منذ ساعةيشعر بـ عادي
عندي سؤال فضولي وعايز اعرف اجابته دلوقتي انا متوسط الحال وبحب دايما اجيب الحاجه المتوسطة يعني مثلا تليفون كويس بس مش غالي وعربيتي متواضعة موديل قديم بس حالتها كويسة ومتعايش معاها وفي بالي ان حتي لو بقيت غني مش هصرف ببزخ واجيب مثلا ايفون ١٧ او هجيب عربية مرسيدس كل سنه لا انا بحب الحاجه البسيطه يعني اجيب تليفون ب ١٠ الاف مثلا كويس وحلو وهيمشيني وعربية ب ٢٠٠ الف بدل ٢ مليون ....سؤالي هنا هل فعلا لو اتغنيت وجهه نظري هتتغير ناحيه الحاجات دي؟ وهصرف ساعتها ببزخ؟ وهل اللي بفكر فيه ده بخل ؟
كنت فاكر زيك كد لحد مكتشفت ان كل ما مستواك بيعلي كل ما احتياجاتك بتزيد غصب عنك الواحد بيبقي ف شغلانه بياخد 4 فيها و لو سابها وراح او اترقي بقي 9 هتلاقي بعد شهرين بظبط المرتب مبقاش يوصل لاخر الشهر زيه زي ال 4 نفس الفكره انت لما تظبط معاك ويبقي مستواك المادي اعلي هنا بقي النقطه انه ممكن فكرك ميتغيرش لكن العربيه اللي ب 2 مليون دي هتكون وقتها فنظرك هيا العربيه اللي ب200 الف وهتبقي شايفها خيار متوسط ومريح
تفكير الإنسان وهو عالشط غير وهو عالبر غير وهو فى قلب البحر تفكيرك فلحظة الغِنى من دلوقتى ممكن يكون أبعد من الواقع لكذا سبب ١) لإنك متحطش فى الموقف ده قبل كدة. ٢) مكانتك الاجتماعية وقتها هتكون مهمة، فممكن جدًا تشترى حاجة انت مش هتستخدمها بس هتدى انطباع مهم عند الناس ٣) مبادئك نفسها احتمال تتنازل عن جزء منها فى سبيل إنك توصل لهدف مادى او معنوى ردًا على الجزء التانى من السؤال (البُخل) من الكام سطر اللى كتبتهم مقدرش احدد اذا كنت بخيل ولا كريم بس الأكيد إن أى حد عاقل فى نفس مكانك هيصرف زيك بُحكم إنك متوسط الحال
المهم هتجيب اللي يريحك