اعتماد على النفس

النهارده حصل معايا موقف يبان بسيط لكن اثر فيا اوي كنت في السوبر ماركت لقيت بنت مع والدها بنت صغيره يعني وبيشتري ليها حاجات هي البنت خافت من حاجه لقيتها بسرعه حضنت باباها وفضلت حاضناه لحد ما حاسب عرفت انها حست بالامان لما عملت كدا انا مش قادره اقول غير اني فعلا حسيت اني صعبانه علي نفسي صعبانه علي نفسي اوي انا كمان الفتره دي مش احسن حاجه خالص مبقتش احس باي شعور ونفسي اعيط مش قادره وبدل العياط اوقات يجي نوبات هلع المشكله اني بقيت اتمني انها تيجي بجد وببقي عايزه كدا جدا علشان اخلص الضغط الي جوايا حاسه ان في ضغط جوايا كبير اوي مش عارفه صدمات طفوله ولا كبت ولا حزن ولا ايه بالظبط حاجات كتير اوي حصلت مش عارفه اعمل ايه انا تايهه اوي احساس انك عايز تعيط ومش قادر صعب اوي يارب محدش يحس بيه انا نفسي اطور من نفسي اوي عايزه اغير كل حاجه اعمل glow up زي ما بيقولو نفسي معتمدش علي حد علي نفسي وبس

اول حاجه كل سنه وانتوا طيبين و يارب دايما تكونوا كويسين و مبسوطين بلاش حد يزعل لو هو العيد ده لوحده انزل لوحدك عادي و روق على نفسك يا باشا مينفعش نبقى معتمدين على الناس ان دول اللي وجودهم معانا هما اللي بيخلونا نحس اننا مبسوطين و اتعلموا تتبسطوا وانتوا لوحدكوا عشان مش كل الفترات في حياتنا هيكون حوالينا ناس ممكن في اي لحظه نبص حوالينا منلاقيش حد ولا حتى حد يقولنا كلمه واحده ولا يطمن علينا و حاولوا تستمتعوا و تعملوا حاجه بتحبوها حتى لو مش هتخرجوا اعمل اي حاجه بتحبها او حتى بتفرق فمودك و لو واحد في الميه ❤️

محدش هيساعدك غير نفسك محدش هيقومك غير نفسك انت مش محتاج تسند علي اي حاجه في الدنيا دي غير ربنا وبعد ربنا امك وابوك بس... واللاسف مش كلو اللي عندهم الام و الاب الكافين ان هو يسند عليهم مش كل عندهم النعم دي اللاسف في ناس مبتلين باب وام مش بيعرفو يسندو عليهم فلا انت مش محتاج اي حد في دنيا دي تسند عليه غير نفسك

علشان بفهم لكن متفهمش بحس لكن متحسش بحفظ السر لكن ملقتش اللي يحفظ سري كل ما زاد اعتمادك علي نفسك قل اعتمادك علي الناس وزاد اعتماد الناس عليك ماديا وعاطفيا بتشيل مشاكلهم فوق مشاكلك بس كده يا سيدي 😂😂

انا كنت عارفه أن هيجي وقت و اكون لوحدي و كله يمشي ، عشان كده كنت بحاول اعتمد عليا ، بس لما مشيوا كلهم مره واحده حسيت بالحزن ، يمكن عشان ال اتوقعته طلع صح؟ بس الغريبه اني مكنتش السبب و دايما مبكونش السبب ..

مش عارف دا اسمه ايه نضج مثلا ولا ادراك ولا ايه مش عارف بس لما تاخد بالك من كل حاجه كنت مغيب عنها كنت عامل نفسك مش واخد بالك وعايش وبتتاقلم وبعدين هوب جت اللحظه اللي اقف وحل انت بقا معادش في بقا اعتماد على اب ولا عيله انت راجل دلوقتي ونط بقا ف الدنيا حتى ابويا تفكيره غير تفكيري ومش مستوعب اني المفروض اعتمد دلوقتي على نفسي عشان كدا مضطر انط وزي ما تيجي وعلى الله بقا اللهم عونك وعفوك ويارب سامحني على كل ما مضى واعني على ما هو آت

نفسي بجد الاقي شغل مناسب ليا او حتي الاقي شغل يكون ف محافظتي حقيقي الجزئيه دي بتخنقني و بتخلي عندي سخط ع المكان اللي انا عايشه فيه نفسي اساعد نفسي و اعتمد عليها بجد بقيت اكره كوني بنت علشان موضوع الشغل دا اه لسه بدرس بس دا ميمنعش ان من حقي اشتغل و اعتمد ع نفسي مخنوقه اوي بسبب الموضوع ده