منذ 8 ساعاتيشعر بـ منزعج
بجد تعبت. كل شوية حد يدخل يقولي "تعارف؟" أو "نبقى صحاب؟" أو يبدأ كلام ملوش أي لازمة، وكأن وجود أي بنت على السوشيال ميديا معناه إن الباب مفتوح لأي حد يدخل حياتها بدون استئذان. أنا آسفة لو كلامي حاد شوية، لكن فعلًا بقيت عندي حالة نفور من كمية المواقف اللي بشوفها. مش بقول إن الكل كده، أكيد فيه ناس محترمة، لكن للأسف أغلب اللي قابلتهم كانوا سبب في إني أفقد راحتي وثقتي وأحس إن المسافات الآمنة بين الناس بقت حاجة نادرة. لا عايزة ارتباط، ولا تعارف، ولا حتى أي نوع من العلاقات دلوقتي....كل اللي عايزاه إن الناس تحترم الحدود وتفهم إن كلمة "لا" مش محتاجة نقاش، وإن مش أي بنت موجودة هنا تبقى مستنية حد يدخل يكلمها. هو بجد صعب للدرجة دي إن الواحد يسيب الناس في حالها؟
وبيقا حاطط موزه
مش كل الناس بتفكر زيك . في ناس مش سويه
الموضوع بسيط جدا . انتي بس لازم تبقي فاهمه ان طالما انتي متواجده علي سوشيال فا انتي كده فاتحه باب للتواصل بس بتفرق في اي بقي . اللي بيبعتلك بيكون عايز اي .. هنا اغلب الناس اندرايدج و شباب مراهق فهتلاقي أغلبهم عايز يتكلم مع اي بنت لا من رحم ربي و في ناس بتكون عايزه تساعد بجد . وفي ناس بتمثل .. القرار راجع ليكي انتي انك تردي علي اللي انتي عايزه تردي عليه .. لكن خليكي فاهمه انك طالما نزلتي بوست فا وارد جدا اي حد يكلمك
🙏🏻🙏🏻🙏🏻🙏🏻🙏🏻
هدى نفسك مش كل الناس شبه بعض عموما انتى خفى تعامل شوية مع اللى عاجبك أو اعملى بلوك وريحى دماغك
اي حد مش عاجبك كلامه هنا سواء كلمك برايفت أو حتى منزل بوست او كومنت له مش عاجبك اعملي بلوك
باختصار بقي في قرف وجراه في فعل الحرام