تحدي

بصراحة، من فترة وأنا حاسس إن موضوع الجواز بقى أصعب مما كنت متخيل. أنا شخصيًا نفسي أرتبط وأكوّن أسرة، لكن حاسس إن الوصول لشخص مناسب بقى تحدي حقيقي. مشكلتي مش إني مش عارف ناس، لكن إني مش لاقي البيئة أو الطريقة اللي تخليني أقابل حد عنده نفس الجدية ونفس الهدف. كل ما أبص حواليّ ألاقي ناس كتير من الولاد والبنات بيتكلموا عن نفس المشكلة. في ناس عايزة تتجوز فعلًا وتستقر، لكن فرص التعارف الجاد محدودة، والاختيارات المتاحة غالبًا بتكون عشوائية أو غير واضحة. ساعات بحس إن فيه عدد كبير من الأشخاص المناسبين، لكن كل واحد عايش في دائرته ومش عارف يوصل للتاني. وده بيخليني أتساءل: هل فعلًا المشكلة في إن الشخص المناسب نادر وصعب تلاقيه، ولا إننا لسه ما لقيناش المنصة أو الطريقة الصح اللي تجمع الناس الجادة ببعض وتخلي الوصول لبعض أسهل؟

عايزه أخد رأيكم ف حاجة دلوقتي بحاول اتمشى مع نفسي المكان إللي أنا فيه ممل ف عايزه اجري بس الفكره احيانا بتعدي ناس بحس بإحراج ف لو حد عنده تجربه مع الجري يفيد لو اتمشيت بس بمل لأني حفظت المكان ومافيش فيه حاجة أصلا

بتتعاملوا ازاى مع شعور الخوف ؟ الخوف هو أكبر عدو خفى للإنسان، ممكن يمنعك تعيش حياتك رغم إنك عارف تعيشها ازاى ممكن يرسملك أوهام/تخيلات ويحبسك فيها سنين طويلة وإنت مش قادر تقاومه لإنه اقوى منك تفتكروا اية ممكن نعمله يخلينا اقوى من الخوف!

فعلا الدنيا دي غريبه ف عقبات كتير بتقف قدام الواحد بس الشاطر اللي يكمل علشان الحاجه اللي عايزها ايام او اسابيع او شهور بس اهم حاجه نوصل للي عايزينو متياسوش اليأس بيخليك كانك هوا في حياه تتعاش مره واحده بس 👌❤️

انا عندي احساس غريب ولحد دلوقتي مقابلتش حد عنده نفس الشعور ده صراحه انا ليه دايما شايف نفسي في مخيلتي حاجه عظيمه او بحس بجنون العظمه مع ان مفيش حاجه علي ارض الواقع بتقول كدا في اه شويه نجاحات بسيطه بس مش لدرجه الشعور بالاحساس ده بقيت حاسس ان الموضوع ده مأثر عليا سلبيا ومبقتش اقدر اعمل حاجات كتير زي الاول زي المذاكره لمده طويله او اني اخش تحدي جديد خوفا من الفشل وان الصوره لتاعت نفسي تتهز في دماغي هل في حل للموضوع جه او حد حس بحاجه زي كده قبل كده انا عمتا عندي القدرات لاني ابقا كده الحمد لله بس المجهود مبيتبذلش