تساؤل

انا ك راجل مش بارد بس بجد يعني بحسني مختلف يعني مش سهل حد ياثر عليا الي هوا اه ياعم عندي شهوة بس بعرف اتحكم فيها الي هوا لو محبتش مستحيل اسخن من الاخر الي هوا بجد انا عمري محبيت غير بنت واحدة ومفيش غيرها عرفت تحرك مشاعري الفكرة اني اتعرفت علي واحدة قلتلي اني بارد 😂 هل انا بارد كدا 😂

تخيلو لو تجردنا لساعه واحده بس من نفسنا؟ اه اه عندي خيال واسع بس تعالو نسرح شويه، لو ترجدنا من نفسنا يعني معدناش نحس باي حاجه ونسينا كل ذكرياتنا المؤلمه والسعيده ونشينا نفسنا اصلا بقينا جسد بروح ولكن م حاسس بحاجه وطلعنا فوق فوق خالص، هل يتري هنتمني نرجع نحس! هل يترب هنشتاق للاحساس ونفسنا وذكرياتنا ال احنا لنشكي منها دلوقتي؟؟ م كلنا مشكلتنا هي ان كل واحد فبنا حاسس شعور معينه واجعه، او حد تاني حصلتله ذكريات مؤلمه زي انه فقد حد بيحبه فعايش بس يتألم، طيب لو موتنا الالم واصلا بطلنا نحس هل هنفتقد الشعور د؟ 💀🌸

بقيت حاسة إن مواصفات الإنسان الكويس بقت شبه خيال أكتر منها حقيقة. إنسان صادق من غير لعب. حنين من غير ما يستغل ضعفك. يفرح لنجاحك بجد من قلبه. يحترم غيابك قبل حضورك. يخاف على مشاعرك حتى وقت الخلاف. يكون سند مش عبء. ويختار الرحمة وهو قادر على الأذى. زمان كنت فاكرة إن دي حاجات عادية، وإنها أقل حاجة المفروض نلاقيها في الناس. لكن كل ما كبرت واتخبطت أكتر، اكتشفت إن الحاجات البسيطة دي بقت من أندر الحاجات اللي ممكن تقابلها. بقيت أشوف الكذب بيتقال عليه ذكاء، واستغلال الناس بيتقال عليه شطارة، والأنانية بقت حق مكتسب، واللي عنده ضمير بيتعامل كأنه ساذج. فبقيت بسأل نفسي: هو أنا بطلب المستحيل؟ ولا الدنيا فعلًا بقت صعبة للدرجة دي؟ كل اللي كنت بدور عليه هو إنسان أحس معاه بالأمان. إنسان لما أتكلم يسمع، ولما أتوجع يحس، ولما أغيب يسأل، ولما أوثق فيه ميكسرش الحاجة الوحيدة اللي اديتهاله. لكن بعد خبطات كتير، بقيت مش عارفة إذا كانت المشكلة في الناس... ولا فيا إني لسه مصدقة إن النوع ده موجود أصلًا

لي احنا دايما محتاجين للجنس الآخر لي بنحس بزعل لو احنا محدش اعجب بينا من الجنس الآخر مع أن عادي يعني وهو مش موجود فحياتنا دلوقت الحياة ماشيه وبنضحك ونتبسط لي بقي شعور أن حاجه ناقصه داااا؟

ليه بنضعف مع اللي بنحبهم لدرجة ممكن نعمل حجات مينفعش نعملها واحنا واعيين ونتنازل كتير ونيجي علي نفسنا .. الحب بيخلينا ضعاف و valunrable قصاد كل حاجه والحمد لله بطلت احب من زمان بس ليه برضو؟

وهي الرجالة لما بتحب بجد بتعمل ايه؟ بيكون تعاملهم ومشاعرهم عامله ازاي للبنت دي. شوفت راجل بيحب بنت جدا وكنت منبهره ازاي ممكن يحبها كده هما اه مكملوش برضو بس انا انبهرت من تفكيره وأفعاله معاها (مستنيه الردود اللي هتخليني احس اني متحبتش بس بسيطة يعني)

ليه بعيش في السيناريوهات! لما بكون قاعدة فاضية أو بدخل في النوم بلاقيني بعمل سيناريوهات وحوار كامل مع أشخاص مختلفة عن أي موضوع واقعد احكي لشخص في دماغي عن حاجات كتير، مش بيكون شخص معين بذاته وكل مرة ممكن يتغير. ممكن كمان الكلام يستمر ساعه او اكتر. ساعات كمان بتخيل اني باجي احكي لكم هنا سواء بشارك مشكلة أو وجهة نظر او اي حاجه. مش بفهم ليه بعمل كده وانا عادي اقدر اتكلم مع صحابي في اللي انا عايزاه و وقت ما انا عايزه

عارفين لما تكونوا مع شخص تحت مسمي صحاب و انتو صحاب فعلا مفيش اي حاجه بينكم ل بكلام ولا غيره بس انت خلاص بقيت شايفه جزء اساسي من يومك لازم تكلموه من غير هدف .. بس بتخترعوا هدف ف نفس الوقت معاك الشخص دا مصدع تعبان انت دايما بتحاول تساعده بتحاول تفكر و تحل معاه بس انت مجرد ستبن كدا محطوط لكن مع غيرك بيحب الحياه بيضحك بيكون مبسوط حتي لو اليوم بالنسباله ف منتهي الارهاق بس كل دا بيتنسي اول لما يشوف شخص تاني هو دا حب ولا تعلق.....

هذا ما وجدنا عليه أباؤنا بستغرب من معظم الناس انها اتولدت علي أسلوب حياة معين ومعتقدات معينة وبتعيش حياتها كلها من ما تجرب تفكر هل ده صح ولا لا وهل دي الحقيقة ولا انا عايش في وهم ، بحس ان الناس بتخاف من التفكير بس لو حياتك ومعتقداتك هشة لدرجة انك تخاف من شوية افكار فاعتقد انك محتاج تراجع نفسك كويس

ساعات بشتاق لزمان، دلوقتي انا مين؟ حاجات بضيع قدامي، الاقيها انا فين؟ وداري اوجاعي وناسي ايامي وادور في القديم يمكن اعرف انا مين بسال نفسي في المرايا امتي تخلص الحكايه؟ صاحي يومها حد تاني غير اللي انا اختارته ناسي ليه مكاني؟ ناسي نفسي برضو!

هل لا يوجد حب افلاطوني (الحب بدون مصلحه ) ؟؟؟؟ يعني ممكن راجل وست يتجوزوا بعض لمجرد انهم بيحبوا بعض من غير اي مقابل مش متجوزين بعض عشان مصلحه ولا غرض معين ؟ زي فلوس او شقه او سلطه ياريت اللي عنده اجابه من خبرته يقولي

هل لو حد حب حد جدا من قلبه ورجع يقول انا مش عايزاك انت طريقتك واسلوبك مش عاجبني وانا هسيبك عشان اسلوبك وطريقتك مش حلوين معايا رغم انك معرفها اسلوبك وطريقتك في البداية ووافقت وحبتك علي كدا وفي الاخر سابتك تفتكروا هل هي حبتت الشخص دا

فيا حاجة زعلان منها واني اما بتعصب بلاقي الكل بيضحك ضحك هستيري انا بقف على فصول مدارس تدريب ميداني يزعق دايما الاقيهم ضحكو اتعصب اكتر واروح اشتكي للمدير واكون مخنوق اوي، ابن اخويا لما بيعمل دوشة بزعقلو الاقيه ضحك ضحك هستيري مرة واحد صاحبي اتصل قالي كلام ضايقني اتعصبت وهددتو بالبلوك بعتلو ريكورد قاعد بزعق فيه قعد.يضحك ضحك هستيري وقالي انت نكتة ولحد دلوقتي مثبت الريكورد ده وقالي بحبك عشان بتضحكني. امي لما ابن اخويا بيزعل أو يعيط تقولي خد زعقلو شوية عشان يضحك. عايز اعرف اية السبب من كل ده ؟

انا متاكد ان فيه جزء اساسي من الرحلة اسمه "الشعور بالضياع" ال هو بتقف كدا out of nowhere مش فاهم انت بتعمل ايه هنا وليه كل دا واخرتها ايه فعلا ولا اي جابك هنا وانت مين وبتعمل تي واحساس غريب مستفز

معلش بس هو ليه معظم الناس اللى هنا دكاتره و مهندسين هما دول اكتر ناس تعبانه نفسيا يعنى 😂 هو عموما انا كمان مهندسه بس الموضوع بجد غريب 😂 هل هو فضول طيب ولا فعلا المشاكل كتير و محتاجين الفضفضه انا بالنسبالى فضول و حبيت اسمع بردو من الناس

لسه شايفه فيد لشخص ع السوشيال ميديا بيقول يعني انه محصلش نصيب بينه وبين البنت اللي بيحبها بعد ما كان بيعمل سلسله الرجاله لما تحب وحقيقي يعني كان باين قد اي بيحبها وشاريها واعتقد اي بنت تتمني كده وتعشق اللي يحبها بالشكل ده فعماله أسأل نفسي يا تري اي السبب ، اي ممكن يكون حصل يوصلهم هنا وبجد مفيش اجابه مقنعه بالنسبالي ، مش شايفه ان في سبب يخليني أسيب شخص بحبه ، ده انا امسك فيه واقعده جنبي غصب عنه نفسي افهم الناس ان مش كل يوم بنلاقي حد بيحبنا ويخاف علينا ، امسكوا في اللي بتحبوهم واتعبوا علشان الحب اللي بينكم ولو في حاجه غلط صلحوها واركنوا ام الكبرياء والعند والعقد النفسيه علي جنب شويه علشان الدنيا مش مستاهله تخسر حد بتحبه

كنت قريت حاجه كدا عرفتها بعدين وهي انك لو دخلت لعبه الحب هتطلع خسران بنسبه كبيره لانها رهان فاشل طب لي بنعمل ف نفسنا كدا معرفش لي بنتعب نفسنا ونقدرها برضو معرفش بس بتمني ان لو حبينا حد يبقي يستاعل كل الحب دا

النهارده كان المفروض فرحي على أول حب في حياتي بجد بحبه بس هو ما كنش اماني كنت بحاول على قد ما اقدر معا لكن على قد ما كنت بحبه على قد ما كنت بخاف منه انا مش زعلانه على قد ما انا عارفه انه خير ليا و اكيد ربنا كاتبلي الأحسن بس ليه ليه عمل فيا كده

من فترة كدا بداء يظهر عندي احساس ان عندي مشكلة بسبب عدم وجود طرف تاني في حياتي خصوصا بعد ما خطبت وفشكلت خطوبتي بداء يظهر الاحساس ده عندي بسبب اني بشوف معظم اللي حواليا بيخطبو ويتجوز او حتي يرتبطو انهم بيعيشو قصص حب حقيقية وان انا مفتقد الجزئية دي في حياتي ومفتقد فكرة ان ممكن واحدة تعجب بيا اصلا فهل فعلا دي مشكلة فيا ؟!

انا شاب مختلف جدا ع اللي حواليا ومعظم الناس معنديش نفس الجولز بتاعة الناس فالحياة من نجاحات وجواز واطفال وشهرة كل الحجات اللي بتبسط الناس بالنسبالي عادية لما بشتغل ف حاجة بكون ناجح فيها جدا بس ف نفس الوقت مفيش دافع اصلا من الاول لده لما بصاحب بكون محبوب واعتقد لو بارتنر هكون كدا بس بردو مفيش دافع لده ..استقلالي ووحيد بشكل مرعب وبقدر استغنى عن اي حد ..انا حاسس اني عادي مقتنع جدا بحياتي ومرتاح اللي عايز اعرفه لو حد عنده خبرة شوية هل انا فعلا مرتاح ولا بقنع نفسي بده ( لكن باقي قناعاتي مش محتاج حد يقنعني بعكسها لانها شخصية ) وشكرا ليكم

هو لو واحد كل ما يشوفني تعبانة أو متضايقة يتخض ويبقي عايز يحللي اي مشكلة ... ده معناه ايه يا جماعة ...........................................................................

فكرة ان الحياه غير عادلة حاجه خنيقة جدا، الحمدالله علي كل شئ بس ليه يبقا في ناس بتعاني في حياتها عشان بس تنجو بس تقدر تعيش لبكره و ناس مرفهين تماما. ليه طفل صغير بيلعب بلعب الي ابن خالتو ادهالوا و طفل تاني اللعبه الي يشاور عليها تبقا عندو؟ ليه بنت مراهقه تكون شايله هم مصاريفها و تنزل تشتغل من سن صغير في حين معظم البنات الي في سنها مش شايلين هم حاجه و بس مستنين مثلا أوردر شي إن يوصل؟ و حاجات تانيه كتير، ليه؟

و يبقي السؤال ازاي الانسان ممكن يبقي قاسي ع ناس المفروض بيحبهم و ميهنوش عليه رغم ان وقت الزعل ع اتفه سبب بيبقي اقسي خلق الله و كأنه مكنش يعرفهم ولا حتي كان ليهم حب ف قلبه...