تأمل

أنا معنديش مشكلة مع النهايات ولا الخسارة، لكن عندي مشكلة مع الحاجات اللي بتفضل مدة طويلة حلوة وبعدين بتنتهى بشكل بهتان ملوش ملامح ولا اسباب منطقية، هو صحيح كله بيعدي بس يا ترى بياخد معاه قد إيه من روحنا وطافتنا وهو ماشي؟

جامعة الازهر جميله اوي باليل حاسس اني ماشي ف عالم منعزل كدا و التأمل جميل ف الاوقات دي اوي بردو كمان بقابل ناس جميله ف يومي ف الازهر هنا بس بردو بقابل ناس استغفر الله بس في حاجه بلاحظها دايما مش شرط هنا ف الجامعه بلاحظ انو العمال وكدا اوحش ناس ف التعامل قصدي الاغلبيه في ناس محترمه جدا

ساعات بفكر هل لو رجع بيا الزمن لورا شويه هل هعيش نفس الفيلم من تاني ولا هغير في الأحداث كتير انا عن نفسي أكيد هعمل فيلم جديد انتا هتعمل ايه ؟؟طيب لو بإيدك ترجع تغير حاجه هتغير اي انا هغير life style

السيدة عائشة سالت النبي؟ من اكثر واحدة تحبها في زوجاتك يارسول الله فقال لها: انتي ياعائشة فقالت: اذا اخرج عليهن واخبرهن جميعا! فضحك النبي واعطاها تمرة وقال لها: في الليل اجمعهن واخبرهن. ولا تخبري احد اني اعطيتك تمرة ومر على كل واحدة واعطى لكل منهن تمرة واخبرها ان لاتخبر احد وفي الليل اجتمعن وسالته عائشة : اي من زوجاتك تحب اكثر؟ فابتسم النبي وقال: صاحبة التمرة هي من احبها اكثر وفرحن بداخلهن على حب رسول الله صلى الله عليه وسلم كم انت عظيم يارسول الله اللهم صلي وسلم وبارك على نبينا محمد ❤

انا اسمي قطز عندي 18 سنة وبحب اي حاجة قديمة او ليها معنى وهتكلم عن اغنية فيروز .. " بكتوب إسمك .." قالت فيروز في الغنية .. > " يبقا إسمك يا حبيبي وإسمي بينمحى .." ' فيروز قصدت بالكوبليه ده إن الحبيب خان بس إسمو باقي في حياتها زي ما هو وهي مع إنها صانت بس إسمها إنمحى من حياتو ولا كإنها كانت .." قالت بعدها .. ' وهديتني وردة فرجيتها لأصحاب حطيتها بكتابي زرعتها ع المخدِة ، هديتك مزهرية لاكنت تداريها لاتعني فيها فـ ضاعت لهدية .. ' . هنا بتقول ان الشخص ممكن يدينا حب قليل اوي وبسيط بس نقدرو اوي عشان بنحب الشخص ، وممكن ندي لشخص كل طاقتنا وحبنا ويداريها وميقدرهاش ويمكن يستعر مننا كمان فـ بنضيع من ايدو زي ما قالت " فـ ضاعت لهدية " هنا قصدها بنكون انطفينا وضاعت المشاعر والحب .. في الغنية فيروز مكانش قصدها الورد ولا كان فارق معاها المزهرية هي كانت بتوصل فكرة اكبر بكتير .. '

عارف الإحساس اللي بييجي فجأة كده؟ لما تبقى ساكت بس جواك كلام كتير.. حنين لحاجات عدت واشتياق لحاجات لسه ما جتش… بتحاول تبان تمام بس الحقيقة غير كدا ..الفكره إنك محتاج تهدى شوية مع نفسك وفي آخر الليل دا لما كل حاجة بتهدى بنواجه نفسنا بصدق ونفتكر اللي فات واللي ما اتقالش بس وسط كل ده بييجي إحساس هادي يقول يمكن بكرة يكون اهدى ويمكن اللي جاي يعوض كل التعب… وكل حاجة بتيجي في وقتها..

انا شاب ماشي كنت سمعت الشيخ بيحكي عن حد كان بداء انو يتعلم امور دينو وكدا وبعدين بداء انو يدعو الناس وهو لسه مكنش عندو العلم الكفايه و اتفتن ب الي بيعملوه وبقا زييهم ف استغربت وبعدين من فتره اتكلمت مع شخص ملحد هو صغير كان مسلم وحاليا بيقول انو ملحد المشكله صغير خالص وقعد يكلمني فحاجات ووجهة نظرو طبعا متاثرتش ب كلامو الحمدلله يعني الواحد عندو نضوج شوية بس هو خلاني افكر ودا يخلينا مش نستهون ب الحاجات دي وربنا يثبتنا وكلو ب فضل الله

سمعت مرة للشيخ الشعراوي رحمه الله عليه يقول انا كلنا فتنة لكلنا بمعني الفقير فتنة الغني والغني فتنة الفقير وكذلك المريض والسليم وكذلك صاحب الاولاد والعقيم طيب ازاي هنشرح علي صورة واحدة بمعني الغني والفقير الفقير فتنة الغني ازاي هل الغني هيحس بيه هل هيعطف عليه هل هيحمد الله ام يغتر بماله الغني فتنة الفقير هل الفقير مش هيحقد عليه هل هيصبر ام يجزع هل هيدعوا الله له بالبركة وهكذا ف اياك أن تُفتن بمن فوقك وإن استطعت فلا.تكن فتنة لمن هو دونك