مش قادره اتقبل نفسي وبحاول اكتشف ذاتي

Question

انا دايما حاسه بكبت وديقه وخنقه كده وممكن تبقي بلا سبب او بسبب بس انا كنت كتماه وكده 
والاصعب بق ان انا مبقتش اعرف اعبر عن مشاعري بشكل صريح عن زمان او مبقتش اعرف اعبر عن مشاعري بشكل عام 
اجتماعه جدا لكن بخاف اتعامل مع الناس 
اللي بيدور في  فتره ان انا بكتشف نفسي عني
بعرف اكتر عن نفسي و بقيت اكتشف ذاتي يعني فاهمين م عارفه اشرح ف المهم بردو بيدور في بالي او اللي انا بحاول اخليه يدور في بالي ان انا لازم اتقبل نفسي كما انا بعيوبي ب مميزاتي بكل شي عشان اعرف اغير من نفسي لو انا عايزه اتغير لازم اتقبل نفسي زي م انا 
ومش قادره اتقبل نفسي ياجدعان بجد ديما بنقي العيوب والمشكله بقيت اقارنها مع المميزات وبقول انا فيا حجات حلوه طب بس انا وحشه وكلام من ده ف بس كده

Chocolate_72636 🇪🇬 · Accepted Answer

كلام جميل انك تعرفي عيوبك ومميزات تقبل نفسك زى ما هيا والعيوب حولى تصليحيه انتى في مرحله كويسه عشان تقدر تكونى شخصيه كويسه لنفسك وسط المجتمع انتى كده تمام

Chilli_76875 🇪🇬 · Answer

ف حوار انك تقبلي ذاتك ده شئ مفروغ منه من غيرو هتتعبي جامد و هتكرهي نفسك اكتر و اكتر كل واحد منا عندو عيوب هو مش متحملها بس هو ده طبعو هي دي ذاتو لو قعدت تركز ف العيوب المميزات بتختفي اول بتقل بالتدريج لحد ما تبقي انت مش عارفه نفسك

Waffle_47307 🇪🇬 · Answer

من ساعت ما ابتديت اكتشف نفسي وانا بقيت اكرهني فاهم

Chilli_76875 🇪🇬 · Answer

بالعكس انت دلوقتي بتضغطي ع نفسك وبتحاولي بكل الطرق انك تغيري الي مش عجبك أو تحاولي تسيطري عليه اغلب الناس عندها عيوب و مشاكل و ضغوطات و حوارات ملهاش اخر بس تشوفيه و هو نازل من البيت لابس و مطقم و البفران و مزيل العرق و محدد دقنو وبرنس نفسو و هو تحت القناع ده ف جحيم كلنا تعبانين بس ف وقت لازم و تقفي مكانك و تفكري هل أنا ماشي صح ولا غلط و تقعدي تسألي نفسك حاجه كده زي استراحه من الضغوط

Waffle_47307 🇪🇬 · Answer

بس في حجات انا مرتحالها وحباها وفيه عشره لا 
وانا مضايقه اوي اني بكتشف نفسي مش عارفه ليه بضايق لما اعرف حاجه عني او انا مكنتش واخده بالي منها قبل كده

Chilli_76875 🇪🇬 · Answer

بس صدقيني انت ف حته حلوه أنا مريت بالفتره دي و اكتشفت حاجات أنا مكنتش متخيل اني اقدر اعملها يعني اي؟
يعني فكرت مثلا اني مش هقدر اكسب الماتش ده و لما لعبت كسبت أنا مصدق اني عملت كده لوحدي و بمجهودي فاهمه

Waffle_47307 🇪🇬 · Answer

مفيش اجابه بترضيني وبما اني اصلا شخصيتي متردده ف ده صعب اوي اني ارد علي اساله اسالها لنفسي 
وبقيت صعب اخد قرارات لنفسي لو كان حتي طقم البسه

Chilli_76875 🇪🇬 · Answer

لان البني ادم دايما طمعا في الاحلي وبعدين ده انت و نفسك لازم تكوني متقبلها يا ستي مثلي انك بتحبي نفسك و اعملي الحاجات الي انتي بتحبيها مش لما بتفكري أنا هجيب حاجه حلوه انت بتحبها بتروحي تختريها هي هي نفس الاسئله الي بتسأليها لنفسك انت بس بتهربي من المواجع و ده شئ طبيعي الإنسان ف العموم بيخاف من المجهول و مبحبش يواجه بس ضروري انك تواجهي وتتعايشي جربي و ادعيلي

Chocolate_72636 🇪🇬 · Answer

ده من كرم ربنا ليكى مش عايز يكسفك قدام حد انك تكتشفي عيوبك ومميزات والى بيديقك ممكن ستصبح واكيد هيتصلح عشان انتى رفضه العيوب بتعتك