بقيت مخنوقة، تقريبا ولا مرة سمعت كلمة كويسة من أهلي في دراستي، انا في تالتة ثانوي و مفتحتش المواد من اول السنة بسبب حاجات كتير بتضغطني نفسيا و هما شايفين انو ليه اتأثر او ازعل طالما عندي بيت و اكل و شرب(الحمدالله انا عارفة اني دي كلها نعمه) طول الوقت مثلا برجع مبسوطة الي هو بصو انا مستوايا اتحسن بيكون الرد "أتحسن بس؟ انتي لازم تكوني مثالية اصلا مش فاشلة."، في يوم كنت راجعة من درس و مبسوطة بالدرجة بتاعتي و كنت نقصت درجتين بس "ليه تنقصين درجتين اصلا و ليه تغلطي؟" و لما حسو اني زعلت قالولي "تلاقيني جيبيها حظ او غشيتي." الحوار بقي بيخنقني جدا و مبقتش عارفة هما الي صح ولا انا غلط. احيانا ممكن اقعد طول اليوم بذاكر درس واحد لأنو صعب و مليان و انا مش بفهم ياجو اخر اليوم "اليوم كلوا في درس واحد انتي فاشلة انني غبية و مش فالحة اي حد كان ممكن يخلص باب كامل في يوم لاكن انتي لا." بقيت بكره ابص للكتب بحس ذاكرت زي مذاكرتش مش فارقة، حتي لو حسيت بفخر بنفسي شوية اني حاولت ارجع اذاكر تاني بيقعدوا يقولولي انتي فاشلة الناس كلها بدأت من بدري و انتي لسه، الي هو ما انا بحاول مش هبقا نبغة من يوم و ليلة كل الي مستنياه كلمة شاطرة انتي تقدري تكملي بس... و بكرهه اني لجئت للبرنامج هنا مستنيه ناس مجهولة الهوية تواسيني بدل ما الجئ ليهم هما. اسفة جدا لو طولت.

2

7