تحليل

الشخص دة مش سيء فعلا بس ايه المبرر اني اقعد احلل كل حركاته وتصرفاته وأعتبرها مبررات عشان اتضايق منه وأذمه وأهاجمه في دماغي ابسط حركة انا ممكن حرفيا اكرهه بسبب حركة ايده بسبب نظرة بسبب ابتسامة، هو معمليش حاجة وحشة بالعكس المفروض اكون بحب الشخص دة اوي وانا بحبه فعلا بس انا زي ما قلت كدة وياريت محدش يقول لي عشان انت فاضي وبتركز بطلوا عبط

مش عارفه بحكى ليه هنا بس انا طول عمري بكره الجواز الخلفه وفكره انى اكون ام دى مرعبه ومكروهه بنسبالى بس انا اتجوزت شخص كويس جدا جدا حبيته وتعلقت بيه تعلق كبير خصوصا لانو نمط تعلقى اصلا تعلق قلق عملت اختبار قبل ما يسافر بيومين وفعلاً طلعت حامل بينى وبينكم انا مفرحتش كان شعورى متجمد كاواحده هتبقى ام بس فرحت لما شوفته مبسوط ولما حضنى وقالى مبروك شوفت الفرحه فى عيونه واهتمامه اللي لما بعد ما سافر مقلش ديما خلى بالك من نفسك كلى كويس متشليش حاجه تقيله متعيطيش حقيقي انا مش حاسه بحاجه جوه نفسى كل اللي هممنى هوا وانهارده روحت للدكتوره مفيش كيس على الجهاز وحتى لما كشفتش كشف مهبلى برضو مفيش فا طلبت منى تحليل رقمى وقالت غريب انو مبنش فى الكشف التانى عملت التحليل وطلع 638 ودى نسبه قليله المفروض 4000او5000 فا قالت بعد يومين تعملى تحليل تانى لو النسبه ذادت ان شاء الله يكمل الحمل لو لاء فاا دا معناه انو مش هيكمل وهينزل خايفه عليه فرحته متكلمش وحاسه انى مينفعش ابقى ام لانى مستهلش كدا بس هو مذبوش حاجه عارفين خايفه يكمل وخايفه ميكملش

مش عارف اقول اي بس انا تعبت إني بفهم اي زي ما بتقروو كدا انا بقيت بفهم الناس الي قدامي بطريقه تتعبني في كلامهم قصدو اي وحركاتهم وومين بيحبني ومين لا أو مين كويس أو مين لا دماغي بتضعط عليا لدرجه بيجلي صداع

أحيانًا الذكاء مش بيكون حاجة كويسة، لأنه بيخليك فاهم أكتر من اللازم.بتشوف اللي بين السطور، وتفهم حاجات كان يمكن كان أريح لو ما فهمتهاش. ساعات كثرة الوعي بتتعب، وتخلي الواحد يتمنى لو كان أبسط.عايش من غير تحليل زائد، ومن غير ما يدرك كل شيء. مش لأن الجهل أفضل، لكن لأن بعض الفهم مؤلم.

اكتشفت مؤخرا او تفشت نفسي ان انا يركز مع الشخص اللي قدامي نظرته معناه ايه إحساسه ايه شيفني ازاء باتري قصدو اذا كان زعلان فرحان عايز يديفتي أخذ باله ان إعلانه ولا لا تحليل كامل ديما في اي موقف أو اي كلام ومركزشرع انا حسه ايه أو حتي أعبر عن اللي جويا باي شكل اذا كان حب زعل انا مش قادرة أعبر اكثر من كده بس ده ليه واليه الصح

اوقات بحس اننا جيل بيصعب كل حاجه ع نفسه كل تصرف لازم يبقاله تفسير ومعني كل كلمه ليها احتمالات وتحليل كتر المعرفه بيعمي وبيصعب العيشه حاسه لو الانسان مركزش ولا حلل المواقف اللي حواليه هيعيش مبسوط وبال رايق بس ازاي بقا