مش بكمل حاجه للاخر مش عارف ليه بيجيلي احباط اول ما بتجيلي الحاجه الي كنت بتمناها عمري ما حسيت اني كفاية وبحس اي حاجه بتجيلي من اهلي انها كتير مع ان في حاجه جوايا بتقو ان دا الي مفروض يعملوه إصلا من غير ما احس بضغط نفسي غير اني بمر بوقت مش حلو نهائي وفي تالته ثانوي الخوف الاول لكل الطلاب دا غير انو الوقت بيجري وانا حاسس اني بعيد اوي ومش ماشي مع اي حاجة والمشكلة ان اهلي صح مش مقصرين في الماديات بس بحس ان دا حب مشروط برضو نفسي اسعدهم واخليهم فخرورين بابنهم الكبير بس مش قادر اعمل دا وكل ما افكر في الموضوع احس ان في جبل علي قلبي انا حرفيا مكمل في الطريق دا وانا مش عارف انا عايز ايه كل ما حد يقولي عايز تدخل ايه بقول طب اسنان ودا كان فعلا حلمي بس وانا صغير الي هو زي لما تسأل اي طفل فا يقولك نفسي ابقي رائد فضاء او طيار او ظابط حجات اغلبها مش بتحصل ولما كبرت لقيت ان شغلانه طب الأسنان دي مختلفه عن ميولي شغل روتيني بشتغل تحت حد فا بعدت نظر عن الفكره دي بس لما حد بسالني بقولها لمجرد ميتقالش اني معنديش طموح ولما جربت اقول اني فعلا معنديش فكره انا نفسي ابقي شغال ايه او ادخل كليه ايه مسلمتش من النقاشات الا محدوده ولما بفتح سيره اي كليه تانيه بلاقي نظره عدم الرضا في عيون اهلي انا بعرف اصمم ونفسي افتح براند ومعنديش مشكله ادرس Artist design بس الفكره دي مرفوضه من زمان وان ممنوع ادخل فنون جميله او اي حاجه ليها صله بيها لانهم شايفين ان دا ملهوش مستقبل بس مش عارف اذا كان في حاجه تاني نسيت اقولها بس دي اول مره اشارك وعايز راي كل الي يقرأ

1

1