بكن مشاعر لشخص مينفعش وزهقت من نفسي

Cherry_58424 🇪🇬

منذ 4 أسابيع

شعور ضائع

اكتشفت اني بكن مشاعر لشخص مينفعش اني اعمل كدا وحاولت اخرج من الدايره دي كتير بس كل مره بشوفه بحس اني عايزه اقول حجات كتير بس بعدين بكتشف انه مينفعش انا انبهرت بحجات كتير في الاول في شخصيته بعدين لقيت نفسي انه كل مره بيمدح حد غيري ان جوايا نار مبقتش طايقه حد هو بيمدح او بيكبر منه بحس اني نفسي اني اقتل اللي بيمدح دا دايما بحس اني عايزه ابقي مكانه حاولت كتبر وقدمت مبادرات كتير بس دايما حاسه اني مش متشافه انا حرفيا بالنسبه له هوا وزهقت ونفسي امشي من المكان دا بس مش عايزه امشي ومبقاش موجوده..

انجذبت لواحد عنده 30 سنه وانا 18!

جدعان بجد انا ف حاجه غريبه بتحصليي وعمري ما كنت كد عمتا بصوا انا من وانا صغيره مستحيل انجذب ل شخص اكبر مني ب 3 سنين حتي كنت ع طول عايزه مثلا اتجوز شخص اكبر مني ب سنه او اتنين بسس مش اكتر من كدا عشان التفاهم بينا وكد ف دلوقتي انا انجذبت ل شخص عنده 30 سنه !!!!! وانا 18 بالمناسبه بس انصدمت اما عرفت انه عنده 30 ، شكله وتصرفاته واستايله تحسه شخص لسه ف جامعه حرفيااا وشخصيته حلوه موتت وعرفته بسبب كان بيعمل حاجه ل اهلي وبعد اما مشي لقيت خالتي بتقول ل امي دا شخصيته صعبه دا ليه حق يطلق. ف انا الي هو يطلقققق!!!!!!!! ف سالتها هو كان متجوز اصلا قالت اه وخلف وابنه مات وهو لسه بيبي ف انصدمت صدمتين بقا لانه حرفيا مش باين عليه ابدا ابدا والمفروض بعد اما عرفت كل دا بقا ابطل احبه ! لا انا انجذبت ليه اكتر وبفكر فيه كتير موت ل درجه فظيعه وعمري ما كنت كدا حرفيا حصلكوا مواقف من دي ؟ ...عرض المزيد

2 الدعم

14 نصيحة

بيني وبين نفسي... مش متشاف وعايش بوجع الحب من طرف واحد

بينّي وبين نفسي… مش لاقي سبب للي بيحصل غير إني بقت مختلف في عينك عن باقي الزملاء. مع الكل بتضحكي وتهزري وتتكلمي بعفوية وخفة دم، إلا معايا أنا. بتحطي حدود مش مفهومة، وكأني غريب وسطكم. حتى لما بتتكلمي عن المشرف، ببان قدامك كأني الشرير، وهو البطل اللي محتاج حمايتك. وده خلاني أحس إن صورتي في بالك مش عادلة. المواقف الصغيرة فضلت عايشة جوا دماغي. زي يوم ما قبلتي الشوكولاتة من واحد تاني ورفضتيها مني، اللحظة دي جرحتني. أو لما عرضتي عليا الساندويتش الزيادة وأنا رفضته، مع إن السبب إني كنت لسه شارب قهوة مش إني بتقل. إنما لما جيت أعزمك أنا على أبسط حاجة، رفضتي قدام الكل… وساعتها حسيت بإحراج قدام نفسي. وبرجع أسأل نفسي: هو أنا مش متشاف؟ يمكن عشان أنا خريج تجارة إنجليزي وبشتغل شغلانة أقل من اللي أنا مستاهلها، بمتطلبات أبسط من قدراتي. يمكن ده السبب اللي يخليكي ما تشوفينيش زي ما بشوفك، ويمكن شايفاني مش مناسب. بس برضه… أنا ممكن إن شاء الله ألاقي شغل تاني وأحسن من دخلي. المشكلة مش في شغلي، المشكلة إنك عمرك ما هتحبيني… لأني أنا من النوع اللي مايتحبش. وده أصعب وجع، إن المشاعر تبقى من طرف واحد. الحل بالنسبة لي إني أقلل تفاعلي، وأحمي نفسي من الوجع. الحب اللي جوايا حقيقي… بس محتاج حد يشاركني. وبينّي وبين نفسي… كل اللي أقدر أقوله: دمتِ بخير. ...عرض المزيد

0 الدعم

1 نصيحة