إصابة

إحمممم، بصي عندى اصابة فكوعي اليمين والشمال، وكمان فضهرى فالقطنية، وتحت الرقبة بشوية، وعندي الم فى نص القفص الصدري (القص) وبيحصل فيها طقطقة، وشد عضلى كتير، ودايما بحس بالم فى مناطق مختلفة وخصوصا فوشي، دة كله طبيعي لانى عارف سببه😅 المهم دلوقتى الى عايز اعرفه، لما اروح للدكتور اقوله اى ولا اى بالظبط وخايف اتجاهل حاجات. وعموما الحاجات دى هتفضل مستمرة لفترة كبيرة جدا وهتزيد، بس عايز يديني حاجات تقلل الخطر بتاعها.

شغل شغل شغل الحمد.لله علي نعمه الشغل فعلا كانت منسيه عن الواحد همومه ومشاكله قعدت من الشغل بسبب اني اتعورت اكتشفت اني وحيد لا احد يأنسني ولا يطيب جراحي أمتي الاسبوعين دول يخلصو عشان ارجع لشغلي وانسحل وانسي همومي ومشاكلي

أنا متضايق فشخ يجدعان بعد ما كنت واصل لمستوى عالي في تمارين البيت عشان وقفت جيم عشان الامتحانات ووصلت ل 40 عدة ضغط و20 عقلة و ارقامي في السما ، جالي إصابة كتف ومبقتش عارف اجيب 10 عدات على بعض أنا معرفش أعيش من غير ما اتدرب عشان التمرين و التطور هو الي بيخليني اكمل العيشة دي ، مليش شباك اشم نفسي منه غير التمرين و كده أنا بقيت فاضي و مليش نفس اكل حتى

حد وقع من باص قبل كدا؟ وقعت من ست شهور وانا نازلة اتحرك مش عارفة وقعت ازاي ورجلي اتكسرت وايدي ووشي اتعور بقيت اخاف اركب موصلات ومش عارفة ازاي جالي كل الاصابات دي وكان عندي ارتجاج وكل ما حد يعرف يستغرب الوقعة وانا بقيت اتكسف عشان مفيش حد غيري حصله كدا وحسا اني متخلفة هو انا كدا معرفتش اخلي بالي من نفسي؟ هو اتحرك وانا بنزل وانا كملت وحطيت رجلي فالارض مش عارفة ليه كل حاجة حصلت بسرعة وانا كنت بنزل بسرعة وموجهة تفكيري ناحية النزول لما مشي مغرفتش اتصرف وبجلد نفسي عشان. بسبب كدا رجلب تعباني بس انا كنت نايمة ولسة صاحية ساعتها وكنت دايخة بجد انا مدايقة جدا

السلام عليكم صباح الخير انا كنت طالع اشم شوية هوا المهم كان فيه ٣ حمامات بيسترزقوا من الارض فاتناولت حجر زلط صغير فشافونى وطاروا المهم واحدة منهم وقعت وهى معايا فى البيت اعمل ايه؟ اطبخها ودا صيد عادى ابيعها اسيبها تروح