مش قادرة اتكلم عن اللي بؤذيني عشان محدش ياخد فكرة وحشة

Mango_77928 🇪🇬

منذ 3 أيام

شعور مكسور القلب

انا اكتشفت مؤخرا ان لما ازعل من حد سواء من اهلي او اصحابي او حتى مش مهم في حياتي مش بقدر احكي الموقف عشان اللي بحكيله ماياخدش فكره وحشه عن الشخص مع ان الموضوع مسبب لي اذي حقيقي ومش عارفه اتخلص من الموضوع دا واتكلم وارتاح وحتى لو اتكلمت بقول مقابل كل كلمة وحشه في حقه.. كلمه حلوة في حقه.. مش عارفه دا ايه بس حقيقي الموضوع مؤذي نفسيا جدا

اللي بحبه بيروح مني ومقدرش اتصرف - بجد بنهار

يا جماعة اعمل اي لما الاقي اللي بحبه بيروح مني حرفيا بيروح مني شايفة واحدة بتقربله و انا مقدرش اتكلم عشان مبقاش فيه بينا حاجة بجد بنهار اعمل ايه مش قادرة اعمل حاجة خالص و الفكرة بشوفهم كل يوم يعني حتى مش عارفة اتعافى ...عرض المزيد

5 الدعم

4 نصيحة

صاحبتي اللي زي الأخت بقت بتقلل مني.. عايزة حل

انا عايزة رايكو في مشكلتي..انا عندي واحدة صحبتي من 4 سنين يعني أختي هي أقرب واحدة ليا انا شخصيه اجتماعيه و اعرف ناس كتير بس قليل اوي اللي قريب مني.. عيلتنا صحاب يعني تقريبا أختي.. بس مؤخرا بدأت أشوف منها حاجات كتير مواقف انها مش بتحبني و أو ممكن بتحبني بس بتحب نفسها أكتر معندهاش مشكله تقلل مني أو تقولي كلام بيضايق قدام الناس بس عشان تحس أنها أحسن مني.. و بتقف مع أي حد عليا و دايما شايفه هي اللي صح و انا أيا كان رأيي طلامه مش زي رأيها يبقي غلط.. انا شخصيتي مش ضعيفه بس بحبها و لفت نظرها كتير و اتخانقنا كتير بسبب الموضوع ده و قولتلها صراحتا.. بس هي كل مره اواجهها فيها تقعد تعيط و تقولي انتي اللي غلطانه أنك بتفهمي غلط و تعيط و تخلي كل الناس يحسو أنها الضحية و ده لأن انا مهما كنت مظلومه عمري ما بحب اللبس دور الضحية ده .. و هي بتستغل ده صح .. مبقتش عارفه أعمل أي أبعد إزاي و هي معايا في كل حته مدرسه و بيت و تمرين و دروس.. طيب اطنش مش قادرة و مش مستحمله و لا حتي بقيت عايزة اواجهها تاني.. عايزة حل لو سمحتو ساعدوني ...عرض المزيد

4 الدعم

7 نصيحة

ازاى أواجه بابا بسبب الألم النفسي والخوف من التعبير؟

ازاى اقدر أواجه بابا بإنه مسبب ليا الم نفسي الم يتجاهله دايما و اقول هرمونات و اهزر و اضحك لكن لما بفكر بشكل عميق و ادور في مشاعري و تصرفاتي مع الناس بكتشف اني بسبب بابا بقيت شخصية جبانة ،، جبانة اني اعبر عن رأيي عشان بحس أنه هيترفض أو هيتقلل منه مبثقش ف حد بقيت اخاف اتعامل مع ناس جديده ، الناس القديمه اللي ف حياتي معاملتي اتغيرت معاهم و بستغرب أنهم ازاى بيحبوني ، يعني بحس انهم بيمثلوا عليا ، أو لما حد يقدملي موقف حلو بحس أنه حاجه مؤقته و الشخص ده مبيحبنيش و عمره ما هيخاف على زعلي انا جبانة حتى ف اظهار مشاعري لبابا ، لو حضنته مش بيحضني لو قولتله انت واحشني بياخد الكلام بتريقة و يقولي كتر خيرك ، هو سببلي عقد نفسية كبيرة لدرجة اني بقيت بخاف من كل حاجه ، عمره ماخاف على زعلي ، انا مضغوطة نفسيا لدرجة اني بتمنى اعيش في مكان لوحدي و لا اني اعيش في الضغط ده تاني لانه دايما محسسني اني في سباق لازم اوصل للكمال و النهائيات ، اللي حتى لما اوصلها مش هيعجبه بردو !!! اعمل ايه؟؟؟؟ ...عرض المزيد

7 الدعم

6 نصيحة