محتاج نصيحة حاسس بوحدة ومش غالي عند حد

Question

محتاج نصيحة حاسس بوحدة كدا كدا انا بشتغل والدنيا تمام والحمد لله شاطر في شغلي بس مخنوق اوي الي هو انا دايما حاسس انا مليش حد مش غالي عند حد حتا الي بحبها حاولت اعملها كل حاجة جت في الاخر قالتلي مكنتش بحبك واتسرعت مبقتش عارف اعمل اي بجد ومش لاقي حد اتكلم معاه اصلا

Carrot_71203 🇪🇬 · Answer

قرب من ربنا اتجعلك الله صوب عينيك والجأ إلى الله وعسى ربنا يرزقك بناس  تقدر مشاعرك وتفهمك

Croissant_72937 🇪🇬 · Answer

اللي حصل مش معناه إنك قليل أو إنك مش غالي، بالعكس أحيانًا ربنا بيكشفلنا حقيقة الناس بدري علشان يحمينا من أذى أكبر. وجودك في شغلك ونجاحك دليل إنك بني آدم قادر يعتمد على نفسه، وده مش أي حد يعرف يعمله. ركّز دلوقتي على نفسك

Strawberry_73695 🇪🇬 · Answer

انا حاسه بيك لان تقريبا اتحطيت في موقفه مشابهه لده بل اسوء منه ف انا جايه اقولك خليك غالي عند نفسك لانك غالي عند ربنا حب نفسك ساعد نفسك بنفسك متستناش حاجه من حد عشان و الله بناخد علي قلوبنا في الاخر و حتي لو جت الفرصه قدامك انك تتكلم مع حد متتكلمش عشان هتندم بعدين ف انت ف غني عن الندم ده ركز في شغلك اكبر فيه سافر استمتع بحياتك ربنا يروق بالك ♡

Cherry_73694 🇪🇬 · Answer

فيه دعوه كانت بتتقال ربنا يبعد عنك ولاد الحرام ربنا بيكشفلك حقيقه اللي قدامك