفروض تعديلي لو غلط ولا حاجه لكن لا. ومعلش لو الكلام الكتير

4

11