جماعه انا في واحد في مرحله ما جمعنا مكان واتعرفت عليه وواضح كان في قبول بيننا بس هو كان غامض ومش بيتكلم كتير ولا بيبادر وانا بس الي كنت ببادر بس دا عشان انا شايفاه محترم ومختلف عن باقي الولاد والبنات مش شاغلاه، للعلم انا مسيحيه وهو مسلم وانا كنت عاوزه نبقا صحاب بس مش اكتر، المهم ان انا خدت اغبي خطوه ممكن تتاخد وجيت اسلم عليه ب ايدي ماكنتش اعرف انه عنده ماينفعش يسلم وماكنتش متوقعه خالص انه ممكن مايسلمش، وهو فعلا ماسلمش وقالي مش هاقدر، انا ساعتها اُحرجت جدا اكيد بس في نفس الوقت احترمته اوي وبقا شاغلني اكتر وعاوزه اعرف عنه اكتر وحاسه انه حد مايتعوضش ومفيش ولاد زيه خالص، المهم هو لما شافني تاني اعتذرلي وفهمني موقفه عشان ما احسش بالرفض وعشان لما افتكر الموقف مازعلش وعشان النهايه تكون كويسه يعني، وبس من ساعتها وانا ماشوفتهوش تاني وكنت اتمني اتعرف عليه اكتر ومن ساعتها وانا مش عارفه انساه ابدا ودايما في بالي وزعلانه اننا مش هانتلاقي تاني رغم ان الي حصل دا من زمان وماكنتش لحظات كتيره خالص