بخل

هو امتا الواحد المفروض يحس بامان مادي وانه مش متهدد ماديا ومعندوش تروما من ناحية الفلوس والماديات؟ انا خايفه افضل طول عمري خايفه من بكرا وبخيله على نفسي انا اشتغلت شغلانه كده يوميه بارت تايم وخدت فلوس لاول مره ف حياتي امسك مبلغ بسيط مش كبير حقيقي بس انا اول مره امسكه وخايفه اصرف انا مخرجتش كم خروجات عشان مش معايا فلوسها ومش هقدر اعيش العيشه دي ولو عديت جنب اي مطعم بحس اني مش هعرف ادخله لو شوفت اي لبس بعرف اني مش هقدر اشتريه عشان لازم اعيش بمستوى اهلي صاحبتي نزلت الشغل ده معايا خلصناها وراحت جابت حاجات نفسها فيها وخلصت الفلوس كلها وانا مستخسره اصرف منهم جنيه وخايفه اعوز وملاقيش ازاي اتغلب على الموضوع ده عشان حاسه اني بخيله على نفسي

البخل... لما شخص يتوصف انه بخيل لاسباب زي "مش بيحب يشارك حاجته " او "مبيحبش حد يشاركه في اكله بعد ما تعب وهو بيعمله" هل دا هو البخل..؟ وهل البخيل اصلا بيسال نفسه إذا هو بخيل ؟ ولا مجرد ان الشخص بيتقاله كتير انه بخيل فعقله بيقتنع؟ فالسؤال ايه هو البخل؟ ومين هو الانسان البخيل فعلاً ؟

هي مشكله صحبتي ومش قادره اوصلها لحل هي هتشوف كومنتاتكو ورايكوو وياريت نوصل لحل. ... هي مخطوبه عن قصه حب دامت سنه ونص والخكوبه بقالها ٥ شهور المهم هي عندها خوف من الشخص الغير مسؤول والبخيل تعرف ازاي إذا كان خطيبها كدا أو لا مع العلم لما بيدخل بيتها مفيش مره دخل فاضي دائما يجيب حاجات بس في مواقف تانيه مخوفاها زي مثلا ظروفه مش احسن حاجه وكان حصل مشكله ف شغله وشاف مكان آخر واستلف منها فلوس للمواصلات واول ما قبض رجعهها لها مع العلم هو لو اخر جنيه ف جيبه بيجي يشوفها ويزورها. ويجيب فاكهه وحاجه حلوه ليها كمان هما متكلموش ف جوازهم وهتكون الحياه ازاي ف مش عارفه تفتح كلام ازاي وتقول ايه .. كمان عمره مثلا ما قالها اشحنلك ابعتلك فلوس كدا يعني بس هو ظروفه كانت مش اوي مش عارفين نحدد بصراحه لكن هو شخص كويس ومحترم ومن عيله وبيحبها وبيصلي

عندي سؤال فضولي وعايز اعرف اجابته دلوقتي انا متوسط الحال وبحب دايما اجيب الحاجه المتوسطة يعني مثلا تليفون كويس بس مش غالي وعربيتي متواضعة موديل قديم بس حالتها كويسة ومتعايش معاها وفي بالي ان حتي لو بقيت غني مش هصرف ببزخ واجيب مثلا ايفون ١٧ او هجيب عربية مرسيدس كل سنه لا انا بحب الحاجه البسيطه يعني اجيب تليفون ب ١٠ الاف مثلا كويس وحلو وهيمشيني وعربية ب ٢٠٠ الف بدل ٢ مليون ....سؤالي هنا هل فعلا لو اتغنيت وجهه نظري هتتغير ناحيه الحاجات دي؟ وهصرف ساعتها ببزخ؟ وهل اللي بفكر فيه ده بخل ؟