إجازة

السلام عليكم ورحمة الله وبركاته ، طبعا بما إن الواحد قال إيه هيطور من نفسه في الأجازة وكدا فأنا مصممة إني عايزه اتعلم واطور لغة جديدة لكن مش عارفة ازاي واللي هتقولي روحي اتعلمي عربي الأول هقولها عندك حق عادي جدًا ، المهم يا حبايبي حد يساعد واحدة زي البوبي المتهور ورطت نفسها ومصممة اتعلم فهبقى مشكورة جدًا لو عرفتوني ازاي اتعلم أي لغة عموما يعني (هموت ياجماعه والله بفكر في الروسي وحاسه إنه قرار متهور من بوبي متهور😭)

هو الواحد المفروض يعمل ايههههه في الاجازه و ازاي يرجع شغفه و يستمتع بالاجازة؟؟ عشان مللللللللللللللللللللللللل بجددد ف لو حد عنده افكار يقوللل🫩 و لو الواحد رجعله شغفه يعمل ايهه في حياته؟؟

السلام عليكم ورحمة الله وبركاته حد جرب قبل كدا صيام الدوبامين؟ أو بمعنى عام " التخلّص من إدمان الهاتف" عشان حقيقي الموضوع بقا مرعب والله فيه ساعات كتيرة بتضيع من غير ما الواحد يحس بيها ، دا غير كمان موضوع إني مش عارفه ابدأ في الحاجات اللي المفروض مخططه إني هعملها في الأجازة لكن حرفيا الشغف والطاقة للبدء بتحتضر حتى مش عارفه ابدأ ، ف لو حد عنده حلول أو لو حد مرّ بتجربَة مشابهه فهكون مشكورة جدًا يعني.

انا حاسس اني عايز اتكلم شوية ف حاجة معرفش ايه هي بس عايز اعلي دوبامين دماغي لاني زهقان سيكا بسبب الاجازة وعندي حماس شوية بس معرفش لايه وحاسس اني تعبت عشان اكمل الحروف وانا بحب الايس كريم جدا

عندي طاقة اني اتخانق مع حد و ملانه جدا وعندي طاقة كلام كبيرة. عايزه اتناقش مع حد او اي حد عنده فكرة غريبه يقولها برضو. اي حد مقتنع بفكرة أو رأي يقوله ونتناقش قيه اي حاجه بدل الملل دا وبكرة اجازه وهيبقي ملل اكتر (واخده نص الاسبوع اجازه) فا الملل ليفل مليون

خلصت امتحانات والحياه حلوه 🥹 خدت الإجازة حاسه بفراغ إلي حد ما بس اكيد ارحم من الضغط وحياة العبوديه الي كنا فيها عايزة أتكلم ع بوينت بس معينه أنا الفترة الي فاتت كانت فترة صعبه اوي عليا وضغط عليا من كل الجوانب حقيقي وكنت فاكره أنها مش هتعدي وأنها نهاية العالم وخلاص كدا و الامتحانات دي نهاية الدنيا والحوارات الي معايا دي مش هتخلص بس انا دلوقتي بكلمكم بعد ما الفترة دي ما عدت وخلصت حقيقي أثرت عليا بس ياما كانت فترات اصعب من كدا وعدت بكرم ربنا كله هيعدي والحياه بتمشي عايزة اوصل رساله معينه والموضوع فيه حكمه بس مش عارفه اوصلها اتمني تكونو فهمتو حاجة وابقا قولولي كدا افكار أو أي أكتيڤيتز اعملها ف الإجازة🤗

بقالي يومين عند اهلي بسبب اجازه اخر السنه حاسه اني خلاص دوخت صدعت زهقت عايزه ارجع السكن تاني مش قاده بجد بجد الوضع صعب عليا نفسيا مش عارفه اقعد ٥ دقايق بس على بعض بدون ما حد يضرب حد من الأطفال ولا حد يكسر حاجه و لا حد يطلب حاجه هموت مش قادره

ازاى بتملوا فراغ الاجازة بعيدا عن الموبايل من غير متندموا ع اي جهة انكم مأثرين دينيا او من ناحيه أهلكم احساس صعب ان الواحد ف نقطه معينه مش عارف يبقي احسن وفاقد الشغف ف كل حاجه حواليه حتى تيجي تدور حواليك مفيش صحاب ولا حد عموما عادى اتعودت بس ازاى الواحد يستغل الاجازة ف حاجه غير النوم والموبايل والندم ع حاجات عملنهاها قبل كدااا ازاى يتأقلم بردو انه بعد عن ناس وبيحاول ميديش فرصه لدماغه عشان يفكر ف الناس دى اوى يكلمهم كفايه قلة قيمه ازاى بترجعوااا شغفكوااا للحياة عموما

انا قاعد ملان مش عارف دا من الاجازه ولا من ان الواحد معندوش هوايه يعملها ولا يمكن عشان معنظيش صحاب زمان اللي كل يوم في الاجازه كنا نستغله و ننزل كل يوم و نرجع اخر النهار ليه احنا مش زي زمان الاجازه دي كلها كانت بتبقا تعب من كتر الللعب و الفرح فيها

خليني نستغل الليل و الناس نايمه و اقول اني بحب الليل اكتر من النهار لدرجه ان ساعات بقلب يومي نهار ليل و ليل نهار و بما انها اجازه فا اخشي اني اعمل كدا الفكرة بيكون في ارق مش عارف ليه مع انه نوم و دا نوم بل نوم النهار امتر من الليل

الواحد حاسس بملل شديد من الاجازه مع ان ايام الدراسه تلاقيك بتعمل الف و الف حاجه عشان تلهينفسم عن المذاكرة تيجي دلوقتي ولا اكن في حاجه و فراااغ بتعملو اي عشان تقتلو الفراغ ده و الكلام طبعا مش لبتوع 3 ثانوي خش ذاكر يا بابا

انا بصراحه شايف الوحده مريحه (بس مش هتبقى مبسوط) ف انا دلوقتي ف محاولة اني اكون مع ناس ومبسوط وكدا وخصوصا اني كمان شهرين هتعجن من تالته ثانوي ف هتبقي وحده بالاجبار لان كل صحابي قالولي ان مينفعش نتقابل كلنا غير بعد تالته علشان ناخدها جد والكلام دا وانا عايز استمتع بالاجازه بس بفكر انزل شغل ومحتار اعمل ايه

عصافيري حبايبي جوز البادجي الي عندي صحابي واهلي وعيالي رجعت من الشغل لاقيت ماما حطتهم في البلكونة وطارو من فتحة في القفص مع اني منبهة عليها مية مرة متطلعهمش وتسيبهم لازم تكون جمبهم انا حزينة عليهم هجيب غيرهم لان صحبة الطيور وتربيتهم بقت جزء من يومي وحاليا قاعدة في المستشفى مستنية اختي تطلع من عملية البواسير والمفروض في فرح بالليل في المسجد لازم اروحه والمفروض دا يوم الأجازة الوحيد في الاسبوع

حاسس اني قرفان ومحتاج اطلع الطاقة السلبية دي، بقالي كتير معملتش كدة بس للأسف مضطر أقول اني عايز اتخانق مع حد بس خناقة على مزاجي انا، مش أي حد يدخل يرمي أي حاجة وخلاص تباً للاجازة اللي قبل تالتة

انا كنت مسافر فتره ورجعت اجازه و كنت مش متوقع خالص اني هزهق ف الاجازه حصل حجات كتير عكس مكنت فاكر مش عارف الاقي حاجه جديده اعملها احس اني فصلت فعلا و استغليت اجازه صح مش عاوف اعمل ايه حتي صحابي كله مشغول فحياته كنت عايز اسافر وخايف ازهق لوحدي

دنيا زحمه و مواصلات و كله بس انا نفسيي اخرررج انا من ضغط فضلت اعيط بجد و بقالي شهور مخرجتش و فرصه اجازة العيد بتضيع اهي فعايزه انزل بس بكره الزحمه خصوصا لو مش امان و هروح فين و مع مين صحابي مش عاوزين ينزلوا و اهلي تعبانين بفكر انزل اتمشي لوحدي

انا عندي مشكله دي فترة اجازه الواحد بيبقي مش لاقي حاجه يعملها بيكون فاضى والجو ممل ايه الواحد يعمل يشغل بيه يومه يكون مفيد غير الخروجات لان اكيد مش هخرج كل يوم وحتى الشغل بيكون خفيف الغتره دى ف معظم الوقت فاضي

احم الو؟ إكتئاب الإجازة و الوحدة يتصلون بكه قبول🤳 ولا قبول برضو 🤳 طيب ايه الاكتئاب دا بجد يا جماعه يلهوي الواحد حاسس انه عاوز يدفن نفسه المهم مش عاوزه حد يقول مالك؟ علشان بجد السؤال دا مستفز انا عاوزه حد يقولي اعمل ايه في الاجازه دي علشان الواحد حاسس انه دخل في اكتئاب بجد 🌹 اللي هيستظرف هيزعل 🌹

السلام عليكم ورحمة الله وبركاته بوست طويل عشان لو حد عايز يسكب من الاول انا لسه مخلصة امتحانات عارفين بالرغم اني نفسي يبقى معنديش مذاكرة وكل الكلام ده الا اني بحب انزل دروس عارفين ليه عشان مقعدش في البيت بكره اقعد في البيت بحسه يخنق كمية خناقات لأتفه الاسباب زعيق وصوت عالي تعليق على اي حاجه (ده اسلوب حياة بس معظم الوقت كنت ببقى في الدروس) رايحة تالته ثانوي بحاول استمتع في الاجازة على اد ما اقدر اعمل حاجات بحبها عامة بنسأل بابا وكده هنطلع مصيف ولا لا يقولنا لا طب ليه هو كده طب هنسافر في اي حته لا طب ليه هو كده الفتره بجد نفسيتي وحشة جدا وبحاول اخرج نفسي من المود بأي طريقه بس الاجواء مش مساعدة في لعبة كده بحبها اووي كنت بلعبها يعني بس بابا قالي امسحها وكده فتمام مسحتها جاية اقوله بعد ما خدت الاجازة عايزه انزلها يقولي لا بقوله ليه يقولي اللعبة دي مش هتنزل تاني (ما تفكوها علينا خلي ربنا يفكها عليكوا بجد) بدون اسباب هو كده ومش هتنزل تاني وانا معنديش خلق اليومين دول اني اتناقش او اتحايل بجد هقعد اعمل ايه طول الاجازة بقيت بكره امسك الموبايل وافضل قاعدة على السوشيال ميديا بجد بحاول انزل تمرين بس انا جسمي بيتعب من اقل حاجه بجد خايفه انزل ومنتظمش

واخيرا وليس اخيرا نقدر نقول خدت الاجازه اه اتقفلت من الاول اليوم وعملت غلطه معصباني ومش عارفه لي عملت كده ولي دماغي ودتني لكده بس يعني خير المهم يعني اني خدت الاجازه واخيراااااا هناااااام مع اني كنت بنام عادي بس ماشي يعني😂

السلام عليكم النهارده اول يوم اجازه الحمدلله خلصت امتحانات اخيرا انتو مش متخيلين انا تعبت ازي انا قعدت اكتر من ساعه ونص بذاكر للامتحانات دي ساعه ونص متواصله المهم مش عارفه اعمل ايه في الاجازه اللي هيقول احفظي قران او انزلي جيم او اتعملي لغه جديده انا بعمل كل دا فعلا فا لا عاوزه افكار جديده لاني عاوزه اشغل وقتي خالص و ابعد عن الموبايل لانه حرفيا بقى كل حياتي و انا مش حابه كدا و شكرا

يكره الاجازه بكره شعور الوحده ليه دايما الواحد مايشتغلش كنت ايام الجامعه مقضيها خروجات بعد ما خلصت مابقتش ابص غير للشغل مش شايف اي حاجه فاقد الشغف حرفيا ما بصش لاي حاجه ولا في دماغي اي حاجه

عايزة اعيش حياة معشتهاش بحكم اني اتولدت لقيت موبايل في ايدي وتكنولوجيا كتير يمكن عشتها كام سنة بس وهي العيشة من غير موبايل عايزة يكون معايا موبایل بزراير وكاميرا واشغل تليفزيون ويوم ما احب أتصفح افتح الكومبيوتر وانزل الجيم الصبح وازرع واهتم بدینی اکید عايزة حياة بسيطة منغير قضايا كتير وطاقة سلبية على مدار اليوم بدون تعفن دماغ بدون دوبامین رخيص عايزة ارجع للحياة الدافئة اللي انا عشتها خمس سنين ست سنين من حياتي بس داخلين على الاجازة وحاسة اني هعمل كده حاسة ان كفاية اوي اخبار وحشة وحاجات كتير بلدت مشاعري عن الحاجات اللي تستاهل فعلا حزني من كثر ما بسمع اخبار سلبية بقى الخبر ميهزنیش!!! أنا مش عايزة كده في قضايا دينية وسياسية محتاجة مننا تركيز اكثر من كده بس بقينا مشتتين من كثر الاخبار التافهة مش عارفين نركز في المهم مستغربة ان الكلام ده يطلع مني عموما وانا عندي 16 سنة

الواحد مؤخرا بيحاول يلم نفسه مش عارف حرفيا دروس و مذاكره وامتحانات ده غير الرسم والروايات والانمي والكيدراما وعزف وشغل البيت 😭 ولا كأن الدنيا كلها بتجري وراك فجأه ونفسك تاخد اجازه من الحياه ضغط غريب من كل النواحي لدرجه الواحد مبيصدق يحط راسه على المخده امتى🥲

نازل إجازة من الجيش بس معنديش اي فكرة اقضي الإجازة دي ازاي معنديش حياة غالبا اقدر افضل بيها عن القرف اللي بيحصل هناك مجرد شخص بيصحي كل يوم يفضل يقلب في التليفون لحد ما ينام تاني حتي مفيش شغف أن اتفرج على فيلم او مسلسل أو اي حاجه حد عنده حلول أو يتكلم في أي حاجه ؟

محتاج اتكلم وبس في أي حاجه بصراحه زهقان ومافيش حاجه بعملها بقيت بكره الاجازه والله عاوز اشتغل كل يوم من غير اجازه ولا اي حاجه شغل بس احلي حاجه شعور الوحده ده دماغي مافيهاش اي حاجه غير شغل مافيش حد عارف يدخل حياتي البائسه

محتاج نشاطات او شغل اون لاين 15 يوم بس لاني في الجيش وبروح 15 وبنزل 15 يوم والاجازه ممله مبين قهوه وبيت وافلام ومسلسلات وانا مش عادتي الخمول دا انا نشيت يا ريت اقترحات وحجات فعاله علشان كدا الواحد هيزهق من الاجازه مش من الجيش 😂

انا بقالي فترة ماسحة الآب بسبب الأشكال الي الله يهديهم الي كانت فيه نزلته النهردا عشان اشوف الدنيا وراي الناس في الي بيحصل في العالم الفترة دي وموضوع الاجازة الفجأة دا المهم قلبت شوية ولاحظت تحسن في البوستات الي نازلة ربنا يحفظكم ويبارك فيكم جميعا

بنعمل ايه لما بنكون عايزين ناخد اجازه من البشر و من الحياة كام يوم و مش هينفع 🙏🏻نفسي اقعد كام يوم متعاملش مع بشر و اعمل الي انا محتاجة اعمله لنفسي بعدين ارجع تاني بقى قادرة اتعامل

اخواتي عاملين اي انا حاليا في الجيش وبروح 15 يوم وبنزل 15 يوم وانا مش متعود علي القاعده ومبطقهاش وبسبب الجيش طبعا سبت شغلي وسبت كل حاجه لحد مخلص بس ال 15 يوم الاجازه دول مملين اوي ممكن اقترحات بقا عن نشاطات كورسات اون لاين شغل اون لاين اي حاجه اعملها في ال 15 يوم وللعلم انا بعرف اخش الجيش بتلفوني بس طبعا مش هبقا فاضي طول اليوم زي الاجازه ساعدونا علشان الملل هيموتني انا عملت كل حاجه وزهقت عايز اجدد مبطقي الهدوء دا انا نشيط وشكرا مقدما