تجربة جامعية

Strawberry_71160 🇪🇬

منذ شهرين

شعور شاعر بالملل

ايه الحاجة الي اكتشفتها في نفسك لما دخلت جامعة سواء عجباك ولا لا انا شخصيا اكتشفت حاجات كتير انا كزت ضعيف فيها ومعرفتش غير في جامعة وللاسف خدت وقت يعتبر طول لغاية ما قدرت اظبطها ولسا برضه مش احسن حاجة بس عندي يقين اني هكون احسن

Mushroom_50322 🇪🇬

منذ 11 شهرًا

شعور مرهق

كنت بحب بنت معانا في الجامعة، كانت في نفس الدفعة وكل يوم بشوفها في المحاضرات. كانت دايمًا بتضحك، ووجودها لوحده كان بيخلي اليوم أحلى. كنت بحاول أقرب منها بأي طريقة، أسألها عن المحاضرات، أساعدها في الشغل لو احتاجت. بعد فترة قررت أقولها، مكنتش قادر أكتم جوايا أكتر. استنيت بعد المحاضرة وقلت لها: "بصراح

Biscuit_49084 🇩🇿

منذ 11 شهرًا

شعور مكسور القلب

عبّر عن شعورك بشكل مجهول

أحس أني وقعت في حب شخص يدرس معي في كلية الطب. شخص لم احدثه قط شخص لم اتعرفه عليه و لم اتحدث معه مطولا قط شخص لم يتابعني على مواقع التواصل الإجتماعي ولا انا بالشخص الذي قد يفعل ذلك.احس اني وقع في حبه بعد ان رأيت نظرته لي حينها احسست انه قد اعجب بي حيث كان يناظرني بنظرات تؤكد اعجابه بي .لطالما اختار مكان جلوسه بناءاً على مكان جلوسي بحيث جلس بأقرب مكان مني .دفعني فضولي لزيارة حسابه على مواقع التواصل واذ بي اجده يتابع بعض الفتيات فقلت عادي من الممكن ان تكن زميلاته في الدراسة سابقاً و كنت احاول اقناع نفسي بأن لا اتعلق به ولكن في كل مرة ارى نظرته لي  و تهامسه مع اصدقائه حين امر عليهم عدت بدون قصد.نسيت تفصيلا جعلني أأكد حبي له بحيث قام بحذف جميع تلك البنات من حسابه بعد مدة من التقائنا . حفظت مكان اقامته و طريقة كتابته و كل مايحب و يكره بغير قصد.على الرغم من اني اجمل منه بمراحل و حالتي الإجتماعية تفوقه الى اني قد تعلقت به
كان هو الذي اعجب بي في بداية الأمر وهذا ما ادى بي الى هذه الحالة
وعلى الرغم من كل هذا لازلت اقول لنفسي ايمكن ان اكون قد توهمت اعجابه و حبه لي ايمكن ان يكون كل هذا من نسج خيالي؟
صرت ادعو الله في كل صلاة اصليها ان تكون احاسيسي حقيقة وان يزداد حبه لي يوم بعد يوم وان تكون نيته طيبة من ناحيتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_41505 🇾🇪

منذ سنة واحدة

شعور مرتبك

مرحبا يا رفاق انا طالبه جامعيه ادرس بقسم طبي وواجهت ناس كثيره اوي وانا قبل ما ادخل الجامعه كنت احب اقعد لوحدي وكمان كان عندي رهاب من الاماكن المزدحمه اما دلوقتي خلاص قدرت اني اواجه خوفي وماعدش بيهمني وجود الناس حوليا او عدمه وانا ما كنتش مهتمه بحد ولا ناويه اكون صداقات وكنت دايما ما اشوف طالب من تخص

Marshmallow_26006 🇪🇬

منذ سنة واحدة

شعور فخور

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

عبّر عن شعورك بشكل مجهول

كان ليا صاحبه وكنا نعرف بعض من اولى اعدادى ولكن صداقتنا بدأت بجد من ثانيه ثانوي واحنا كنا حاجه مش طبيعيه هدايا بينا وخروجات كلام سبحان الله كانت صداقة مفيش فيها حاجه وحشه ابدا لحد ما دخلنا الجامعه وكل واحده فينا كليه مختلفة بس طبعا مع بعض في سكن واحد وبقينا اقرب اكتر كان بينا لحظات متتوصفش من جمالها بجد الاكل والخروجات والضحك حتى لما واحده فينا كان بيكون معاها مناسبه او حاجه مهمه تبع كليتها لازم التانيه تحضر كان حرفيا ملناش غير بعض لحد ما بدأ التغيير(فى اختلاف فى شخصيتنا هو انى انا شخص هادي جدا مع اى حد غريب ولكن بمجرد ما اتعرف عليه بتعامل معاه بكل عفوية وضحك على عكس صاحبتي اللى كانت اجتماعيه وجريئه شويه )التغيير بدأ يظهر لما بدأ يكون عندي اصحاب فى الكليه وعايزة انزل معاهم او حتى لو صورة نزلت في استورى بلاقيها تتضايق وتزعل وحسيت انها مش عايزة حد يكون معايا غيرها وانا بصراحه مفهمتش دا ابدا وقتها وكنت بتعامل عادى لحد ما وصلنا لسنه التخرج وقررت وقتها انى اكون معاها في السكن وبعد ما سافرت مفيش كام اسبوع وهي سابت السكن وراحت سكن تانى فانا طبعا زعلت والوقت دا نفسيا كنت تعبانه جداا للدرجه انى ممكن اكون بضحك مع اصحابي ولوفضلت لوحدي احس انى مخنوقه وافضل اعيط بشكل مش طبيعي ودا كان بيأثر عليا جداا لحد ما اتعرفت على واحده صاحبتي فى السكن عرفت ازاى بجد تطلعني من الحالة النفسية اللى كنت فيها وكانت بتهتم بيا وكل الحاجات اللطيفة لحد ما ظهرت غيره صاحبتي الاولى تانى لحده انها كانت بتكره صاحبتي اللى كنت معاها وكانت بتبعتلى رسايل وتدعى عليها لما كانت تعبانه وقتها كرهت صاحبتي بجد بشكل مش طبيعي وتقريبا متكلمتش معاها تانى لحد ما اكتشفت ان كمان صاحبتي التانيه بتستغلنى وتاخد منى فلوس ومبقتش فاهمه هى عايزة لحد ما خلص اول ترم في السنه وسبت السكن خالص وكهرت يعنى اى صداقة وفضلت فترة الاجازة مش بكلم حد منهم ابدا وقررت انى هفضل فى البيت وكفايه كدا لحد ما تعبت وكنت هعمل عمليه خطيرة وحالتى النفسية الحمدلله معرفش ازاى بس رجعت اصلى واقرا قرآن من تانى وكانت نفسيتى مليون مهتمتش لوجودهم اصلا والحمدلله بعد اسبوعين اكتشفت ان التشخيص غلط والحمدلله وطول الفترة دى محدش منهم سأل وانا مهتمتش انى اسال عليهم كفايه علاقات مؤذية فى حياتى بجد وسبحان الله فهمت وقتها ان سبب وجود صاحبتي التانيه علشان اسيب الاولى وافهم انها مش صاحبتي بجد ومن وبعد وقت فكرت انى اكون فى سكن مش مع اى حد منهم واعيش اخر ترم ليا فى الجامعه مع اصحابي وهما ميستهلوش كل الحزن اللى انا فيه وبعد كدا لو اقولكم عن الصحبه اللى ربنا رزقنى بيها فى السكن الجديد حاجه متتوصفش فضلت معاهم تقريبا شهرين بس كانوا اجمل شهرين فى دراستي الجامعية كلها وهونوا عليا فترة الحزن اللى مريت بيها وزى ما كنت متوقعه محدش منهم سال لحد اللحظه دى غير بس لو فى حاجه مهمه او طارئة دا بالنسبة لصاحبتي الاولى بحكم اننا من نفس المدينه اما التانيه معرفش عنها حاجه ولما انا بعدت اكتشفت مين الصحاب الحقيقي بجد واكتشفت انهم بيكونوا معايا وقت ما هما عايزين بس الحمدلله بجد مر لحد دلوقتى سنتين من تخرجي وانا مش بتواصل معاهم ولا اتصل واحكي واهتم زى الاول لانهم ببساطة مش فارقين معايا .

Strawberry_18313 🇪🇬

منذ سنة واحدة

شعور خجلان

حياة الجامعه حلوه ولا لا لو وحشه قولوا علشان ادخل انام و انا ضميري مرتاح

Coconut_17527 🇸🇦

منذ سنة واحدة

شعور Okay 😐

هبدايه جديده نفس الطعم الرائع 😪🫂🫣♥ ارضي فاهمني ارضي يسطا علشان لو مرضيتش هتتعب بالله هتتعب تعالا اقولك حاجه معايا انا شخصياا كنت شغال ماركتير ومعايا محلات تصميم وشركات نظافه من الاخر فاهم ياعني اي تسويق الكتروني واول ماده لياافي 3 حاسبات ميعاد الامتحان بيتكتب كدا)(من 10الي 12)كل سنه جم في السن

Strawberry_11116 🇪🇬

منذ سنة واحدة

شعور Good 😁

لا بس مرقعه الترم الثاني احلى بكلمكوا بأمانه

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع