تخرج

لو بنت متعملش فرح صغير الهو فستان و تتصور وكدا بس اعتقد اني حاسه شبهه شعور دا وانا بتخرج اصل هو الانسان بيتخرج كام مره محدش محسسني فخور بيا . كل ما بشوف فايبس التخرج و الصور وكدا بحس مشاعر كتير ملغبطه و ان ناقصني ايه علشان اتبسط و الاقي فخر و احتفال وحب زيهم ومحدش يقولي افرحي لوحدك انا اكيد فرحانه بس مش هعرف احتفل لوحدي هتضايق اكتر بجد و عماله افكر .

عندى سؤال للناس اللى اتخرجت من الجامعة انتو عملتو ايه بعد التخرج بدأتو شغل ازاى انا خلاص فاضل مادة واتخرج مش عارف الفترة الجاية هعمل ايه هشتغل فين وازاى انا هبقى خريج اداب مساحة بس فى خلال ال 4 سنين متعلمتش اى حاجة عملى لان كليتى نظرى وبس مفيش عملى نزلت تدريبات بس كلها هجص على الفاضى متعلمناش حاجة عشان الشغلانة دى عايزة ممارسة مش عارف ابدا ازاى اروح فين اعمل ايه

من ساعة ما اتخرجت وحاسس أن تايه، كنت مرتبط وأنا في الجامعة و العلاقة باظت في اخر سنة واتخرجت ومن ساعتها حاسس أن أنا تايه، مش عارف أعمل حاجة في حياتي و خططي اغلبها باظت عشان كنت بانيها مع الشخصية اللي كانت في حياتي واختفت ،من ساعتها مبقتش بنفس الحماس تاني في حياتي وبجد حاسس إني تايه ومش عارف أعمل ايه، وحاسس إني متأخر كتير عن اللي حواليا وفقدت الامل إني ابنى الحياة اللي كنت عاوزها ، مش عارف اطلع من الدوامة دي ازاي خصوصًا إني بقيت بهرب بالنوم من كل حاجة من ساعة ما سيبت شغلي عشان برضو نفس السبب حتى في شغلي كنت تايه ومش عارف انا بعمل كدا ليه

جمااااعه مرمورا خريجه الا ماده ف طبلولى بقااا شجعونى قولولى اى حاجه احكولى الحياة عامله ازاى بعد التخرج مبسوطه انى بتخرخ بس حاسه انى خلاص بقيت ف حياة الكبار بقا وانا لسه صغيرة على الكلام دااا شويه positive energy بقا كداااا

اولا .. الحمدلله على كل حال مش عارف فى حد هيفهمنى بس حاسس ان الحياه بعد التخرج محتلفه بشكل يضايق تسويح دماغ بحاول اهرب بالشغل وتطوير الذات وحاجات كتير بس دماغى مبتهداش .. حاسس ب فضى حاسس انى فاضى هل دا عادى بحاول ادور على اي حاجه تملانى ومش عشان تدينى قيمه بس عشان احس انى عايش وكدا الفراغ بيقتلنى

الواحد حزين أنه بقاله خمس سنين بالكليه واوشك على التخرج ومطلعش منها بذكرى حلوه او ناس كويسه.....كل اللي افتكره ناس مريضه ومعاناه واذى كان نفسي اقول زي الكبار ياريت الايام ترجع.....بس الواحد بعد الايام المتبقيه عشان يرتاح نفسيا.. بحس بعد الجامعه ماتخلص الحياه اللي بعدها مفيش فرصه فيها لكدا...يعني راحت عليا

بقالي سنه متخرجه وخدت كورسات وتدريبات ومش لاقيه شغل وكله ريكومندشن مش بوصل حتي لمرحله الانترفيو والموضوع بجد ضاغطني نفسيا .. افكس بعد كل دا مجهود ف تخصصي واشوف حاجه تاني ولا استني واخلي عندي امل

جماعه بتتخطو المدرسه ازاي حد فيكم خلص مدرسه ودروس خالص بعد 3ث ولسه متخطاش انا مش قد الي هيجي بعدها بجد خايفه اوي مش عايزه اكبر افضل بس ف 3ث حلم حياتي مش عايزه اخلص خدت رقم الجلوس خلاص وامتحناتي قربت كمان 9ايام رغم ان انا تجارة فني بس بجد اتعلقت ب صحابي اوي

اتمني مساعدة بجد دلوقتي انا خلاص بتخرج من تربية المفروض السيناريو المتوقع اكون مدرس 😅 بس انا بسبب الي شوفته من اهانه للمدرس وانه يروح يراقب في اي لجنه غصبن عنه غالبا محافظة تاني ويدفع من جيبه وكمان يتنازل عن مبادئه أحياناً عشان ميتعورش(وحصل فعلاً من قري كتير) قولت مش هشتغل في الكرير ده واكمل مجال تاني شغال فيه ليه سنتين وبدات اتعرف فيه ويجلي شغل وادي كورسات كمان جالي عرض شغل في مدارس مصر اليابانية هيكون تدريب بس بمقابل زي زي المدرسين وليا جدول وبتاع وانا طبعاً لسه متخرجتش وحوار الجيش بس الي كلمني قالي هظبطك مش عارف قولته اديني مهله افكر والانترفيوز الاسبوع الجاب لازم اقول راي بكره او بعده بالكتير مش عارف اخد قرار

عملتوا ايه لما كنتوا محتارين بين المجالات ونفسكم تتعلموا كل حاجه وكل اما تجربوا تبداوا ف حاجه تحسوا انها مش كفايه تايهه و مشتت بين المجالات جربت كذا حاجه وبوقف عشان مش بلاقي نفسي او يمكن مش دا السبب بس محتاجه ابدا اذاكر ف مجال عشان خلاص فاضل سنه واتخرج

أقل من شهر واتخرج بإذن الله تعالى يعني اية؟!!! انا تايهه وخايفهه مش عارفة اذاكر و عندي كمية برووود ولا موبالاه مش طبيعية انا مقصرة وعارفة ده بس مش قادرة اتحرك كل يوم بقول بكرا ومش ببدأ المشكلة فيما بعد التخرج هو انا اية هيحركني بعد التخرج ؟!! طب هو انا هتساب لوحدي كده في الدنيا انا اصلا بنزنق على اخر وقت في اي تسليم فاية يخليني اكمل بعد التخرج واذاكر(مجالي بيتطلب اذاكر دايما ) و اية يخليني اشتغل اكيد عشان الفلوس بس فكرة ان بقى كل معتمدة عليا انا ؟! متلخبطة اوي و تايهه ومش عارفة اتحرك مش قادرة اتحرك هو انا كبرت امتى ؟!

مش عارفه جالي دلوقتي لحظه ادراك اني مش هروح المدرسه تاااني خلاص لقيت نفسي مش فاهمه انا فين ايه وبعمل ايه دا انا كبرت كده امتي وخوفت من فما بعد وزعلت اني خلاص مش هروح المدرسه تاني ما اني بكره المدرسه وبكره دفعتي وبكره المدرسين والبنات اللي معايا في الفصل علشان بحسهم شايفين نفسهم زياده عن اللزوم يعني بس مش عارفه خايفه اووي بجد

مش عارفه ممكن مجرد فضفضه مش أكتر من أول ما دخلت الجامعه وأنا مش متقبله الكومينتي إللي حواليا وناس مش شبهي. بس ف رابع سنه بدأت أحاول اتقبلهم وكنت شايفه كله منافق اكله بس قولت أفضل من الوحده إللي فيها ف خامسه إللي هو دلوقتي قربت من واحده من الشله البنت ديه شخصيتها ضعيفه كل ما صحبتها تقرب تبعد والعكس ما كنتش مهتمه بس فجأة قفلت منها ممكن عشان الفتره ديه مش احسن حاجه معاي وما شوفتش منها أي سؤال مالك أو حاولت تتكلم معاي حسيت نفسي استبن بمعني الكلمه إحنا هنتخرج ومش هنشوف بعض تاني بس زعلانه أوي ما عرفتش أطلع بصحاب من الجامعه وإني كل حاجة كنت بعملها كانت فيك بجد مش متخيله كل صوره هشوفها هفتكر قرفهم وإنهم بتوع مصالح. الواحد مفشوخ اوي وزعلان بالمره ف رق. م اتحذف مني هموت وارجعه اللي يعرف يقولي اعمل إيه بكره نفسي أوي لما ازعل على حد بجد بحسني ضعيفه وأنا بكره الضغف

عندي مشكله ممكن تبقي طويله شويه انا شاب عندي ٢٤ سنه ولسه متخرج في شهر ٢ الي فات والحمد لله الواحد بذل مجهود كبير في التخرج والمذاكره مجهود عباره عن اني كنت بنام ساعتين في اليوم لمده ٤ ايام يعني ٨ ساعات في ٤ ايام ما علينا حاليا احنا في شهر ٥ وطبعا كان في رمضان وعيد وسفريات تبع العيله ووقت اخد فيه راحه شويه دلوقتي بقي انا حاسس اني مشتت جدا جدا ما بين احساس عنيف اني عاطل برغم اني داخل جيش كمان كام شهر و مع اني باخد كورسات انجليش وجوده وسواقه وهكذا ف غصب عني مش عارف اقرر حاجه اوي او اي اتجاه عشان محكوم بالجيش وفي نفس الوقت قاعد بقالي كتير مع اني عارف ان العاطل ده الي بيكون فاضي تماما وقاعد شهور مش عايز يشتغل او مش بيدور وانا مش كده غير كده انا اتفقت علي تدريب في مجالي هيبداء بعد بكره كورس السواقه هيخلص بكره كورس الانجليش هيبداء الشهر ده الشغل مع والدي هيبداء من الاسبوع ده ف مش عارف هل انا مقصر فعلا او متاخر عن حاجه ولا عادي

نفسي اوي ابطل حركة ال " احنا هناخد nap صغيرة ساعة مثلا و نصحى نعمل كذا " عشان واضح اوي انه جسمي مش بي identify كلمة nap ولا صغيرة، انا جسمي ميعرفش غير نومة اهل الكهف ومش فاهمة برضو ايه سر علاقة الحب الغربية الا بيني وبين الحب الفترة دي ( أكتر فترة مضغوطة وبخلص فيه مليون حاجه وبطفح حرفيا التخرج ) يارب أنت عالم بقي هونها قبل ما أنهار 😭😭😭😭😭😭😭😭🦆

دايما بزنق نفسي ع اخر تفه ع الامتحان معرفش ليه ما كان عندي يوم طوييل قصدي ايام عندي عملي فيزيكس ادعولي اقفله خلصت 5تجارب فاضل واحده دماغي بتعمل بوم بووم بوووم وعايزه انام بس كده يا رب اتخرج

انا اخر سنه في الكلية و كلها شهر ولا اتنين بالكتير و اتخرج و خايف من اللي بعد كده مش خوف عادي مرعوب منه دايما شايف ان بعد التخرج و فتره الجيش و بعد الجيش دي كابوس هتقلب حياتي 180درجه خصوصا اني بشتغل و ناجح جدا في شغلي و واصل ل مكان فيه كويس جدا بنسبه ل سني و بنسبه للمجال اصلا اللي بيوصل للمكان ده بيبقى قعد فتره طويله ف الشغل انا في ظرف 4 سنين كنت وصلت لمكان ده بس بعد المخرج و دهول الجيش سواء دل٩ت ولا لا حاسس اني هخرج كله حاجه ضايعه و هبدا من الصفر و مش مستعد لحاجه زي كده و مش هعرف ابدا من الاول

انا خريجة من كذا سنة عايزة اعرف بتتغلبوا ازاي على احساس الوحدة دا وان صحابكم من محافظات مختلفة ومفيش مقابلات غير قليل اوي... يا ريت لو حد جرب طرق واقعية ونفعت معاه يقولنا عشان احساس الفراغ والوحده دا صعب للعلم بشتغل ويوم مشغول بردو

بجد ليه محدش قال قبل كدا أن مشاعر ما قبل التخرج دي صعبة أوي أوي كدا ؟ مهما أتكلم مش هعرف أوصف أنا حاسه ب أيه وخايفه قد أيه ، مش عايزه أسيب صحابي مش عايزه أسيب المكان بعد ما بدأت أحبه آخيرا ، مش فاهمة المفروض أعمل حاسه إني خلاص هاخد قرراتي بنفسي وأنا اصلا مش مستوعبة إني المفروض أعمل كدا أنا لسه محتاجه بابا وماما يعملو ليا كل حاجه والله 😭😭😭😭😭😭😭🦆

بدأت احس ان وجودي بقي غير مرغوب فيه عند صحابي يعني حتي لو غلطت و اعتذرت اكتر من مره و بطلت اعمل الحاجه اللي بتضايقهم و مع ذلك مفيش ده معناه انهم مبقوش عايزني صح *قبل ما حد يدخل يشتمني احنا بس شدينا مع بعض ف الكلام لاننا بنتخرج و مضغوطين جدا جدا وانا بعمل المشروع كله لوحدي تسهيلا عليهم ووجدتي تعبانه و شغلي مش احسن حاجه و عاطفيا مش احسن حاجه و هما عارفين كل ده و اللي مزعلهم اسلوبي ف الكلام الفتره الاخيره و اني بقيت بتعصب * معني انهم رغم اعتذراتي و اني بطلت اتكلم عن نفسي او اقول اي كلام يضايقهم و لسه متضايقين مني انهم مش عايزني صح و مبقاش ليا مكان بينهم

عندي مناقشة مشروع تخرج ومحتاجة حاجات وكل م اقول أهلي ع فلوس يفضلوا يصيحوا إنهم مش معاهم مش عارفه اعمل معاهم إيه ودماغي هتموت من التفكير مش عارفه أصلا بكتب هنا ليه بس مش عارفه أنام لأني حتى أصلا مش بعرف اتناقش معاهم لأني كل م افتح معاهم حوار شبه كده يفضلوا يقولوا مش معانا زهقت بجد والله ليه إنسان يتحمل ضغط فوق الضغط إللي عنده ليه الحياه مش سهله ليه الناس طبقات مش حياه والله

خايفه من بعد التخرج من الكليه خصوصا اني مش حابه تربية و مش شايفه نفشي ف تربية ولا مدرسه خالص بعني ف بفكر بعد نا اتخرج انا هعمل ايه و هبقي مدرسة بجد عايزة اعرف ممكن اشتغل ايه تاني غير مدرسه خصوصا ان لاسف بعد التنسيق الداخلي ف الكليه حطوني ف قسم عربي و عملت تحويل لتاريخ و اترفض ف لما اتخرج المفروض هبقي مدرسه عربي ف دي مش انا و مش عارفه ابقي كده رغم ان كل اللي حوليا بيقولولي اني بعرف اشرح لكن انا بشرحلهم و انا ف صاني جغرافيا عشان كنت بحب الجغرافيا و بحب شرح المدرس جدا جدا ف كنت بشرحها و انا مبسوطه و للعلم مدخلتش قسم جغرافيا عشان تنسيقه اخد اعلي مني بدرجه وبردو تحويلي ليه اترفض ف حسيت ان كل الطرق تؤدي الي روما ف دخلت تربية عام عربي و خلاص و للعلم بردو مقدرش احول كليه تانيه عشان عايزة فلوس اكبر من حياتي و مقدرش اطلب من اهلي اكتر من كده

انا كنت مرتبطة بزميلي في الجامعة انا كنت رافصة فكرة الارتباط بس احنا كنا في السنة الاخيرة وقالي انو لما نتخرج هيجي يتقدملي بس كانت بتحصل بينا مشاكل دايما في جزء الغيرة والتحكم رغم اني كنت بحاول اسمع كلام في كل حاجة المهم بعد التخرج حصلتله مشكلة وهو ان بعض الاوراق كان عايز يطلعها و كان في مشكلة وكان بيتعامل معايا وحش جدا و متجاهلني و كان بيتعامل مع بنات كتير وانا مستحملة انها فترة وهتعدي راح قالي انو بيحبني بس مش عارفين نتعامل ونسيب بعض الموضوع دا حصل من ٦ شعور وانا مش قادرة افهم هل هو كان بيتسلي وبيخلع كدة ولا دا حقيقي لاني كنت بحس بوعوده ليا حقيقية انو هيحارب كل الظروف وعمره ما هيسبني وكدة

انا خلاص فاضلي شهرين او 3 و اتخرج وعاوز اعرف ايه اللي بيحصل بعد فترتك الجامعية من حيث التغير في حياتك يعني هل بتبقي الدنيا ممله بعدها هل بتعرف تعمل علاقات زي ما كنت بتعمل في الجامعه هل اشتغلت فمجال تبع كليتك ولا لا انا حاسس بس ان الدينا هتبقا مبهمه بعد التخرج وهل في وقت للتعلم اصلا او اطور نفسي ولا الشغل هيبقا واخد كل الوقت عاوز اعرف قصه كل واحد بعد تخرجه

هاذا اول منشور اكتبه علا التطبيق ذا بس حرفيا اريد اقول لي فبالي _انا هسة باقيلي سنة واتخرج من ثانوي تمام وابغى ادرس بمنحة خارج.البلد وحرفيا كل واحد ايش يقول واحد يقول لازم اللغة الايطالية واحد لازم معدل 99(عندنا اقصى درجة 20/20)يعني ولازم مشاركات مرة يعني بيعملو توتر للواحد وانا هسة قلت بما انه لغتي الانجليزية مش ذاك الزود بعد البكلوريا يعني السنة لي بعد ما اتخرج فيها اقعد وادرس بس انجليزي واخذ شهادة ايلتس بعدين بقدم عالمنحة تفكيري صح؟

انا انطوائيه وملياش علاقات .. بتتجوزوا ازاى ؟ حتي مش عندى كلام كتير اقوله هنا ... بترجوا مثلا ولا بتعرفوا ناس اونلاين ولا بتعملوا ايه بعد التخرج لو مش اشتغلتوا لسه ؟ حاسه تاخرت وحاسه مفيش جديد ومش عارفه بعمل ايه

كونت حابب اتكلم ف مشكله حصله معايا وشبه مدمره نفسيتي خالص ولله بقالها اكتر من سنتين حياتي يعتبر وقفه بسبب الموضوع ده هو انا مش عارف احكي تفصيل لاني مش متعود اتكلم معه حد دايما قافل علي نفسي ومبقاش عندي شغف لاي حاجه بعد متخرجت من الهندسه واتعينت أبدت كل حاجه تقفل ف وشي ومبقتش ملاحق علي كم المشاكل الي بتحصلي فا لو حد يقدر يسمعني ويديني نصيحه تساعدني اتخطه فا له جزيل الشكر ولله ❤️

عملتو ايه بعد التخرج انا في سنه رابعه خلاث في اخر ترم عاوز اعرف بتعملو اصحاب ازاي بعد سنين الدراسه ما خلصت بالنسبالي معضلتي حاسس اني الناس اللي كنت بقابلهم في الجامعه مش هقابلهم تاني وحاسس ان فتره ما بعد التخرج هبقا لوحدي اكتريه الوقت بسبب ان كل واحد هيركز علي الكاريؤ بتاعه وانا مبحبش العزله خالص