استقرار

هاخد رأيكو في مشكلة عندي ، دلوقتي من شهور كنت اتعرفت علي بنت وكانت فعلا نيتي جواز بس ظروفي كانت صعبة ومع ذلك كنت بحاول وقولتلها ان عندي استعداد اني اقابل اهلها وحرفيا كنت بتحدي الظروف مش هضحك عليكو واقول اني حبيتها بس هي كانت شخص مريح بالنسبالي وانا كنت بدور علي الاستقرار ، المهم صارحتها وهي كانت شبه موافقة ، المشكلة ان في حاجه انا مش قادر افهمها العلاقة دي استمرت شهور ، هي بتيجي فجأة وبدون اي سابق انذار وبتختفي وترجع تظهر تاني وتبرر داا ، وفجأة اختفت كذا شهر ورجعت ظهرت تاني ، السؤال بقي انا المفروض اعمل اية ، هل احاول تاني معاها ولا انسحب بهدوء

دلوقتي انا في تربية اسكندرية بس انا طفولة ليا فترة تأسيس مش اكتر .. بس انا مش حابه ادرس للسن دا لانه متعب اوي ، قولت ادي انجليزي ابتدائي بس انا هدرس بطريقه حكومي العاديه وحسيت اني هظلم الطلبة ، حاليا بفكر في دراسات اجتماعية وعلوم ابتدائي ، بس انا مش عارفه ابدأ ازاي او اي الخطوات ، طب ساعتها اقدم في سنتر عادي ؟ ولا مينفعش انا مش سنه تالته جامعه ، المشكلة كنت بقول اعمل دراسات عليا كتعيين جامعه او ادرس تمريض مكثف وله تكليف .. او اخد كورسات كمبيوتر واشتغل في فرع فودافون او مكتب حاجة ادارية يعني او كول سنتر ، بس انا تايهه جدا في بحر المجالات دي كلها نفسي ألاقي نفسي وكنت ضد التدريس بس رافضه الفئة الاصغر وانا كان مجموعي في الثانوي يجيب اساسي علوم لكن متكتبتش في التنسيق للاسف .. بس انا كنت نسيت الموضوع بس رجعت افكر في تاني لكن انا نفسي أحس ولو لمرة واحدة بعدم التوهان واستقر في مجال كل يوم في قرار وكل يوم برأي ولحد الان مجرد كلام الواحد نفسه بس يوصل لمرحلة أمان ويحس انه راضي مش اكتر ميفضلش عايش في دوامه كان يا ما كان ، يعني ياريت حل وربنا يجازيكم خير ...

فكرة الجواز دي حلم جميل وكبوس في نفس الوقت هل نفسي اتجوز؟ اه جدا عشان فكرة ان هيكون عندي شخصي المفضل والي يساعدني واساعده نحافظ على صلاة الفجر وقيام الليل والجيم والأكل الصحيح ونعك سوا ايام الفري😂 وفي نفس الوقت خايفة من الجواز عشان الناس بقت غريبة سواء الشباب او الحموات اتمنى الاقي السكن يوما ما بجد

مبسوطه اوي لان الكلام اللي كنت بقوله عنه طلع مش صحيح و انه طلع لسه بيحبني و مشاعره حقيقيه و كل فتره بيتغير للاحسن معايا ادعولنا يارب نفضل مع بعض دايما و يفضل دايما كويس معايا و مبسوطه اوي انه ف حياتي 😅🩷🩷 ياريت

حرفيا تايه ومحتاج نصيحة من حد محتار جدا ومبقتش عارف اختار ولا احدد أهدافى كنت شغال ق مجال الملابس 10 سنين وعندى خبرة كويسة بس كرهت المجال وسبته وقعدت ف البيت شهرين صرفت مبلغ كبير وبعد للغترة دى قعدت طبعا ادور ع شغل كتير موصلتش لحالك ف نزلت شغل ف فتح الله وحرفيا للشغل مش احسن حاجة وقت كبير ومرتب ضعيف6700 بالنسبة لصنعتى يس مبقتش حاببها ف حاليا قدامى شغل ع 8 مع مورد ملابس بيصنع شغل وكدة وشغل مكتب يعتبر هتابع الشغل والتسليمات واجيب عملاء وكدة بس مفيش تامينات ولا تريقات ولا زيادة يعنى شغل بالحب وكدة مش زى فتح الله وقدامى برضوا مكتب تخليص جمركي بس معرفش مرتب كام وفيها تامينات بس بعد سنة وفيها زيادة وكدة انا من اسكندرية عموما 27 سنة ومخلص ليسانس اداب ف مبقتش عارف اختار انهى شغل ولا استقر ع اى محتاج استقر عشان اعرف اشوف بنت الحلال وافتح بيت ف محتاج استقر ف شغلة عشان اكون قادر اتقدم لاى واحدة عندى شقتى واجهزتى عموما يس حتتة الشغل معطلانى

ثنائى القطب حابب اعرف هل لو حد مصاب بالاضطراب ده بيكون مشاعره مستقره هل بيقدر يتجوز هل يقدر يكون مستقر ويفتح بيت ومثلا لو هو شخص مؤمن بكده ومؤمن انه عنده اضطراب في كيميا المخ محتاج ادويه عشان تثبته ومتابعه هل ممكن العلاقات تكون ناجحه ؟؟! ممكن حد يساعدنى

مش قادره افهم حته ان كلنا بندور علي الامان و الاستقرار و الحب الصادق ف حياتنا طيب طول ما كلنا بندور علي نفس الاهداف ليه لما ف اتنين بيكونو مع بعض ممكن ميلاقوش دا مع بعض رغم ان الهدف واحد المشكله هتبقي ازاي ف الاختيار و الهدف مازال واحد؟

سؤال دايمًا بيدور في بالي وحابب أسمع فيه آراء ناضجة من ناس شافت الحياة بشكل أوسع.. هل الانجذاب الشكلي الكامل هو مجرد باب دخول للعلاقة؟ ولا هو أحد الأشياء اللي بتحافظ على اكتفاء الإنسان بعد سنين؟ أحيانًا الإنسان بيقابل شخصية محترمة، راقية، مريحة جدًا.. لكن يفضل جواه إحساس إن فيه تفاصيل شكلية معينة كان نفسه يلاقيها وملقهاش بالكامل. وساعتها بيبدأ الخوف الحقيقي هل التنازل هنا نُضج؟ ولا بداية ظلم هادئ للطرفين بعدين؟ أنا مؤمن إن الأخلاق والراحة والأمان النفسي أهم بكتير من أي ملامح.. لكن في نفس الوقت بخاف جدًا إن الإنسان يدخل علاقة وهو من جواه كان نفسه في شيء معين وملقاهوش، ويحاول مع الوقت يقنع قلبه وعينه إن الموضوع عادي.. ثم بعد سنين يكتشف إنه ماكانش مكتفي فعلًا فيظلم نفسه ويظلم اللي معاه بدون قصد. وفي المقابل ناس كتير بتقول إن العِشرة الصادقة فعلًا بتغيّر نظرة الإنسان وإن الملامح اللي كانت عادية في البداية ممكن تبقى الأجمل مع الحب الحقيقي. فبجد حابب أسأل: هل الاكتفاء الشكلي شرط للاستقرار على المدى البعيد؟ ولا الإنسان مع الشخص الصح فعلًا بيشوفه الأجمل مهما كانت التفاصيل؟

بعاني ليا فتره مع تقلبات مزاجية اشبه بنوبات اكتئاب علي غضب علي فترات بكون فيها عادي مستقره وده بياثر علي علاقتي بربنا اخر مره كنت مكتئبة فيها قولت اروح لدكتور نفسي اتشخص واتعالج بس حاليا كويسة وحاسه الدنيا مستقره فدماغي بتقولي مش مهم ممكن حاجه وعدت لو اتكررت تاني ابقي روحي ومش عارفه اعمل اي هل اروح اكشف رغم اني كويسة ولا استني لما ابقي مش كويسة ؟

أني نبقى عايشة في نفس البيئة المؤذية مع والدين ما يهتموش و ما يحموش مع اخوات انانيات. و أني ما نقدرش نكون حرة و مستقرة و نجرب اي حاجة بلا خوف من اللوم أو رأي الناس. أني اني ما نقدرش نحقق احلامي.

حاسة بحالة رهيبة من اليأس و انا شايفة حياتى مفيش فيها اى جديد و روتينية و انا شايفة الناس اللى اذتنى عايشة حياتها و بتكون عيلة و أسرة رغم انى عرفت صدفه و مش مركزة مع حد و طول الوقت مركزة على نفسى بس انا لسه وحيدة و مفيش حد حتى احكيله اللى حاسة بيه و بقيت خايفة اقرب من حد اتوجع تانى مع أن نفسى جدا استقر فى حياتى

طلعت ما حبيتش اي حد كان مجرد وهم و فراغ و احتياج لاني احس ان في حد جنبي و بيحبني و بيهتم بيا حتي كان كلام الدكتور صح انا بحب حلاوة البدايات بحب الاهتمام بتاعها و وجود الشخص ده معايا و اهتمامه المبالغ فيه مش بستحمل لما العلاقة تبدأ تستقر و تبقي طبيعية

شباب انا نفسي اتجوز ومش عارف مش. عشان مادياً لا ابدا مش لاقي شخص مناسب بيكون. بيصلي وبيلبس لبس شرعي وبيخاف ربنا بس والله وانا الحمد لله جاهز يعني مل الي بتمناه زوجه صالحه فقط تكون عون ليا ع ذكر الله

هو ليه الواحد مش بيسيطر على تفكيره غير الزواج والعلاقات والحب والعواطف والمشاعر؛ ليه حاسس إني نفسي أتجوز تاني؟ حقيقي كل تفكيري في الاتحاه دا والحوار دا مأثر على حياتي وبيتي وشغلي وتركيزي وكل حاجة حرفيا لدرجة إني نفسي أحقق دا عشان أرتاح وأستقر بقى عشان تعبت والله جدا

مطلغبطه شوي عارفه أن الجواز سنه الحياه وان لازم الإنسان يستقر وكل ده جميل بس انا عندي مشكله مع العيشه نفسها مش قاصدي مدينا قصدي في الحياه يعني الكل عايش ذي بعض ذي ما يقال اليوم بيومه مفيش طموح لحاجه ينجح فيها ويطور فيها عايشن بس موظف ثم معاش وخلاص بس انا مش عايزه اعيش كده هتقولوا هيجيلك شخص كويس وفي ناس طموحه بس هو هيقبل اني اشتغل هيقبل اني اعمل حاجه نفسي وانجح فيها ولا اول ما اخلف هقعد بقه واكررث حياتي ليهم هي اه ده شئ كويس بس كده في انانيه الان الست الظغط عليها بيبقي اكبر من الراجل بكتير وبرضه وهي بتشتغل الظغط عليها كتير بس اي ده لا انا مش هكرث حياتي ليهم واعمل كل حاجه وهو يبقي دوره اي تي ام بس