نصيحة تديها لنفسك في سن المراهقة

نصيحه لكل اخواتى من سن الاعدادى وطالع (ركز ع مستقبلك) وحط تحتها ألف خط السن اللى انت بتمر بيه دى اسمها فترة مراهقه وفالفترة دى الانسان بيكتشف كل اللى حواليه بدون تفكير اذا صح ول غلط حلال ول حرام المهم تجرب ودى حجات صدقنى هتندم عليها اما تكبر وحوارات الحب والبنات جايه جايه وهتحب وتتحب اقسم بالله اذا وانت ١٢ سنه ول و انت ٢٢ والخب مش حرام بس الحرام ان مشاعرنا تحركنا زى الحيوانات عشان نحس بنفسنا وبالنسبه للولاد زى مهتعمل دلوقتى بنت بكرا هتلف الدنيا وهتشوفها ف اختك ف خاف الله وخلى الحب لما يجى تستقبله بالحلال بالنسبه للبنات اولا ثم الولاد اياكى ثم اياكى وصحبه السوء وده بقولهولك وكنت اتمنى حد يقولى . احنا ربنا خلقنا بإحساس داخلى بيبقا حاسس ان الحاجه اللى بنعنلها اذا صح ول لا وانا بقولك اسمعى كلام الاحساس ده واوعى تتجاهليه ولو احساسك قالك ان البنت دى مش كويسه ابعدى عنها فورا وبلاش جدعنه ع صحه نفسيتك لان الصدمات من الناس اللى بنعاند اهلنا عشانهم بنقعد نتعالج بسببها سنين واهلنا بيكون معاهم حق حتى لو مش مقتنعين بس محدش هيخاف عليكم اكتر من امك وابوك فهما يستاهلو ان يتشكر ف اخلاقكم وفاللى رباكم بلاش العكس بالنسبه للمستقبل فهو الأهم والفترة دى هى الفترة الذهبيه وكل دقيقه بتمر مبتتعادش للأسف واى قرار بتاخدوه فالفترة دى بينعكس ع مستقبلكم قدام يعنى اللى ذاكر وبقا دكتور بيحمد ربنا وبيطلع راضي اما اللى بيضيع وقته عالحوارات واللعب وعالموبايل مبيلحقش حاجه بيرجع يندم طول عمره وبيفضل تعبان ولكل مجتهد نصيب وان ما عليكم الا السعى والنتيجه عند ربنا واخر نصيحه ومهمه جدا جدا جدا بلاش التريقه على اى حاجه مش عاجباكم لان اللى بيتريق ربنا بيبتليه بنفس الحاجه اللى بيتريقو عليها اللى بيتريق ع كليه مبيدخلش الا هى واللى بيتريق ع ذنب الايام بتلف وبيقع فيه واللى بيتريق ع حد مسيرة يتجوز نفس الشخص او حتى شخص شبيه لافعال الشخص الاول وربنا يحفظكم يارب اجمعين

"يفنىٰ العباد ولا تفنىٰ صنائعهم ،فاختر لنفسِك ما يحلو بِه الاثر " اتمنى ان كل مراهِق يدرك ان الحياة الحقيقية تبدأ بعد الموت ، استثمروا شبابكم فيما يرضي الله خلو اخلاقكم حسنة واثركم طيب استيعنوا بالله واشتغلو على انفسكم ✨

إثبت على مبادئك مهما كنت هتحرم نفسك من إيه ، واتعلم إنك تذاكر وتشتغل في الصنعه بتاعتك و طور نفسك فيها وشوف حد بيقبض فلوس كويسة علشان تفتح مصنعك لوحدك وإستمر هتلاقي كتير ناس ضدك منهم والدك اللي بيحاول يخليك ترضى باقل القليل وخلاص رغم إن أنت والله تستاهل اكتر و متسمعش لكل نصائحه هو بعدين هيسيبك انت تواجه العالم وكل لما تقوله ساعدني او انصحني هيقولك أعمل اللي يريحك ف أنا بقولك من دلوقتي أعمل اللي يريحك و ابعد عن الحرام مهما كان شكله و قعدته ارتباط او قعدة صحاب مش كويسين يبني والله منك فايدة كبيرة ف متقتلش نفسك

هقولها يا حبيبتي مفيش شخص مثالي ومش لازم تبقي شاطرة وبتسمعي الكلام وبتذاكري علطول همحي جملة غلطة الشاطر بألف اللي هو ازاي طيب واحدة مراهقة ماتغلطش .. ولو غلطت يبقى خلاص الدنيا اتهدت اغلطي واتعلمي وعاملي كل الناس طالما عارفة حدودك وعندك اللي يرجعك مهما بعدتي عشان هتكبري تلاقي واحدة عايشة لسه طفلة مهما كبرت عشان مافهمتش ده ..فبطلي هبل بقى 😅

انت محتاج تركز مع نفسك شوية وتبطل تحاول تثير اعجاب الناس او انك تنال ودهم لان رضا الناس غاية لا تدرك و كونك قعدت تدور ع نفسك وسطهم وهم محدش سأل فيك وجعتك اوي بس عموما انت تستاهل مهو محدش بيتعلم بالساهل بردو لكن متقلقش كلٌ قد عرف قدره و بقى يتعملك مليون حساب والحمدلله معتش فارق معايا حد دلوقت