أعذار

فضفضه، مش محتاجه نصيحه الصراحه هو كلام في بالي قولت اكتبه هنا و الي عنده راي حابب يشاركه يتفضل انا اكتر صفة بكرهها في البشرية الاعذار مش بتكلم عن الاعذار القهرية او الحقيقية زي الي عنده مرض او مثلا أم مشغولة او او لا لا بتكلم عن بعض الناس الي بيستعملوا اعذارهم شماعة ل اي فعل غلط، سواء في حقه او في حق غيره محدش يقولي "أصل عندي إكتئاب" و "أصل عندي PTSD" ، هل الحاجات دي موجودة؟ طبعا موجودة، بس الفرق إنكم بتشخصوا نفسكم من شات جي بي تي ده إنت لو قولتله شوفت صرصار بيطير هيقولك عندك PTSD بتبقى اعذار غريبة، "أصل أبويا كان بيضربني وأنا صغيره ف طلعت ناقصة حنان ف ارتبطت ب اكتر شخص توكسيك في العالم" " أصل أمي كانت مش بتدعمني نفسيا ف انا قررت اطلع امراضي النفسيه عالى كل الي اقابله " "أصل قطتي جالها اكتئاب فمعرفتش اذاكر " حرفيا النوع ده من الناس بيبقى عالق في الماضي، بيقول لنفسه ب استمرار "انا مجرد رد فعل على الي حصل فيا، انا معذور" ، الشخص ده مستحيل يتطور مستحيل يعرف الطريقه الصح ل حل المشاكل اصل خلينا نكون واقعيين، لوم الظروف و لوم الاشخاص اسهل بكتير من ان الشخص يعترف انه في مشكله و يحاول يصلحها لو هنكون واقعيين ف الناس اللي عندها مشاكل حقيقية مش بيستخدموها شماعة بالعكس، اللي أبوه عامله وحش بيكبر عنده هدف إنه ميعاملش حد كدة تاني، واللي أمه قللت منه بيكبر يثبت لنفسه إنه قدها. لكن إنك تاخد ظروفك عذر للفشل، او عذر انك تعامل الناس وحش ، فإنت كدة بتحكم على نفسك تفضل في مكانك للأبد، و متلومش حد لو الناس بعدت عنك