Potato_52541 🇪🇬
منذ 3 ساعات
.
شعور ضائع
شايف الناس كلها عندها صحاب وانا لا بقول دايما عادي هاييجي اليوم الي هيكون عندي اصحاب اكيد بس مابيحصلش برضو، ساعات اصلا بحس ان انا مش عاوز صحاب ولا حاجه وبحس ان انا بفكر في الموضوع دا كتير عشان انا فاضي طول اليوم والفراغ هو الي بيخليني افكر كدا، واستنتجت دا عشان لما انا ببقا برا البيت مابيكونش فارق معايا صحاب ولا حد يروح وييجي معايا، ببقي مرتاح لوحدي بس برضو برجع اقول ماهو دا مش طبيعي اكيد الانسان بطبعه مش صح يكون لوحده وان هو محتاج ناس في حياته ومن حقه يتحب وكدا بس دا مش ب اختياري يعني، وهنا هقول حاجه قد تبدو كدبه او ان انا عاوز ألفت الانتباه والجو دا بس والله دي حقيقه، مؤخرا اكتشفت ان انا مرغوب عند بعض البنات وبلاحظ الاعجاب والاهتمام منهم وكدا بس انا الي بصدهم وببين اني مش مهتم عشان مش عاوز اقع في غلط زي دا رغم اني في الحقيقه معنديش مشكله وممكن اكون انا عاوز حاجه زي دي اصلا بس بعمل الصح حتي لو مش علي هوايا، فا انا دلوقتي خلاص عرفت ان انا حظي وحش في الصحاب وان مليش نصيب فيهم، هنا بقا انا اعمل ايه؟ ايه الحل بجد؟
0
0
