بحكي مشاعري المكبوتة ولقيت ناس زيّ

Coffee_27700 🇪🇬

منذ سنة واحدة

شعور لا مبالٍ

موضوع:

اي سبب دخولك للبرنامج

دخلت عشان اشارك مشاعر مكبوتة جوايا وحاجات مش هقدر احكيها حتى لأقرب الناس ليا عشان الناس اللي معاشوش نفس التجربة مش هيفهموا وهيبدأوا يحكموا عليك. لما لاقيت ناس شبهي وناس عايشين أسوأ من تجربتي اكتشفت أن كلنا في ابتلاء وكلنا محتاجين مساعدة. ربنا يرحمنا برحمته الواسعة

ازاي اتخطي الفترة الصعبة دي وأنا مش موقفة؟

ازاي اقدر اتخطي فترة صعبة ف حياتي انا مش موقفة حياتي خالص انا مكملة و مش بدي نفسي اي فرصة للتفكير بس اخر فترة بقيت ف تعب جسدي مستمر و عارفة أن ده من كتمان الغضب و مش عارفة اعمل ايه مبقدرش اعيط و لا بقدر اصرخ بحس اني مش عارفة اعمل كده ...عرض المزيد

0 الدعم

بحاجة لبنت أفضفض معاها من غير خوف أو أحكام

“أوقات كتير بحس إن الكلام اللي جوايا تقيل عليَّ، ومحتاج حد أشاركه كل اللي مخبيه. مش مجرد حد يسمعني وخلاص، بس حد يفهمني، يدي لكلامي معنى، ويبقى موجود مش عشان يحل مشاكلي، لكن عشان نحس إننا مش لوحدنا. محتاج بنت أقدر أتكلم معاها بصراحة من غير خوف من أحكام أو نقد. حد يكون عنده نفس الشعور إن الدنيا بتضغط علينا وكل واحد فينا محتاج اللي يخفف عنه ولو بكلمة بسيطة. مش دايمًا الفضفضة معناها إننا بندور على حلول، ساعات بنحتاج نحكي عشان نرتاح، نتشارك الحاجات اللي بتوجعنا، نفرح بالحاجات الصغيرة اللي بتعدي علينا، أو حتى نضحك على مواقف تافهة عشان ننسى شوية همومنا. بحس إن وجود حد كده في حياتنا بيفرق كتير، بيخلي الحياة أبسط وأخف. عايز أقول إن الفضفضة مش ضعف، وإن اللي بيشارك اللي جواه مع حد قريب منه بيكسب راحة بال واطمئنان. يمكن لو كل واحد لقى حد يسمعه ويحس بيه، الحياة تبقى أسهل. مش غلط إننا ندور على السند، لأن كل واحد فينا محتاج حد يتكئ عليه ولو للحظة.” ...عرض المزيد

9 الدعم

1 نصيحة

مش فاهمة ليه دايماً أنا اللي أبرر وأفزر دماغك؟

هموت واشتمك عامةً بس اللي حايشني اخلاقي. مش فاهمة، كل مرة باجي واضحة وبقول اللي فعقلي بالضبط، ولما تسألني ايه اللي مضايقك بقولك اللي في دماغي بالضبط وبرضو تروح وترجع تعملوا، ما انا مش فاهمة، طالما مش فارق بتاكل 💩 تسألني ليه؟ مهو مش طبيعي كل مرة تسيبني لدماغي وأنا اللي اقعد ابرر التصرفات من دماغي عشان تيجي تقولي انتي عارفني، احيه بجد، ما ليه انا اللي اقعد افزر واحزر اللي فدماغك، ليه مش انت اللي تيجي وتشرح وتقول اللي فدماغك؟ وبعدين تيجي تقولي البنات دايماً مش بيقولوا اللي في دماغهم، والله؟!!!! وبعدين ليه أنا اللي دايماً بعمل مجهود وادادي وادعم واطبطب واتكلم في الموضوع مليون مرة لغاية ما تتخطاه واطمن واشارك افكاري وانت عامل زي الحيطة؟ وبعدين تيجي تقول انتي اقرب حد ليا، انت بتتعاطى يبني؟ نفسي مرة بس كلامك يكون ماشي مع أفعالك عامةً.بتأجل كل حاجة ومش عارف عايز ايه ومش بتيجي سكة ودغري وتقولي ان احنا شبه بعض وانت تصرفاتك في حتة وكلامك مجاش هناك اصلاً.سبحان الله كل مرة بمشي بمزاجي وبقول هبقى متفهمة بس النهاردة كانت آخر قطرة غالباً لدرجة مش قادرة ادي اي ردة فعل، ده حتى انت خدت بالك اني مش عارفة اتكلم وحسيت اني حمشي فقاعد تبرر من الصبح، بس اقسم بالله أنا لو مشيت ما هلف وأرجع تاني وانت عارف ده كويس، لأنه الحمدلله عمري ما قلت حاجة إلا وعملتها لأني الحمدلله عارفة قيمتي وعارفة أنا عايزه ايه ومش عايزه ايه، وأنا مش عايزه انا بس اللي ادي واحرق مجهود عالفاضي! عمري ما كنت استنى من حد مقابل، بس اقلها تحترم الدعم النفسي والمعنوي اللي كنت بقدمه وتحترم اني بشر برضو واحياناً زي ما بتلاقيني دايماً موجودة يمكن كنت محتاجة في مرة وحده بس انت كمان تكون موجود، بس ما علينا، أساساً مش حتستوعب اللي بقوله عامةً عشان ولا مرة عبرت فيها كنت مركز اساساً.والله لو قعدت اكتب للصبح مش حخلص اساساً I guess I’ll never understand men at this point, All they can give is disappointments. ...عرض المزيد

6 الدعم

2 نصيحة