ظلم الأم

Pear_84156 🇩🇿

منذ 3 أسابيع

شعور مرتبك

عبّر عن شعورك بشكل مجهول

حصل قبل نصف ساعة أو أقل 
أنا حاليا مريضة بزكام وو صوتي مبحوح جدا و انفي مسدود يعني لو اتكلم مارح اتكلم بوضوح و لما استيقظت من النوم كانت عندي حمى و وجهي احمر و حرفيا كنت في حالة يرثى لها سألت امي عن مكان نظاراتي فقالت لي أين تكرتيها ستجيدينها قلت لها لكن لم اجدها راحت تبحث عنها وهي تتعيد كلامي و تحاول تقلد صوتي بسخرية
من الصدمة ماعرفت اضحك ولا تبكي 
يعني بنتك مريضة  و تعاني  و نتي تسخرين منها 
المشكل هو ان امي تعلم ان هذا الشيء خاطئ و ايضا ماتعمل اخي بهذا الشكل 
برغم من اني بارة بأمي أكثر من اخي و لو اني ارفع صوتي عليها أعود و أطلب السماح و اترجاها تسامحني و لكن اخي يرفع صوته عليها و أحياناً لا يحترمها مع ذلك هي تحبه هو و أنا لا 
و هو لما يمرض تكتئب  و تشفق عليه 
هي صحيح أنا لما امرض تشفق عني بس مو لدرجة اخي 
أخي لما يمرض في الصباح ويروح للعمل تفكر فيه و يقعد في بالها و تحزن عليه ( مااخفي عنكم اني أنا و اخواني شاكرين انه يمثل بأنو مريض)
بس أنا يوم مرضت تركتني في البيت و راحت لبيت خالتي ولا اتصلت علي تسألني اذا أنا حية أو ميتة

ما ادري هي صح حنونة بس في نفس الوقت تقوم بتصرفات تحسسني اني أنا ماعندي مشاعر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_50514 🇪🇬

منذ شهر واحد

شعور مستنزف

هو الذنب الي عملته لدرجه امي تفضل تدعي عليا مره بالموت و مره بنار جهنم مع ان انا اكتر واحده معاه و كل اخواتي بيلعبوا ويعلوا صوتهم و كمان في منهم مش بيصلوا لكن عمرها ما دعت عليهم و كل شويه تتكلم عليا بالسوء و تستغل الفرصه انها تهيني و عمرها ما قالت عني حاجه حلوه لدرجه بقيت متأكده ان مفيش حاجه حلوه في

Mango_76005 🇪🇬

منذ شهرين

شعور مكتئب

اتصرف ازاي مع اب نرجسي بيقعد يخترع اي حوار عشان يعمل لنا غم ونكد ف البيت بدون اي اسباب ..وبيقف لامي ع الواحده دا غير انه ظالمها كتير جدا واخد كل فلوسها ومالها ودايما بيعاملها وحش جدا وانا ببقا متضايق جدا ومولع نار من جوايا لما بشوفه بيعاملها وحش .وحول حياتي لجحيم لدرجة اني جالي اكتئاب في مراحل متقدم

Donut_56000 🇪🇬

منذ شهرين

شعور آسف

عبّر عن شعورك بشكل مجهول

اهلا انا اول مره اتكلم مش عارفه اني اتكلم دصح ولا غلط بس اكيد جوانا حجات مش بنعرف نقولها للقريب علشان لو قلنها علاقتنا بيهم هتتدمر انا بنتين على ولدين محجوزه ومعايا طفلين ظروفنا متوسطة الحال الحمد لله فضل ونعمه بس بيواجهني دائما شعور غريب جدا لما بكون في وسط اهلي وهو ان امي وهي المفروض يعني انها امي دائما ما تقلل من اي حاجه بقدمهلها ايا كانت ايه هي  حتى لو هي عارفه انها بآخر فلوس معايا لازم تفاضل بين اللي بجيبه واللي اخواتي بيجيبوا دائما  حتى لمت تيجي زياره وده بيحصل حرفيا كل سنييييييين كتير ابص الاقيها داخله بكام كيلو فاكهة اغلبها مضروب طبعا هيتقال كفايه دخلتها عليكي واكيد دخلتها عليا بالدنيا بس في دخلتها على اخويا الوضع بيكون مختلف تمام حلويات من أرقى وافخم الاماكن وبكميات رهيبه   لو روحت معزومه عندها فانا بفضل بالشهور وفي  كل مكالمه قد ايه ان الوجبه كانت مكلفه ومدفوع فيها قد كذا في حين انها لما تعزم اخويا الاطباق بتكون فارهة جدا وعلشان طبعا ماتخلنيش اعلق تتبعها بكلمة اخوكي اللي دفع وجاب الحاجه طيب هل هي فقيره هرد اقول لاء هي مش فقيره بس بمبدا الغني هديته تكون قيمه واللي على قده هيرضي باي حاجه حتي في مره قلتلها ماما الفاكهة اللي جايبها كله مدوده واترمت تدخل في هجوم رهيب اني مش بحمد ربنا واني لازم اعلق على اي حاجه  واله العظيم هدية جوازي اخويا وهو اكبر مني داخل عليا بعد اسبوع من جوازي بهديه من الحجات اللي بتتباع ب٢.٥  وبعديها بفتره جت السيره  لما جت بتقولي انه جايبلك برفان براند  وده لان كان وقتها جيالي هدايا كتير رد هو قال انا مجبتش حاجه ديه الهديه اللي ولاد خالتك الصغيرين جابوها امك قالتلي ادخل بيها 
  طبعا علشان ماتقلقش مثلا على فرق الهدايا يختلف باختلاف انهم مقدرين كل لما تشوفني لازم تفهمني انهم واخدين قروض
 حتى ميراث من ابويا  خدعتني وخلتني ابيعه بتوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_73251 🇪🇬

منذ شهرين

شعور عاطفي

موضوع:

قرارات من الأهل كانت سبب في تغير حياتك

حرفيا صح اوي امي دايما مكانتش بتاخد براينا و دايما تزعق و كلمتها لازم تمشي و لو انا مظلومة و جيت اعاتبها تتعصب و تضرب عشان خالفت تفكيرها للاسف شخصيتي ضعيفة اوي من ناحية اني مش بعرف اتكلم بس بعرف اقول رايي عشان اخاف اتطنش مش بشارك في الكلام الجماعي بكون بتفرج عليهم بس

Tofu_19483 🇪🇬

منذ 3 أشهر

شعور محبط

زعلانه من ماما جدًا بجد.. عندنا زيتون وبنعصره كل سنه ماما بتطلع زيت الزيتون كله حتى مش بتسييلنا خالص..لحد ما جالي كانسر والدكاتره وصوني آكل بزيت زيتون ف سابتلي قاروره ليا وتمام وبأكل بيه والدنيا حلوه جت خدته وأنا نايمه وادته لواحده غريبه عندها كانسر والدكتور موصيها تأكل بيه ،لما جيت أكلمها ف الحوار

Apple_70037 🇪🇬

منذ 3 أشهر

شعور محبط

موضوع:

حد عاني من اهله قبل كده؟

عانيت وبعاني من امي بعد موت ابويا وفضلت اسايس واحايل وامشي الامور لاننا 5 اخوات وانا الكبير طول عمري مريحها وشغال ليها ولاخواتي خدام من مصاريف لمصاريف ا لجواز تعبت وشقيت عليهم كتير وبعد ما خلصت جوازهم شنعت فيا ووصفتني باقذر الاوصاف ورمت عليا تهم واتبلت عليا وقالت عليا كل العبر علشان محدش يصدقني ولا

Avocado_69467 🇪🇬 طول ما انت واثق من نفسك انك كويس خلى تكالك على الله وثق تماما انك كل ما هى هتسىء ليك اكتر ربنا هيكرمك ويجازيك خير علشان هى امك اصبر لان الايام بتعدى والكبير بيكبر والصغير بيكبر وطول ما ولادك شايفينك متحمل إساءة امك وانت صابر هيجى يوم ويستحمولك فى كبرك

عرض الكل 4 نصيحة

Cherry_48485 🇪🇬

منذ 4 أشهر

شعور مكسور القلب

Watermelon_56753 🇪🇬 انتي مع ناس توكسيك .. لما حد يقارن نفسه بيكي، انا شايف ان المناسب انك تقولي انك مش في مجال للمقارنة مع حد وتاخدي موقف، وفهمي مامتك أن احترام الناس ليكي من احترامها هي كمان!!

عرض الكل 1 نصيحة

عبّر عن شعورك بشكل مجهول

أنا مؤمنة بربنا حامد وعارفة ان اللي عايزه بس هو اللي هيحصل بس أنا الكبيرة في اخواتي طول عمرنا في دولة خليج لما خلصت ثانوي نزلت مصر عشان أكمل تعليم عشان أنا بنت قالو لي مينفعش تقعدي في الشقة لوحدك قعدت مع قرايبي شافوني بكل مميزاتي وعيوبي أنا نزلت في عنيهم وهما نزلوا في عيني كالعادة بسبب كتر الاختلاط اخوية نزل وامي نزلت معاه وخلاص بقينا قاعدين في البيت بس مشكلتي مع ماما اللي مطلعها كل اخبارنا برة وبردو بابا بس ماما اكتر ومن سنين والناس مش عارفة تصدق ان أنا مش بالوحاشة اللي ماما بتحكي عليها وبتصدق بالاخص ان هما شافو مني حاجات الحاجة اللي مزعلاني اني في رابعة كلية وولا جاء لي ولا عريس خالص نفسي افرح احس اني مرغوبة بس أنا أصلا مش عايزة أتجوز دلوقتي بس مجرد الفكرة بس عندي بنت خالتي اكبر مني بسنة مخطوبة من تالتة كل لما تيجي تقعد تتكبر عليه وفي مرة سمعت خالتي بتقول ليها ولا تقعدي تغيظي فيها كتير عشان هي مش طبيعية ومكروهة وحتي امها بتكرها وولا بييجي ليها عرسان كلنا عارفين انها معيوبة احمي نفسك منها الكلمة ضايقتني جدا بالاخص اني داخلة كلية اعلي من بنت خالتي وكانت الغيرة وكلاها مني وبشكل واضح واصدقائي قالو لي رشي مية بملح كل لما تيجي ليكي عشان كانت كل لما تيجي لينا تحصل مشكلة ان ييجي عليه زيت او حاجة ولما كنت اقول لاهلي كانو يقولو لي مفيش حد احسن من حد هي اه في تجارة وانتي ذكاء بس هي أجمل منك فاتفاجءت من كلمة خالتي والطريقة اللي بتتعامل بيها وحاسة ان ماما هي السبب في اللي أنا فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59482 🇪🇬

منذ 4 أشهر

شعور ضاق ذرعًا

ماما لمجرد أن حد من اخواتي يزعلها فتحطنا كلنا في سلة زباله واحده انتو مش بتحبوني انا كلكم زباله ومطمىتش تربيه اخر مرة اختي زعلتها وقفت جنبي تقلي وانتى كمان تتمتى اموت وترتاحي منى طيب ليه كده وانا الوحيده الي كنت معاكى في كل صدمات ومشاكل اخواتى وانا الوحيده الي بسمعك واطيب خاكرك انا الوحيده الي موقف

Watermelon_60062 🇪🇬 امك فكراكم ممتلكات ليها وعندها تشوهات نفسية. اسئلتك هتعرفي تجوبيها لو قرأتي شوية في علم النفس والامراض والاضطرابات النفسية والسلوكية. ابدأ الرحلة عشان لما تعرفي ان في خلل وتفهمي ليه بتتعامل. معاك كدا يمكن ترحميها وتحتويها وتعرفي ان المشكلة مش في شخصك

عرض الكل 11 نصيحة

Banana_56251 🇪🇬

منذ 5 أشهر

شعور محبط

سلام عليكم أنا ولد عندي 15 سنه و ابويا متجوز علي امي و ابويا بجد بيعامل مرات ابويا احسن من امي بكتير قوي بياخد رايها في كل حاجة امي لو اتكلمت مش بياخد بي رايها ملحوظه ابويا عايش في السعودية مع مرات ابويا صح ابويا مش مقصر معانا في حاجة بس أنا بحب امي اوي و بكره ابويا و بكره مراتو و كل لما حد يغل. مني

Coffee_21018 🇪🇬

منذ 10 أشهر

شعور محبط

انا بتعرض لظلم من امى أنا عندى اخت اكبر منى بتشتغل وبتدرس تمريض لما كانت بتشتغل امى ما كانت تخليها تعمل حاجه بحجه أنها جايه تعبانه من الشغل ولزم نشيلها علشان هى تعبانه ، جيت انا نزلت شغل بردو ويدرس حقوق امى بقت تضربنى وتقولى انتى مش بتغسلى المواعين ليه انتى مروقتيش ليه بقولها جايه تعبانه من الشغل بت

Strawberry_46613 🇪🇬

منذ 11 شهرًا

شعور مكسور القلب

Pineapple_33562 🇪🇬 لأ طبعا ربنا مش هيحاسبك علي ده لأنه انتي معملتيش حاجة تخليها تضايق منك اساسا انتي مش مسؤولة عن مشاعرها انتي مسؤولة عن تصرفاتك وبس

عرض الكل 9 نصيحة

عبّر عن شعورك بشكل مجهول

جماعة بجد عيزاكم تقولو دة يرضي ربنا وظلم ولا لا عشان ممكن أكون أنا مش واخدة بإلي أنا من الإعدادي أنا وماما مفيش مبيننا تفاهم وبدات تتغير تصرفاتها موت معايا من اول الإعدادي من اهم الأسباب أني قربت لبابا وبتقول إني بشاركها في جوزها وكلام زي دة وتنزل فيا ضرب وتفرقة مبيني ومبين اخواتي المهم احنا أنا في الكلية وأخوية كمان في الكلية وأختي الصغيرة وبابا بيروح يشتغل بعيد لفترة ماما بتفرق مبيني ومبين اخواتي في المعاملة ومش كدة وبس زي ما قلت في موضوع تاني بتسوء سمعتي بالباطل كل ما اجي أدافع عن نفسي تهاجمني هجوم جامد وتنزل ضرب ودعا عليه أنا باجي من السكن الاتنين وأخوية الخميس فوصل بيها الحال إنها تقولي اعرفي ان من الاتنين للأربع انتي هتطبخي لنفسك وتروحي تجيبي طلباتك أنا هطبخ ليا وانا وأختك بس لغاية يوم الخميس هطبخ طبخة كبيرة مش عارفة بجد اعمل ايه ولا أتصرف ازاي عشان اي تصرف بعمله بتفهمه غلط وبتمشي تكلم اختي الصغيرة عليه وتدعي عليه وتعلي صوتها ودايما مش عارفة أعيش في هدوء نفسي خالص فكرت في الإنتحار اكتر من مرة بسببها علي مدار حياتي دخلت في حالات نفسية واخدت مهديات شعري وقع وبشرتي تدمرت بس بردو قلبي بيرحمها واقول لنفسي هي وأختي الصغيرة بيقعدوا لوحدهم تعالي يوم الاتنين ولما اجي تحصل مشاكل وتمن عليه كمان ان أنا جيت وتقول لي انتي جاية من السكن علي شأني امشي عدل وانا قسما بالله تربي لي خوف ودايما قاعدة علي سريري ومش بعمل حاجة من اصله بجد بخاف اعمل اي حركة آسفة طولت بس تنصحوني بايه ودة ظلم ولا لا وقلبها اللي مش راضي بسبب إنها غيراني ابقي كوبي من بنت خالتي ومش عارفة تتقبلني كانا ودعاها عليه دة مستجاب وربنا هيحاسبني عليه ولا هو شايف ان ماما بتعمل اللي ربنا مبيعملهوش وان هي بتحملني فوق طاقتي ومش متقبلاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_30315 🇪🇬

منذ سنة واحدة

شعور متعب

امي دايما بتفضل أخواتي الولاد عليا حتي لو معايا حق دايما هما صح هما الولاد دايما بتعمل اي حاجه عشانهم حتي لو هتستلف لكن لو انا زنزلت شغل بتستخسر يكون معايا فلوسي و تقولي معلش هاتيهم مع انها مبتخدش من أخواتي حاجه ويمكن تاخد مني و تديلهم بجد عندي تروما ومش عارفه امي بس اللي كده ولا الامهات كلها كده

Apple_29311 🇪🇬 فعلا حاولي تسعدي نفسك بنفسك والله يكون بعونك

عرض الكل 10 نصيحة

Avocado_29715 🇪🇬

منذ سنة واحدة

شعور متعب

دايما بحس انى بكره امى جدا لان هى بتعاملنى غير اخواتى تماما يعنى مثلا انا اللى بعمل كل شغل البيت وشايله مسؤوليه المصاريف ده غير ان انا لسه فى 2 ث وعندى 15 سنه يعندى عندى روس ومذاكره وليا حياه خاصه بيا المفروض ورغم ان انا اكتر واحده ببرها وبتقعد تقولى ان انا اكتر واحده بتحبنى فى اخواتى وانها بتحكيلى

Jackfruit_28390 🇲🇷 أخواتك اصغر منك ؟؟

عرض الكل 4 نصيحة

Pineapple_25492 🇪🇬

منذ سنة واحدة

شعور محبط

موضوع:

ازاي ضغوطات الأهل وتوقعاتهم بتأثر عليك نفسياً

عبّر عن شعورك بشكل مجهول

لا بصراحه حصلت حاجات كتير اوي اكترهم من والدتي انا البنت التانيه الوسطي يعني اكبر مني اختي بسنه واصغر مني اخويا بسنتين امي طبعا ادت اهتمام اكتر لاختي انها البنت الاولي او زي م بيقولوا كدا البكر وطبعا الولد مهم لانه وحيد مع بنتين واحد من المواقف اللي جت عليا امي فيهم وحسيت اني ماليش قيمه وقتها كنت في ثانوي من حوالي 6 سنين انا دلوقتي 4 جامعه اللي حصل اني تعبت فجاه في المدرسه كانت اول مره اتعب فيها اختي كانت موجوده وكدا والمديره كلمت ماما قالت ليها بنت حضرتك تعبانه ولازم تخديها للدكتور خافت وزعقت قالتلهم مين قالت ليها بنت حضرتك الصغيره رد مامتي زعلني موت لدرجه اني لو كنت بنت ضرتها معتقدش ان دا هيكون ردها قالت ليها حرام عليكي وقفتي قلبي لو هي الصغيره خلاص هبعتلك اختي تجبها وانا صحابي سامعين رد مامتي اللي هو انتي بتقولي اي يعني لو كانت الكبيره كنتي هتيجي جري وفعلا خالتي جت اخدتني وروحت بيا البيت و ماما فتحت وبدل م تقولي روحي ارتاحي قالتلي روحي اعملي شاي و وضبي البيت طب انا تعبانه انتي بتقولي اي وحصل برضه انها هزقتني قدام صحابي في الشارع وتشتمني وتعلي صوتها عليا وانا ابولها خلاص يا ماما خلاص تقولي خلصت روحك وتشتمني في الشارع قدام المدرسه وقدام كل الناس علشان مجوبتش علي سؤال صح في امتحان دلوقتي انا في الكليه وفي اخر سنه كليه حقوق واختي كليه تمريض علشان اختي كليتها عمليه اكتر مني امي بتجيب ليها كل حاجه هي عوزاها من هدوم لاكل لمصروف انما انا
انا بحاول اققل المصاريف عليها شويه لا تيجي تقولي هتروح الكليه امته اقولها الاسبوع الجاي احسن تقولي وتروحي لي انتي معندكيش سكاشن عاوزه تنصرف فلوس عليكي وخلاص ومش بتجيب ليا الهدوم دي بتجيب ليا هدوم اختي القديمه بعد م تجيب ليها الجديد ولما اجي اطلب فلوس او حاجه اختي ترد عليا وتقولي خفي ايدك شويه مفيش فلوس طب انا عايزه اجيب كذا تقولي بعدين مش شايفه ان في كليه وسكن ولبس وطبعا الحاجات دي كلها بتكون ليها لكن انا لما اطلب حاجه بيحسسوني اني بشحت طيب بعدين طيب مش دلوقتي ماشي حسيت بعدم الأمان معاهم الصراحه لما اكون زعلانه بيستألوا بزعلي ووجعي بيتريقوا لما اتعب واتوجع يقولولي خلاص بق انتي كل شويه تعبانه طب انا اعمل اي هو الواحد بيبق فرحان وهو بيتوجع والوجع بيقطع في جسمه مبقتش قريبه منهم تقدروا تقولوا كدا زي كاني بقيت ضيفه في بيتي علاقتي معاهم كلهم بفت سطحيه بس الحقيقه مع اني عاوزه منهم اهتمام ومع ذالك انا مرتاحه وانا لوحدي يمكن علشان قعدت وقت طويل لوحدي بعيط بالليل لوحدي ومحدش بيسمع صوتي بتألم لوحدي ومحدش بيحس بوجعي في مواقف كتير الصراحه من وجعها مش عاوزه افتكرها او افكر فيها

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع