احترام

اكتر فكرة مسيطرة عليا حاليا هي: ليه طلعت مؤدب ومثقف والحاجات دي ، طب ما كنت صايع باخد حقي بدراعي ، عارف بنات كتير وتجاوزت معاهم ، بيتعملي الف حساب، باختصار اكون ألفا مش بيتا الناس ممكن تحبني عشان مصلحة لكن ساعة الجد محدش هيعملي حساب لاني غلبان. مش عارف توهمات ولا حقيقة لكن مش مرتاح خالص وغضبان

نفسي حد من ال هتكلم عليهم دول يرد يقولي بتستفادوا ب ايه دلوقتي يبني انت بتبقا ف نظر نفسك راجل لما صاحبتك تدخل تكلمك تقولك دة في واحد كلمني امسك رقمه اشتمه طب م يمكن يكون طالب منك طلب ضروري ومش فاضي للتفاهة ال انتوا عايشين فيها دي ويا حبيبتي هو مش هيثق فيكي اكتر لما انتي تعملي الحركة الهبلة دي هو بس هيحب يحلو علي قفا راجل زيه عشان يعجب حضرتك وياريتكوا بتكملوا فالاخر اصلا وبتتجوزوا بجد يجماعة نفسي الرجالة تنضج بجد وان صورتك ادام البنت مش بتكبر والبنت بتحبك اكتر لما تعمل الحركة الهبلة دي الصح تقولها تبلكه وخلاص او تشوف هو عايز ايه الأول لو حد محترم مش داخل يحكها صدقني يبني نظرتها ليك بتكبر لما تبقا انسان واثق ف نفسك وفيها ومش عايز تثبت لنفسك انك جنتل مان بالحركة الدمج دي اتمني تعقلوا يرجاله وتكبروا يا بنات

بصراحة شوفت فيديو لشخص بيتكلم عن إنه ساب بلده وسافر برّه لأنه اصبح بلا دين و حس إن هناك مساحة أكبر إنه يعبّر عن أفكاره بدون خوف من هجوم الناس عليه أو رفضهم ليه. وكان بيقارن بين المجتمعات العربية والمجتمعات الغربية، وإن الغرب بالنسبة له أكثر تقبلًا لأي اختلاف في الأفكار أو أسلوب الحياة. الكلام خلاني أفكر فعلًا في نقطة مهمة جدًا، وهي: هل معنى الحرية إن أي فكرة لازم الكل يتقبلها ويعتبرها شيء طبيعي؟ وهل أي شخص عنده رأي مختلف عن المجتمع أو الدين لازم المجتمع كله يقتنع بكلامه حتى يُعتبر “متفتح” أو “متحضر”؟ أنا شايفة إن فيه فرق كبير بين الاحترام وبين الاقتناع. يعني أكيد لازم نتعامل مع أي إنسان بأدب وإنسانية مهما كان مختلف عننا، لكن ده لا يعني إن أي شخص لازم يغيّر مبادئه أو يتخلى عن قناعاته الدينية عشان يثبت إنه متفهم أو متعلم. المجتمعات العربية والإسلامية ليها ثقافتها وهويتها الخاصة، ومن الطبيعي إن يكون عندها حدود وأفكار مختلفة عن الغرب. ومش أي اختلاف يبقى معناه تشدد أو كراهية. بالعكس، ممكن الإنسان يرفض فكرة معينة دينيًا أو فكريًا، وفي نفس الوقت يظل محترم في كلامه وتعاملاته. اللي فعلًا محيرني إن بعض الناس بقت تعتبر إن أي اعتراض على أفكارهم هو هجوم شخصي أو جهل، مع إن الاختلاف بين البشر شيء طبيعي جدًا من زمان. وفي النهاية، كل واحد حر في اختياراته، وربنا وحده أعلم بالناس وبقلوبهم، لكن برضه من حق أي مجتمع يحافظ على هويته وقيمه بدون ما يُتهم بالتخلف أو عدم الفهم. ربنا يهدينا جميعًا للخير ويصلح حال الجميع.

الأمور اللي تقبلتها في اللول وتسامحت فيها رغم أنها تاذيك، هي نفسها رح تكون سبب في قطع العلاقة بعد سنين .. في بداية العلاقة كنت تتنازل، وتسمح على أمور في قرارة نفسك علابالك بلي ملازمش تتسامح فيهم .. قلة الإحترام، الأذى، الغضب، الكذب، السب .. كنت ديما تحاول وفي كل مرة تغمض عينك غير لأنك تمشي بتخمام "رح يتبدل، نسامحو المرة هذي وأكيد رح تكون آخر مرة يعاود فيها" ومع اللخر؟ بعد سلسلة طويلة من التنازلات، رح يجي نهار وتكره وتحبس 'تنازل' وفجأة تلقى العلاقة تقطعت وخلاصت .. وتجيك لحظة إدراك بلي اللي كان بيناتكم، مكانش مبني على 'الحب ولا الصحبة ولا العشرة'، كان مبني على 'التنازل تاعك'، ونهار حبست تنازل؟ خلاص كلش مالا من الأول اختصر عليك .. متنحيش من روحك باش تزيد في أي علاقة، العلاقة متتبناش بـ التنازل ولا التسامح، صح التسامح والتغاضي سبب في استمرارها، بصح لوكان الأساس مكانش صحيح، واللي هو التفاهم وين أنت مديرش الحاجة اللي تاذيه، وهو ميديرش الحاجة اللي تاذيك .. رح يجي نهار وين يتهدم كلش ومش ديما الطرف الثاني اللي خدعنا وكذب علينا حتى عرفنا حقيقة تصرفاته .. مرات، حنا اللي قبلنا بنسخة منه مكانتش مناسبة لينا، نسخة كنا متأكدين أنها رح تاذينا وتنقص مننا، بصح حنا عاندنا وراهننا وبنينا على أرض مايلة .. ومادام متحملتش مسؤولية روحك في البداية بـ 'قطع العلاقة'، اتحملها مع اللخر بـ 'التخطي'

ليه الناس يتعامل اللي قدامها كأنهم عبيد عندها بجد ليه كب حد بيشتغل الناس بتعامله كأنه شغال عنده كل ده عشان بيديله فلوس ليه دايما العميل بيهين الشخص اللي بيقدم له خدمة بالرغم انه ممكن يكون بيديله حقه على أكمل وجه ليه بجد اتعامل مع الناس يقلة قيمة عشان يعني يكونوا مبسوطين مانا بحترم واقدر بس ليه في المقابل مالاقيش الاحترام والتقدير ماهو برده أنا بني أدمه بحس وعندي مشاعر بجد كل مابيكون عندي طاقة للشغل بتقل ثاني انا مش بس مش عاوزة حاجة غير الاحترام والتقدير حقي على الأقل 😒🥲😢

حقيقي الإنسان اللي بيلاحظ كل حاجه دا بيعاني وسط ناس تافهه ، تخيلوا بقوا يسموا لما تكون بنت محترمه ومش بتكلم شباب أنها قفل ومعقده وانطوائيه من يوم كانت عندي واحده صحبتي بنتكلم عادي وجه ف نص الكلام أنها هتتخطب الشهر الجاي وطبعا مع الكلام عرفت انها هتتخطب عن حب طبعا فرحتلها جدا جدا فهي بتقولي مستحيل انتي تحبي قولتلها ليه بقي؟؟ قالتلي لانك مش بتحبي تكلمي حد ، انتي قفل وطبعا كملنا ضحك وهي ما اخدتش بالها قد ايه الكلمه دي تعبتني نفسيا بقي يسموا الاحترام قفل طب انا اتعرف ليه وانا لسه اولي جامعه؟؟. دا انت لسه مشوارك طويل هي نفسها كانت بتعرف حد ايام الثانويه وكان واعدها ييجي يخطبها ويسافروا ، جت بتقولي هتتخطب لحد تاني خالص وبرضو عن حب وانا والله ما رضيت اقولها انتي مش كنت بتقولي انك هتتخطبي لحد غير داااا دا لأنا انا مش عايزه اكسفها ب الكلام للاسف الاصدقاء بقوا يشوفوا ان مش بكلم يبقي انا قفل وانطوائيه .. مين صح؟؟؟

لسه سيباه متوقعتش ان اعرف اوصل للمرحله دي بعد ٤ سنين بس احساس الخوف والقلق مسيطر عليا احنا فضلنا اهلي مش عارفين عشان هو مبيشتغلش كنت انا اللي بدورلو واسعالو و اساعد وادعم مادي و معنوي بس هو اجا اخر خناقه مفتكرش اي حاجه عملتهالو قلل مني و عاب فيا وفي اهلي و عايرني بس اي اسرار ليا عندو و هددني ب انو يعرف اهلي علاقتنا غير نظرتو ليا انو دايما بيقولي مبيحبش اني ممرضه شايف ان اه محترمه بس المجال وحش مع ان مفيش مكان اشتغلت فيه كان فيه حاجه مش كويسه انا عارفه اني صح ف قراري بس جوايا حاجه بتقولي يمكن لو ربيتو شوية وبعدت يتعدل عدا يوم وانا مش مستحمله بعتلي انو تعبان وانا عارفه انو بنسبه ٦٠% بيمثل عشان يستعطفني بس بردو قلقانه حاسه ان عاوزة اسيب خيط مش عارفه

في نغمه دلوقتي طالعه للمجتمع ان انت تشتم اهلك دول ناس شايفه أن دا تطور. شتم الأهالي دا لا معناه أن انت عندك حريه دا معناه أن انت معدتش علي تربية اهلك وحشين مبيصرفوش عليك م في فكره (اشتغل ) ولا احنا لازم نعيش عاله علي اهلينا

أنا في علاقة مش واضحة ومحتاجة رأيكم بصراحة هو كلم واحده قريبتي وقالها انه هو عايز يربط كلام معايا علشان عارف اني ممكن اتخطب ف اي لحظه لاني فيه ناس كتتير بتتقدملي ف هو عايز يربط كلام وكده استناه في حدود سنتين هو انا كده كده اهلي مش موافقين اني ارتبط الفتره دي بس ممكن السنه الجايه او اللي بعدها يفكروا ف انا قلت للبنت اللي جت كلمتني دي لا انا مش موافقه ومش حاساه شخصيه او شكليا يليق عليا وكده وقفلت الموضوع بس البنت دي موصلتلوش الرد ف هو بعد حوالي كام شهر كده بعتت تاني للبنت ف قالتلي قولتلها لا. ف استني اسبوع كده بعدها دخل كلمني وانا للأسف رديت واتكلمنا مش عارفه ازاي مع اني كنت رافضه المبدء بس بدأ وقال "بحبك" من بدري جدًا، وطلب مني مشاعر واهتمام بشكل كبير وسريع، وأنا مكنتش جاهزة لده بنفس السرعة لاني اصلا معرفهوش ومعرفش حاجه عنه ومش هديله مشاعر انا مش حاساها. مع الوقت، بقي بينتقد تفاصيل في طريقتي هزاري حتى الاستوريز اللي بنزلها دايما يقولي "خليكي تقيلة"، متبقيش واضحة"، "الحاجات دي بتاعة عيال ..... بمعنى أوضح: عايزني أتغير عشان أبقى مناسبة لصورته هو. وفي نفس الوقت، ساعات بيكون حنين جدا ويقرب ويقول كلام حلو... وبعدها يرجع يبعد أو يتجاهل أو ينتقد تاني. فبقيت حاسة إني في دايرة قرب رجوع. نقد بعد . وحصلت خناقه بينا وقلتله فيها مش لازم كل حاجه تعوزها انا اعملها واعملها كمان ف نفس الوقت اللي انت عايزه فيها يقولي ما انت لو معملتش ف الوقت الللي انا عايزة يبقا ملهاش لازم وانا مش عايزة منك حاجه. ف رصيتله مرشح كده وقفلت رد علي المرشح بتاعي بكلمه حرفيا اسف. حسيت بصدمه اللي هو طب برر طب اي حاجه ف سكتت يومين كده وبعتلي تاني يقولي فينك مبعتتيش من يومين ليه ومش عارف ايه ف عديت الموضوع وقلت اسأله حاولت أتكلم بوضوح وأسأله إحنا إيه، قال مش عارف سيبيها للأيام". دلوقتي أنا محتارة: هل ده حد بيحبني بس طريقته غلط وممكن تتصلح ؟ ولا هو مش متقبلني من الأساس، وبيحاول يغيرني وأنا اللي بتعب ؟ أنا مش ضد إني أتطور، بس ضد إني أغير نفسي عشان أرضي حد. رأيكم بصراحة أكمل ولا أبعد؟

حكاية التقدير صعبة شوية، انا دكتور حاجة وتلاتين سنة واتجوزت اكتر من مرة ومخلف، يعني مريت بظروف وتجارب ومع ذلك امي بتاخدني ع اد عقلي ، المفروض ان ليا رأي في حياتي وقراراتي انما شيفاني برضع لسه، ويعتبر عدم احترام من الاخت الكبيرة ، ودا غالبا بيصيب الطفل الاوسط وبيتبهدل،، اقصد يعني انسى ان اهلك او مجتمعك او حتى مراتك هتعملك قيمة طالما مش مشاغب ومخربش وبتفرض نفسك، انشغل بنفسك وطور نفسك ومصيرك هتكون بين ناس تقدرك وتعرف قيمتك 🌷🌿

عندي شعور دائما اني مش محظوظ اني طلعت دكتور وهادي ومحترم ومؤدب ومليش في العلاقات! كان الاحسن اعرف بنات كتير عشان منخدعش لما اتجوزت ،، ودكتور مفتري عشان محدش يستغلني ويحترموني! شعور بالظلم يحولني من حمل لذئب؟؟

لما بتعامل مع حد بتعامل معاه علي أساسه هو تعليمه حياته ظروفه الشخصيه ظروفه في العموم موش بحب اشوف نفسي علي حد فيقوم الشخص دا بقااااا فاكرني زيو فيبدأ يقلل مني ... اللي هو والله !! انا لو اتكلمت معاك علي اساسي انا موش هشوفك

انا شخص معروف في شارعي و حتي الناس في الجامع عارفين مجرد مراهق طيب محترم لكن في نفس الوقت حاسس بالوحدة محدش مهتم يعرفني اكتر كشخص أو حتي كصديق بقيت معتبر ده شئ طبيعي مش علشان انا مقتنع علشان اعرف اعيش طبعا مش قصدي اعترض انا بس مش عارف احدد هل ده عادي ؟

غايزاتي اليوم وحدة حكتلي عاملة حالك قال الله وقال الرسول وأول مشكلة صارت طلعتي بالعالي على الرغم يا غايزاتي اني ما غلطت بالكلام وكنت من اشد المحترمين بس لمجرد اختلف رأيي عن رأيها هيك قررت شو ارد؟ ما رح ارد لأنو خلصت القصة بس بدي ارجع افتح مشكلة قبل ما اتخرج 🌚"

الواحد حقيقى معدش طايق البشر كميه ناس جهله بيحشروا مرخينهم في اللي ميفهموش فيه انت ليك رأي ان كنت على علم غير كدا ابلع لسانك ومتعملش فيها مهندس يريت كل جاهل يبلع ريقه ويعرف هوا بيقول ايه عشان لمت

بصراحة انا كشاب بعاني من قلة ادب البنات معرفش اي اللي يخليهم جريئين و سفلة للدرجة دي يعني ايه بجد مفيش حياء ليه ولا احترام قرف بحس اني عايش في زريبة اللي بتعرض واللي بتسوق فيها واللي تبجح واللي تشتم شتائم قذرة ليه انا اشوف الحاجات دي مع انهم عرب ومسلمين يعني لو هروح بلد كافرة انا هبقى عارف واخد حذري ومتقبل لكن انا في دولة مسلمة انا بخجل عنهم بصراحة مش عارف مش قصدي إساءة لحد بس دي مشكلة كل يوم بلاقيها وبتأثر فيا وانا مش بركز معاهم بس ببقي مجبر اشوف لان الموقف قدامي

هو ازاي يا جماعة بجد بيقدروا يعملوا كدة زوج يضرب زوجته ويهينها لدرجة ان صوتها يسمع العمارة كلها كدة والله صوتها كان بيقطع في قلبي ومش عارفة أعملها حاجة والصوت مش في الشقة اللي جنبي لا ده في العمارة يعني ماتعرفش انهي شقة بجد من كتر ما الصوت صريخ عالي هي دي المودة والرحمة 💔 طب كراجل إحساسك ايه وانت مستضعف واحدة وبتعجنها حرفيا وعارف انها مش هتقدر تدافع عن نفسها والست ازاي بتعرف تعيش تاني وتبصله أنه أمانها بجد لما الضرب والاهانة يوصلوا لكدة ولا مش بتنسى .. أنا أعرف ناس اتضربوا واتهانوا وفي الاخر كملوا بس عمرهم ما نسيوا اللحظات دي والله الجواز من غير احترام ومودة ورحمة يغور بجد ..

هو لي معظم البنات بقت كدا مش فاهم ، انا معظم صحابي فالجامعع بيكلموا بنات وانا بشوفهم دايما وبنسلم على بعض ، يعني الاقي صاحبي ماشي مع صاحبته وبيسلم عليا وانا اسلم عليه وعمري ما بصيت للبنت اللي ماشيه معاه عشان اعرف مثلا مين ده ، وعمري حتى ما سألتهم اتعرفتوا على بعض ازاي عشان بحترم زمايلي واخلاقي متسمحليش اني ابص للبنات اللي معاهم او اني اتكلم عليهم ، ومع ذلك ، صاحبه صاحبي تقعد تبصلي عمال على بطال وحرفيا لو انا روحت بدأت كلام معاها هتكلمني عادي وممكن تسيب صاحبي ومش كدا وبس مره كانت عماله تبصلي واحنا فالجامعه وصاحبها قاعد جمبي واول ما صاحبها حس بالموضوع قامت بصاله وضحكاله عشان متبينش ، يعني انا كشاب مش بيص للي ف ايد غيري وانتي كبنت بتبصي على شخص تاني خالص ومش بتبصي عاللي ف ايدك ، بغض النظر عن انه حرام وهيفضل حرام ، بس انا بتكلم عالموقف نفسه وافعال الناس

الناس بقت بجحـ/ـه اوي اليومين دول ومش دول بس من بدري وهم كدا ، تنزل بوست على فيسبـ/وك تسأل فيه سؤال عادي عشان مستني اجابه ، ولمجرد ان السؤال دا اتسأل كزا مره بس انت مشوفتوش عشان مش بتفتح الفيـ/ـس مثلا كتير او تقريبا مش بتفتحه خالص عشان الامتحانات او ايا كان ، تلاقي واحد يقولك انتوا مبتفهموش يا جدعان ، يعني تخيل واحد زي ده عامل مجهول هويه وبيتكلم ورا الشاشه هيقدر يقول كدا قدامي وجها لوجه ، الفكره ان كل واحد قاعد ورا تلفونه مستخبي وبيطلع اسوأ ما فيه ، زمان الكلام بين الناس كان بحدود حتى لو عالنت وكان معمول عشان يربط الناس ببعض انما دولقتي معمول عشان كل واحد يستخبى ويطلع قله الادب وقله الاحترام اللي جواه واللي تقريبا اتربى عليها ، زي ما البلوجرز بقت حياتهم مكشوفه ومتشافه ، زي ما اصحاب التعليقات في كل تعليق بيظهروا طبيعتهم والبيئه اللي جايين منها

طب ايه يا جماعة بنجيب الصبر منين انا خلصت اللي عندي كله تقريبا وتاني حاجة بتجيبوا ناس محترمة منين بجد والله أنا مش عارفة فيه ايه حصل للناس وكل مرة اتصدم في حد مع انه من برة يبان حاجة كبيرة أوي بس فجأة تكتشف عنه بلاوي مع اني والله مش بدور ولا بتتبع تصرفاتهم يعني ربنا يصبرنا على اللي بنشوفه ويصبرني على حياتي والله 💔

فيه فرق كبير بين واحد طيب… وواحد سهل. نيكولو ميكافيلي قال: "من الأفضل أن يُخاف منك على أن يُحَبّك الناس، إذا لم تستطع الجمع بين الاثنين." مش لازم الناس تحبك… بس لازم تحترمك غصب عنها. اللي بيضحكلك مش دايمًا صاحبك، واللي بيعملك حساب هو الوحيد اللي فاهم قيمتك. الدنيا مش مكان للطيبة الزيادة… الدنيا للي يعرف يحط حدود، ويقف عندها. خليك راجل يتعمله ألف حساب… مش واحد يتقال عليه "غلبان" ويتداس عليه. 🔥

جماعة لو فيه واحدة صاحبتي مش بتحب ان حد يواسيها خالص ولا تحكي ولا تتكلم وبتمر بظرف صعب ازاي اخفف عنها من غير ما اضايقها واحترم رغبتها انها بتحب تكون لوحدها لان ده اللي بيريحها امتر وانا مش عارفة اعمل ايه بجد او اتعامل ازاي معاها في اوقات زعلها

الرجل بطبعه إنسان محترم ، مفيش راجل بيبص عالبنات مفيش راجل بيركز مع جسم كل بنت مفيش راجل بيعلي صوته مفيش راجل ممكن يعمل حاجه لمجرد إن بنت تعجب بيه مفيش راجل يقلل من حد تاني لاي هدف ، الراجل دا بيحترم نفسه في المقام الاول يعني مستحيل يهزقها عشان شغل أو عشان إنسان أو عشان شهوه ، الراجل دايما ثابت مش أي حاجه تحرك عينه ، الراجل مش بيخون مش بيغتاب الراجل بيكون راقي في خصومته زي محبته مستحيل يأذيك لمجرد ان في بينكم خصومه،. عشان كدا الاحترام مش ضعف، لا، الاحترام رجوله يا صديقي ولو معندكش الصفات دي ، راجع نفسك

ليه الواحد بعد ما بيعمل حاجة بحسن نية بياخد علي وشه قلة تقدير و كلام وحش الواحد يعمل ايه يكره أن هو محترم وبيحترم فرق السن ولا يعمل ايه علشان بجد معرفش المفروض بعد كدة تغير طريقتك في التعامل

متعلّقش نفسك بحد وجودك مش فارق معاه… إنت مش مضطر تدي قيمة لناس أصلاً مش شايفين قيمتك. ومتفكرش إنك محتاجهم لا. إنت بس محتاج تفتكر أنت مين وهما مين عشان كل واحد يبقا في مكانته الطبيعية وميفكرش أن هو أكبر من أننا نستغني عنو عشان نفسنا

انا متغرب وقاعد ف سكن بس الناس اللي فالمنطقه عندي معاملتهم وحشه معايا عشان عارفين اني غريب عن المنطقه ولسا ساكن جديد، اروح اجيب حاجه مالسوير ماركت واقوله السلام عليكم ميردش حتى السلام ويقولي عايز اي مش حتى اتفضل ، اروح لست بتاعت سوبر ماركت بس ابعد شويه عشان عدم الاحترام من الشخص الاول الاقي نفس المعامله ويمكن اسوأ تبصلي بتكشيره وتقولي عايز اي ،مع اني وشي بشوش وبمتسم ف وش الناس وعمري ما دخلت محل ومرمتش السلام او طلبت حاجتي بقله احترام ، دا حتى الباقي لما اخده بقول للبياع تسلم شكرا وامشي ، المشكله اني من صغري وانا متربي اني مرفعش عيني فالكبير ومهما يغلط دا برده اكبر منك ، ف لما بتعرض لحاجه زي ده وده مش مره ولا اتنين دا على مدار اليوم حرفيا كل ما اخرج اجيب حاجه بعمل نفسي مش واخد بالي من طريقه الكلام ، بس الموضوع زاد عن حده وانا عايز اخليهم يحترموا نفسهم معايا ، اعمل اي

خايفه اكون اذيت حد اعجب بيا او حبني من طرف واحد...انا مش عارفه حقيقه مشاعري عشان اثبت على قرار واحد معرفش ان كنت اعجبت بيه ولا لا معرفش ان كنت حبيته ولا لا بس بعد ماقررت اقطع سبل التواصل نهائي شوفتوا واضح عليه الزعل وانا حسيت بالذنب....بس انا موعدتوش بحاجه ولا قولت اي حاجه تدل اني اختارته خلاص بس برغم كل ده هو كان عنده امل اني بحبه انا بجد وحشه اوي قدام نفسي لانه شخص كويس وكان بيحاول معايا منغير مايدايقني ومحترمني جداااا لأبعد مرحله عمر ماحد اتعامل معايا كده بس برغم دههه انا مش عارفه انا مالي او ليه عملت كده رغم ان كان ممكن لو حاولت احبه انا بجد بكره شعوري المقرف دههه

"أكتر حاجة بقت تضحكني إن الناس بقت عايزة احترام وهي مش عاملة أي حاجة تستحق بيها الاحترام… داخلين حياتك بالزور، وعايزين كمان تعاملهم كأنهم قيمة. اللي محترم نفسه مش بيستنى حد يعمله حساب… وجوده أصلاً بيعمل الحساب لوحده."

يا رجالة أنا راجل محترم وعيلتنا ناس محترمة ومحدش سمع صوتنا ولا عمرنا أذينا حد ودا مش تشكير بس دا فعلا والله النهار دا عرفت أن اختي كانت على علاقة مع شاب كان اتقدملها من فترة واحنا رفضناه لسوء سلوكه ولكنه بوساخته وندالته غواها وكلمها وفي كلام أنه قابلها والله أعلم اي اللي حصل وفرحها كمان أسبوع على حد ٱخر مش عارف اعمل اي ولا اتصرف ازاي أنا عقلي هيقف

كنت شخصيه مشاغبه. زرعوا الخوف ف قلبي من الناس و انى مخادش حقي و لو خدته دي اسمها قلة ادب ، و لازم احترم الكبير حتى لو هو ال غلطان بس ده الكبير و عادي يجي عليا لحد ما بقيتع بخاف اتكلم أو اخد حقي و اخاف من نظرة الناس ليا

اهلي طيبين جدا لكن الطيبة الزايدة حطمت ثقتي بحالي مايدافعو عني ابدا عطول لازم اعتذر حتى لو مظلومة لانو احترام الاكبر واجب ولازم كمان اتخلى عن حقي بكل مرة لانهم مايحبو المشاكل عانيت من التنمر بالمدرسة من المعلمين والطلاب واجلس اخر طاولة كأني خارج الصف لانو اهلي مايجو ولايتكلمو عني مهما ترجيت يحكولي المكان مومهم رايحة تدرسي وموضروري تعملي صداقات وجوا العيلة حتى لو انضرب لما ارد تقوم تبهدلني واتقلع قدام لكل ويستقوو علي كل مرة لكبار مايحكو ولا يمسكو ولادهم عني وكمان ببيت جدي او بيتنا كل شغل لبيت علي تقلي وين ماتروحي شتغلي لابفرح بلبس ولا بقعدة لبين ماخلص تخلص الجمعة تقلي عيب بس اشمعنا بس انا اشيل وحط زي الخادمة وتفضل كل اخواتي علي بالاخص الشباب لازم جبلهم كل شي لعندهم ازا قلت لا تقلي بتعملي مشاكل وكتيييير مواقف خلت امي الانسانة لي مو لازم كون زيها ابدا

في معيد كان بيديني الترم اللي فات و دلوقتي اه بيدي بردو ماده باخدها هو كويس اوي وطيب اوي وبيساعدني لو في في اسأله مش فهماها ،بيبعت بيسلم عليا كل مثلا اسبوعين المشكله بدأت اقلق😂 يعني فالعادي انا اللي ببعت لو مش فاهمه حاجه فالسكشن بس هو بعت الشهر ده خمس مرات مثلا بيسلم ويسأل هو عايز اي مش فاهمه ولا ده عادي هو قالي قبل كده انت محترمه و عشان كده بساعدك بس حاسه الموضوع اوفر ولا ايه؟