احباط

مش عارفه مين الاخترع مصطلح بيك مي و كرينج وكوين دراما هو فعلا بيبقي في ناس كده ويستحقوا يتقال عليهم كده بصراحه بس مش كل الناس يعني ودي من اكتر الحاجات المستفزه هنا تلاقي نفسك بتكلمي عادي وحد يتريق علي كلامك الهو اني بستهبل وبستظرف مع اني بتكلم عادي بجد ياريت بجد نبطل نعيش الدور علي بعض ده مش نضج والا روشنه ده قرف بجد

الحمدلله مكمل رغم الضغط النفسي اللي انا فيه الحمدلله رغم الاحباط اللي بواجهه لسه ماسك في حلمي وواثق اني هحقق اللي عايزه حاجتين اهم من بعض بس في حاجه لو مش موجودة مستحيل احقق حلمي وهي النيه والحمدلله دي عندي من صغري هكون شاكر لاي حد شجعني وقالي كلمتين حلوين

لسه سايبين بعض دلوقتي وعندي احساس هيموتني بجد حاجه صعبة جدا جدا جدا الفكرة الشخص كان كويس جدا وبحبه حتي سيبنا بعض على حاجه رومنسيه مش تفهم الظروف العمر بقا اللله اعلم بس انا في قمه الاحباط والاحتياج

ساعات بنتمسّك بحلم كأنه كل حياتنا، ونحط فيه كل تعبنا وأملنا ولما ما يتحققش بنحتار: هل ده قلة توفيق ولا اختبار؟ بس يمكن الحقيقة إن ربنا شايل لنا حاجة أحسن، حاجة لسه مش شايفينها، وهتيجي في وقتها المناسب وتكون أرحم وأجمل لقلوبنا.

عندي كم من الاحباط والطاقه السلبيه وحاسس اني فااشل ومحققتش اي حاجه تذكر مهموم اووي وكل ما احاول اطلع من المود ده وافك يجي في بالي صوت بيقولي اتلم انتا ليك نفس تهزر يافاشل وارجع ادايق واتخنق تاني 🤦🏼‍♂️🤦🏼‍♂️

بصو الموقف ده مضيقني جداً ومش عارف اتكلم انا كنت متطوع في اسرة بس اونلاين تمام ووصلت اني اكون هيد لجنه محتوي وفركان وكنت بشارك واديهم كورسات حتي مش اجيب يوتيوب وبس لا بشرحها وكده بعد فترة الي كان ماسك السوشيال ميدا كان هيمشي وصاحب الاسرة قالي انت اكفاء حد وكده تقدر تهندل الدنيا مكانه!؟ قولته باذن الله وفعلا كان نفسي في المنصب ده اووي وجهز نفسي بخطة وهنعمل اب وكده اصلي تحيا ولا5لجان المهم يوم الميتنج المفروض بنتقاش جه هو وشريكه الاتنين مؤسسي الاسرة قالك عاوزين حد يمسك الميدا ل فلان قولت هيدخل ويقول اسمي زي ما اتفقنا راح قال اسم بنت جديده وكنت بدربه اصلا هي اه كويسه بس طيب وكلمته سكت ولا اتكلم ممنش قدامي غير اهنيها وبعد اسبوع بالظبط خرجت من القهر حاليا جاين يقوللي ادخل تاني وامسك نفس منصبي اعمل اي بجد كان المفروض اتصرف ازاي تقريبا لحد دلوقتي محدش يعرف وده قهرني خصوصا كنت بحب المكان جداً اسف علي الإطالة

جوايا كمية غضب غير مبرره واحباط كبير اووي البنت الوحيده الي ارتحت معاها عندها كمية برود غير مبرر بالنسبالها عادي ايام متسالش وبالنسبالها عادي تطنشني ساعات عشان بتتكلم مع صحابها ومستحيل تعترف ان دا ممكن يدمر الي بينا هي شايفه ان عادي حتي لو فضلنا فترة مش مع بعض الي بينا اكبر من دا والحب جوانا موجود لما بقيت محبط جدا لدرجة انا تجاهلتها تماما وبتعامل برسمية اووي وممكن ٤ او ٥ ايام مش بنتكلم وحتي ف العيد مكلمتهاش بس ولا اي حاجه كان شئ لم يكن

الفشل اكتر كلمه بتطاردني في حياتي.. انا فاشل تقريبا في كل حاجه عمري ما نجحت في اي حاجه الا دراستي و نجحت كدا بصعوبه.. طول عمري في أي حاجه واحد ضد واحد خسران مفيش مره حسيت فيها انني مميز او ناجح في حاجه سواء رياضه لعبه موهبه حياه عاطفيه حب صداقه دايما الفشل حليفي لحد ما كرهت نفسي و قاطعت الناس بسبب انهم بيتعاملوا مع فشلي باستهزاء و بطريقه فجه مبحبهاش حد عنده نفس المشكله و ياترا حلها ايه