تحمل

Mango_74363 🇪🇬

منذ يوم واحد

شعور متعب

المشكله اننا كل فتره بنحس ان لا خلاص وصلنا لاعلي ليفل من التحمل مش هقدر اتحمل اكتر من كدا اكيد فرج ربنا هيجي خلاص لاني مبقتش قادره بس لا بلاقي الفتره اللي بعدها اقوي واقوي يعني كل فتره بنحس انني فمشكله او وجع منقدرش نستحمله ونعدي منه بس ربنا بيخلينا نعدي منه عادي وفي الاصعب المشكله اني عارفه ان ربنا

Apple_4481 🇪🇬

منذ يوم واحد

شعور متعب

يمكن اللي هقولة دا غريب شوية بس عايزا حل بجد هل ف طريقة معينة اتجنب بيها امي! انا بتعرض للاذي منها، هل ف طريقة اتخطى دا او اتعايش معاه؟! ساعات بحس اني قربت اتجنن من كتر منا مش فاهمه هي بتعمل معايا كدا لي، بسمعها واسكت واستحمل كلامها واسكت عشان ماخدش ذنب عليها بس انا بجد حاسه اني خلاص بدأت ابقي شخص ت

Diamond_89061 🇪🇬

منذ 4 أيام

شعور مكسور القلب

أكتر حاجة بكرهها لما يبقى جوايا كلام كتير ومش عارفة اتكلم فبسكت..ولو اتكلمت بيحسسوني اني وحدة قلبها اسود وتشيل ومش بتنسى حاجة..انا بس كتمت مشاعري وقتها وف كل المواقف الي فاتت بس انا انسان وليا طاقة تحمل وطبيعي اغلط واتكلم او اقول اني تعبت حتى لو كنتو اهلي..مش من حقي يعني اقول اني تعبت..بتحسسوني اني

Coconut_52562 🇪🇬

منذ أسبوعين

شعور ضائع

عبّر عن شعورك بشكل مجهول

عارف لما تبقا عايش طول عمرك مغفل او بمعنى اصح متغافل 
بتعمل عبيط على نفسك يعني نفسك تنبهك انك كدا بتُستغل وانت تقول لا لا بيتهيألي 
يبني كدا بتتضر لالا مفيش حاجه 
وفلحظة الادراك هتلاقي انك كنت اهبل او مازلت اهبل 
وعلى الصعيد الاخر ظروف حياتك اللي من قبل ما تتولد وهي زي الزفت ومحتاجه معجزه 
وسط كل الزحمه دي تلاقي شخص جواك بيقول انا السبب وشخص تاني يقوله لا (دا اللي بيتغافل) 
والشخص التالت بقا السوبر هيرو اللي بيخبط على صدره ويقولك سيبولي انا الطلعه دي انا هعدل كل دا 
بيني وبينك انا بحب الشخص التالت 
مش عارف ليه بحب اشيل مسئوليه حتى لو مش بتاعتي بس بحس احساس حلو لما اعمل الحاجه دي 
وعامة بما ان الموضوع يخص اهلي وحتى لو مش انا السبب ف هو يخصني وهنا المره دي بالذات اللي هبقا مبسوط جدا جدا لو حليت المشاكل دي حتى لو على حساب نفسي وحياتي في سبيل ان باقي عيلتي يعيشوا مبسوطين 
ف يارب عونك وبجد اول ما هخلص الترم التاني هبدا بجديه في الموضوع دا انا بقالي كذا سنه بفكر فيه بس مبدأتش فعليا لكن حقيقي دلوقتي خدت عهد على نفسي ان الموضوع دا عندي واخواتي مش هيشوفوا اللي انا شوفته وكفايه عليهم كدا 
لو قريت معلش طولت عليك ادعيلي بس 
ولو تعرف كورس تنصحني بيه اخده النهارده قبل بكرا او كتاب ترشحلي الكتاب دا يريت اهو حاجه تفيد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ أسبوعين

شعور ضائع

عبّر عن شعورك بشكل مجهول

كلامى هيبقى ملغبط بس انا فعلا عايزة اوصل لحل حقيقي.. هو الانسان ازاى ممكن يكون بارد وفنفس الوقت يتعامل بشكل طبيعي يعنى متأثرش بس فنفس الوقت مفقدش مشاعري تجاه الى حوليا .. لانى بوصل لمراجل صعبة وكبيرة من الزعل بتوصل لألم جسدى وممكن بعد م اتحمل كتير يجيلى انهيار عصبي وبانيك أتاك والمشكلة بطلع انا الى غلط ف الاخر لان اهم حاجة اتربيت عليها ان مينفعش حد يسمعنا وصورتنا قدام الناس ودا مش غلط بس هو مش اهم من مشاعر الى جوا البيت.. المهم ان الى بيستحمل الناس بتطلب منه يتحمل أكتر لما بتكلم مع حد احكيله بيحسسني ان حل كل حاجة فإيدي وانى اكبر مخى بس الى بيحصل ان الحاجات الى بضايق بتكتر و بيبقى حق مكتسب عليك انك تتحمل وطبعا قصدي بدا فى حدود الاسرة الى هو مش هينفع تبعد عنهم.. 
كل واحد بيبقى شايف نفسه معاه ألف حق وعنده مليون سبب كبير بقى او صغير لكن انا انا الى لازم اتحمل وأقدر الوضع لدرجة انى مبقتش بشارك حد مشاعري ولا بشيل حد همى فبقيت بتشاف معنديش مشاكل  انا كل الفكرة انى بفوض أمري لله أصل هشتكي مين؟هشتكى بلاء ربنا للناس!! انا مش احسن حد لكن بحاول بجد محتاجش اكلم حد ااا ربنا.. 
عارفين لو حد برا البيت ف انا ببعد بدي فرص ولما بلاقي الوضع مش بيتغير شكرا وببعد لكن جوا البيت وكمان انا بتأثر اوى انا اتربيت انى اتأثر انربيت ع فكرة العقاب فاهمة يعنى ايه ألم اكتر من اى حاجة اكيد مكانتش الحياة كلها كدا لكن دا كان أكتر حاجة منورة فيها فجأة بيطلب منك تفوت وتعدي وتكبر وتتحمل ومعلش عشان ربنا والأجر!! 
طب هو محدش ليه بيفكر ياخد أجر فيا ليه كل ماافوت وأعدى بيبقى مطلوب منى اكتر افوت واعدى ولو لو انفجرت من كتر ماانا شايلة بطلع انا وحشة.. 
انااكتر حد ممكن يكون بيلوم نفسه ولو زعلت حد بفضل ألوم نفسي وأندم حتى لو الى عملته كان رد فعل لأنى اتعود اتحمل الى هو انا مش مشكلة انا هعرف اعدى دا ومن كتر م اتعودت وعارفة المشاعر دى مش عايزاها تحصل لحد دوامة كبيرة اوى جوايا ومحدش بيبقى حاسس حتى لو فكرت اتكلم كل حاجة بتتنسى ..
انا حاسة انى متكلبشة ومضغوطة وحاسة كأنى مش ف مكانى وانى هنا بيطلع منى اكتر صورة مش بحبها انى نفسي اسيب الدنيا دى كلها واروح دنيا تانية اعبر فيها عن نفسي باسلوبي وشخصيتي انا من غير ضغط من غير لوم من غير ألم من غير إستحقاقية من الغير ضدي انى انا بس الى مطالبة اتكيف واتقبل وأقدر الوضع..
انا نفسي أكون باردة........

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_90471 🇪🇬

منذ أسبوعين

شعور قلق

عندي سؤال بجد لكل شب أو بنت هنا وبفكر فيه فعلا جامد هل لو جالك طفل في الوقت الي انت فيه ده هتعرف تربيه تربية صح ولا مش هتعرف وهترمي ابنك ؟؟ السؤال للكل عشان بجد حابب اعرف اجاباتكو وكده أنا عن نفسي الي حد كبير هعرف بس هتعب في الاول يعني اعرفه الصح نن الغلط وكده بس مراحل كبره هتكون صعبه اوي وتغي

Pear_90519 🇪🇬

منذ أسبوعين

شعور مرتبك

عاوز اخد رأيكم فى حاجة بفكر فيها بقالى فترة وهى انى اسيب البيت واعيش لوحدى البيت عندنا صعب اوى وكل يوم خناق وزعيق ومشاكل وده مسببلى قلق مبقتش قادر اعيش بشكل طبيعى وكمان عاوز استقل عشان اكون مسؤول عن نفسى لأنى طول ما انا قاعد مع اهلى مش هكون مضطر انزل شغل زى ما اكون لوحدى لأن وقتها لازم اشتغل عشان ا

Popcorn_90523 🇪🇬

منذ أسبوعين

شعور لا مبالٍ

موضوع:

المشاكل الي اهلك كأنه سبب فيها و اثرت ازي عليك

لما بدأت افهم ان همه كمان بيعيشو الحياة لأول مرة مشاكل كتير اختفت لوحدها.. مش لازم يكونو عارفين الصح دايما طول الوقت عادي بيغلطو.. مش هفضل اقطمهم ان ليه خدو قرار غلط زمان.. خلاص اتاخد فنتحمل نتايجه سوا مدام مش هعرف اغير حاجة للأحسن.

Moon_30432 🇪🇬

منذ 3 أسابيع

شعور آسف

معرفش ليه بشوف كل المشاكل هنا تافهه و ملهاش لازمه و بحسكوا بتكبروا المواضيع اوي يعني ، طبعا كل واحد ليه مستوى من التحمل و كلنا مش زي بعض بس بحسكوا تافهين و مشاكلكو هطله و المشاكل اللي بجد مش قليلة ، لا دول هما كام واحده اللي قابلتهم بس

Moon_87909 🇪🇬

منذ 3 أسابيع

شعور متوتر

الحياه بسيطة هل بالفعل الحياه بسيطة من الممكن أن تكون سعيد أو تكون حزين لا فارق لدي الحياه من حزنك أو سعادتك في كل الأحوال سوف تواجه الحياه سواء كنت مستلسم أو محارب سوف تواجه الحياه سوف تصارع ضد الحياه اذا اردت أخذ شي من الحياه فاذهب لاخذه هذه هي الحياه اذهب وتحمل الضربات والعراك وكل شي تذكرت الي

Lemon_34495 🇶🇦

منذ شهر واحد

شعور عاطفي

كل يوم بتحصل حاجات في حياتي كنت اتمني احكيها لحد مش علي كيفي اتحمل الم الةحدة او متحملوش عشان دة ابتلائي و لو عاوزة ولا مش عاوزة انا عايشة فيه الشخص اللي أنا عليه مش لايق مع حكاية ناس كتير أعرفهم ومش عايزين يبقوا صحابي. مع ان الاغلب زي ما قلت قبل كدة انا اللي مقدرتش استحمل عيوبهم كنت بحس بالم رهيب

Cherry_76643 🇪🇬

منذ شهر واحد

شعور لا مبالٍ

عبّر عن شعورك بشكل مجهول

رد عليا قالي انه نسي يبلغ الناس هنا بتعديل المرتب وقالي هبقي احوله وكان بيتكلم بهزار انه اكيد قولتي خلف وعده وطلب بعدها شغل عادي جدا مفهمتش النية بصراحه ولا فاهمه حد هنا دماغي بطلت سيناريوهات شويه بس برده رغم اني قولتله تفاصيل التحويل لسه محولش حاجه .. بحاول اهدي واركز ف شغلي بس مزاجي مش حلو انهارده ممكن عشان معرفتش انام 
بفكر ف حاجات كتير .. وكل حاجه عايمه 
عايزه اروح الجيم وارجع اظبط جسمي بس مش لايقه حافز غير ان اللبس يرجع شكله حلو عليا وصحتي تكون احسن وجسمي يكون اخف شويه .. بس كل ده مش مخليني اتحرك وانفذ
سعات بحس اني مش فاهمه نفسي ف حتت اني اعمل الحاجات اللي المفروض اعملها ومش بعملها 
بس تقريبا وصلت لنقطة بفكر فيها كل يوم الصبح وانا رايحه الشغل بقول لنفسي اني بقوم كل يوم للشغل مهما كان حالتي تعبانه بقي مش تعبانه وبنزل من غير ما افكر عايزه اشتغل انهارده مش عايزه بنزل وخلاص
حاسه اني عايزه اطبق ده علي الباقي
اعمل الحاجه وخلاص
من غير تفكير كتير عشن دماغي اتفشخت من التفكير
خايفه يكون لسه عندي مشاعر تجاه الشخص اللي ظهر تاني ده 
لان حسيت احساس حلو لما رجعت شفته عندي من غير كذب علي نفسي انا اتبسطت 
بس بعدها رجعت للواقع انه خلاص
مكنش في نصيب وكان شخص مش امين عليا
مهما ظهر تاني وحتي لو اتكلم بتحمس تاني ليه ؟؟
وازاي بنجذب اوي كده لما يوذيني 🤣
وبطلع العبر ف اي حد تاني بيتقدم لسه معرفوش .. بس فعلا بحس ان مفيش توافق
نفسي اطلع عمره اوي 
اروح ارمي كل حمولي واحزاني لله ويعيد ترتيب وتصليح كل اللي بوظته ف نفسي لاني عارفه ان اي حاجه انا فيها دلوقتي هي من فعلي انا مهما هربت وانكرت هرجع اشيل مسؤلية كل حاجه تاني
الحمد لله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_77416 🇪🇬

منذ شهر واحد

شعور مستنزف

الحقيقية محدش فينا قوي ليه احنا بنحاول نبين ونرسم ان احنا اقوياء علشان مبنحبش نصعب على حد ولا نكون مصدر شفقه للي حوالينا إحنا الي بنحاول نبين ان احنا اقوياء وبنستحمل وبنشيل وبنتحمل وهما يزودو علينا ويستغولو ده بس محدش شافنا ولا بيشوفنا واحنا لوحدنا بنكون ازاي تايهين وضعاف وبنكون بس محتاجين ان حد يح

Cherry_76643 🇪🇬

منذ شهر واحد

شعور منزعج

كنت متحمسه من قريب لاني اطور من نفسي ف حاجات كتير ف شغلي ف خدت كورس بس بقالي اكتر من اسبوعين بحاول انزل برنامج معين مش راضي وده اللي باخد عليه الكورس سالت كتير وعملت محاولات كتير علي جهاز شغلي بس الحل الاخير اني اعمل ويندوز جديد وده مش جهازي الشخصي ف مينفعش🥲 ف لازم يبقي عندي اللاب بتاعي بايظ من زما

Mango_70768 🇪🇬

منذ شهر واحد

شعور لا مبالٍ

لما كان اي مشكلة او خناقة تحصل بين اهلي يقولولي خشي اوضتك (عشان مسمعش الخناقة وزعيقهم رغم كنت بردو بسمعها صوتهم عالي) وفي الاخر يسألوني انتي ليه دايما قاعدة في اوضتك كانت دايما تحذرني من الناس و تشكك في كل اللي حواليا وفي الاخر تستغرب انا ليه معنديش صحاب دايما بتزعقلي وتحكم عليا لو حكتلها اي موقف

Durian_56202 🇪🇬

ف كام شات متعلق عندك؟ حملة صفرها

ف كام شات متعلق عندك ؟؟ وبالمره ايدكو معايا بالله كل اللي معدي يبعت نقطه عشان الحوار مستفز للاسف و فيه حد من شوية غالبا بعتلي لانه الرقم زاد من شوية ف يريت يبعت تاني #حملة_صفرها 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ ...عرض المزيد

0 الدعم

14 نصيحة

Mushroom_85386 🇪🇬

حاسة حد اعتدى عليا وأنا صغيرة ومش فاكرة.. أعمل إيه؟

تحذير⚠ كلام ممكن يكون triggering ️ حاسه ان حد اعتدا عليا وانا صغيرة؟؟ انا مش فاكره اي حاجه زي كدا ومش معنا اني مش فاكره انه محصلش، حاجات كتير معنديش ليها اي ذكريات وبتكون حصلت فعلا او بفتكرها واستغرب هو ازاي ده حصل كانت طفوله صعبه من إهمال عاطفي وابويين مش عارفين انهم نرجسيين او انهم مش عارفين هما بيعملوا ايه رغم كبر سنهم وتعاملهم مع اطفال قبلي ليه بفكر في كده؟ عشان كانوا بيسيبوني ابات عند كذا حد من قرايبنا من سن سنتين لحد 12 سنة، بدأت اشوف بةرن من وانا 9 سنين ومش عارفة ايه الي وصلني لكدا وكنت بشوف على الكمبيوتر الي كان ضهره مشكوف يعني يقدرو يشوفو ولحد دلوقتي لسه بشوف بس كل شهر وتصرف ادماني مش تصرف شهواني خالص، كنت بكون سكشواليزيد من الناس، كنت بحط ايدي وهما شايفين ومحدش عمل حاجه، عرفت كتير ان محدش بيصدقني، وتاني حاجات كتير كنت بعملها غلط وحاجات كبيره ومحدش كان بيوجهني ولا بيعاقبني كانو عاملين مش شايفين وفي نفس الوقت كنت بتضرب علي حاجات تافهه وتعمد التحقير والإهانة والضرب قدام الناس انا مش عارفة المفروض اعمل ايه بس عايزة إجابات ومعرفش الإجابات دي هعمل بيها ايه؟ مش هيحصل اي حاجة انا بس اللي هتعب بس التفكير متعب ومفيش اي ثيرابيست اقدر اكلمها في حاجة زي كده ومعرفش ليه دايما بتقابل بعدم التصديق واني بتوهم دا أسهل اتهام وخايفة اتجوز يتهمني بحاجة انا معملتهاش انا مش عارفة احكي ده لحد وياريت اللي يرد يديني حل او يقول كلمه كويسة وانا مش محتاجة اكدب وانا مجهول ما لو عملت حاجة ما اقول عادي زي ما كتير بيقولو هنا ...عرض المزيد

0 الدعم

14 نصيحة

Avocado_68794 🇪🇬

اتطلقت بعد شهرين جواز.. زوجي كان بيقولي "انت تحت الاختبار"

انا اتجوزتش فتره قليله اوى واتطلقت بعد شهرين جواز جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف ويقولى ان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله وكان دايما يقولى انتى تحت الاختبار حشوف حتنفعى ولا لا وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها وبرده كان بيقولى انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك طلع ودخل اوضه الاطفال والمشكله ما ااتحلتش برده انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا راح مقعدنى زى العيل الصغير قدام اهله امه واخوه وخالته وامه قالت ان هى مش عاوزانى اروح هناك تانى ولو هو عاوزنى ولا انا ولا هو نروح هناك راح هو قال وعلى ايه وانا مش عاوزها وحخدها انا وانتى واخويا نروح نركيها عند ابوها واقوله مش عاززها وعاد الكلام فوق ال ٣ مرات وبعد كدا بصلى قالى بتبصلى ليه انا مش عاوزك وحخدك وارميكى عند ابوكى واقوله مش عاوزك انا ماااقدرتش اقعد قدامه ثانيه وقوبتله وعلى ايه وانا حمشي وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها انا عاوزه راي حضرتك هل انا كان مفروض اتاسف وماقومش ولا كان مفروض اعمل اللى عملته فعلا ولا ايه انا صح ولا غلط ولا هو كان قصده اصلا يحل فقال كدا انا نزلتها قبل كدا بس انا بنزلها تانى لان بدات مرات اخو طليقى تقولى انتى زوتيها فى الاخر وان هو كان بيهزر لما قالك انا حخدها وارميها عند ابوها واقوله انا مش عاوزها ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع