الله

"الله خالق كل شيئ" أية مش كل الناس هتدرك معناها ولا هتحسها مش هيدرك معناها ابدا الا الي وقع في مصيبة او ديقة وسمع الايه دي تمر على أذنه، الحياه دي كلها الكون دا كله من خلق واحد بس الاه واحد مطلع على كل شيئ فاابدا ما تخافش

"يفنىٰ العباد ولا تفنىٰ صنائعهم ،فاختر لنفسِك ما يحلو بِه الاثر " اتمنى ان كل مراهِق يدرك ان الحياة الحقيقية تبدأ بعد الموت ، استثمروا شبابكم فيما يرضي الله خلو اخلاقكم حسنة واثركم طيب استيعنوا بالله واشتغلو على انفسكم ✨

الواحد بجد نفسيته تعبانه انا حرفيا هتجنن كل حاجه ماشيه عكس مانا عايزه كل حاجه ضدي حاسه انى مش بخير بس انا تعبت من الكلام الى ملهوش تلاتين لازمه ومش عارفه انا لى بكتب تانى وبتكلم امي لما بكلمها بتتعب وتمرض وابويا بيلومني ويهزقني ولا عندي صاحبه حتى اكلمها بس عادي مش مهم مش هتفرق كلها كام سنه واتكل ع الله

اعلم ان الله وحده من يجزيك ، لا تنتظر جزائا من احد فيكون شريكا في نيتك مع الله فيستغني الله عن عملك الله وحده يجزيك على سيعك اسعى واجعل حياتك كلها لله اعط دون انتظار اجر مخلوق ، قوي علاقتك بالله ، خالق بخلق حسن الناس لله ان انتظرت اجر احد لن يرضيك وان قصدت الله وحده لن يخذلك

ربنا كان عارف قد اي انت كنت ناوي تضحي علشانه... فشاله من حياتك ربنا كان عارف انك هتخسر نفسك علشانه... فشاله من حياتك... يمكن انت شايفها خسارة.. لكن ربك شايفها حماية.. ربنا كان عارف قد اي انت كنت ناوي تضحي علشانه... فشاله من حياتك ربنا كان عارف انك هتخسر نفسك علشانه... فشاله من حياتك... يمكن انت شايفها خسارة... لكن ربك شايفها حماية

نطلب الكثير والكثير وننسي ما اسرفنا ف ظلم انفسنا.. وننسي سؤال مهم. الا وهو كيف حالنا مع الله؟ الذي يعطي بدون حول منا ولا قوه ولكن الانسان نسي.. وهناك قدر يعطي به الله عباده حتي لايبغوا الله اعلم بنا من انفسنا علينا السعي وليس النتيجه... وف الختام.. هي لن تطول وان خدعتنا وخدعنا الواقع فالمهم ثم الاهم القرب من الجنه والاهتمام بالاخره التي هي الحياه ثم الدنيا الي لا تسوي عند الله شئ ويرزق فيها المؤمن والكافر.. السعاده ليست بوجود كل شئ نريده.. بل باحساس وجود اللع داخلنا وبقربنا دائما.. له جنود ف الارض لن تروها.!

انا عمرى ٣٢ سنة وبدور على الله ومش لاقيه كتير صليت ومش لاقيه كتير صومت ومش لاقيه. بالعكس أنا كل ما بيعدى يوم ببقى اوحش من اليوم اللى قبله وبحس انى عايش بدون هدف ولا لازمه انا مش متزوج وحاسس أنها حياه تناسليه مش اكتر انا نفسى اموت وأشوف ما بعد الحياة اللى عايشينها تقريبا مش هلاقى حاجة ولو لقيت هلاقى ربنا اللى بصليله واصوم علشان ابقى كويس فى الارض وانا مش لاقى. نفسى اموت

انا محتاج اقولكم ان الحياة ابسط من كل الضغط اللي انتو حطين نفسكو فيه انا بكلمكم وانا راجع الجيش انا قوات خاصه صاعقة و مش هقولكو الدنيا عاديه لا الدنيا صعبه بس تخيل الضغط اللي احنا فيه و بنهون الدنيا علي نفسنا كبر دماغك و سيبها علي الله و الدنيا هتمشي اهم حاجه خد الموضوع ببساطه و هي والله هتتحل ربنا يسعدكم جميعا ❤️❤️

ازاي اقدر اعرف ان ربنا غضبان عليا لاني ديما بحس ان كل مشاكلي دي بسبب ان فيه حاجة عملتها وربنا بيعاقبني عليها وديما عندي احساس بالخوف والاكتئاب برغم اني بصلي وبيجلي كمان شكوك ان ممكن اكون بصلي غلط مثلا يمكن انا بعمل حاجات غلط بس بحاول اني ابقي كويس ديما وابعد عنها عايز ردود منطقية من فضلكم