تسويف

بتتعاملوا ازاي مع احساس الملل والزهق دا مع اني عندي حاجات كتير المفروض تتعمل يعني وشغل مش فاضية تماما بس بأجل الحاجات دي ومش بقدر اعملها بتتعاملوا ازاي مع احساس الملل والزهق دا مع اني عندي حاجات كتير المفروض تتعمل يعني وشغل مش فاضية تماما بس بأجل الحاجات دي ومش بقدر اعملها

حوار اني بزنق نفسي لحد ليلة الامتحان و دايما بهرب من مشاكلي بالموبايل بجد نفسي ابطل اعمل دا مش عارفه حد عنده + هو انا لازم اكتب 150حرف عشان اعرف اعمل بوست * اول مره اشير حاجه * بس حاسة الموضوع رخم

شعور الهروب دايما وحش بهرب من مشاعري من المواجهه و من الحقيقه دايما عارفه انا عاوزه اي بس مش دايما بعرف اخد خطوه كسل بقي أو تسويف الموبايل بيقتلني في صمت بالذات تيك توك بفضل أراكم و اخبي مشاعري لحد ما انسي أن هي اصلا موجوده فبعدين احس بزعل أو خنقه من غير سبب مش بعرف حتي اعيط ما انا معنديش حاجه اعيط عليها ازاي اخد خطوه اني ابعد عن الموبايل انا عاوزه اعمل كده بس مش عاوزه انتوا اكيد فاهميني صح اليوم اللي بقضي من غير موبايل او مسكت الموبايل اوثات بسيطه و بقيت يومي مشغول انتوا فعلا مش عارفين بيكون يومي صحي و جميل ازاي

هو انا ليه مش قادرة اذاكر ؟؟؟ او ليه مش عارفه؟ ليه كل مامسك الكتاب ارجع امسك الفون؟؟؟ ليه بجد يعني قبل الفاينل في وقت كبير جدا شغاله بضيع فيه اهو بطريقه بشعه بجد اعمل ايه عشان بجد تعبت اوي اوي ومش عارفه اعمل ايه حاسه اني تايهه اوي

لو الانسان وصل لمرحله Burnout وحس انو فقد الشغف ف كل حاجه شعور ان كل حاجه تقيله عليا الصلاه قراءه القران والاذكار بقت حاسه انهم تقال جدا وده مخلى المذاكره مستحيله مش عارفه ازى ارجع وكل يوم ف حاله تسويف شديد

فضفضه كم مره قولنا هنبدأ مزاكره من أول بكره ومبدأناش ولا عملنا حاجه كلها كلام تريح بيه نفسك وضميرك عشان تتمرقع براحتك وفي الآخر كلو بيجي عليك ايام الامتحانات وها أنا الآن المفروض ازاكر منهج كامل في يومين مثلاً المشكله مش هنا أبدا أنا ممكن اجيب امتياز عادي المشكله اني مش هبقى فاهم زي الي جاب امتياز وهوا فاهم مش حافظ ملحوظه أنا مستوايا مش وحش وأنا فاهم الحمد لله وبزاكر بس دايما ببص للي احسن مني واحس اني قليل

خليني اتكلم شويه بتمنى كلكم تبقو كويسين وتكونو احسن دايما في البداية انا بشوف نفسي شخص طموح جدا بس المشكلة اني بأجل كل حاجه يعني انا بتعلم حاجات كتير كلها في نفس الوقت مش قاعد بس مش مدي اهتمام لحاجه معينه وده مخليني متاخر شويه فاهم قصدي حاسس اني محتاج افوق بأمانه لاني خلاص داخل ع الفاينل ومراكم كل المواد تقريبا بسبب انشغالي طول الترم ب 100 حاجه بس دي النقطه التانيه انا مش عارف اذاكر انا بدات من كام يوم بستخدم طرق مختلفه عشان اعرف الم اي حاجه بس مش عارف الموضوع بياخد وقت ومجهود بلاقي نفسي في الاخر مذاكرتش غير كميه قليله الفكره الواحد تايه مش عارف هيعمل ايه بعد كده دماغي مش سايباني في حالي المهم انه إن شاء الله خير اكيد

يا جدعان عاوز مساعدة منكم دلوقتي انا طالب اخر سنه وامتحاناتي اخر اللسبوع الفمىوض ازاكر عشان اتنيل اشوف خياتي مفيش كل يوم بكره والحمدلله جالي شغل وفي فلوس حسيت بضغط كل ده مطلوب مني وروحت نمت انهارده نايم ولا 14ساعه واله بتاع 12 بجد واصحي اقول اليوم هيخلص وافصل اضيع باقي اليوم في اي محتوي وانام ومحدش يقةلي اكتب اهدافك ورقه وقلم بجد متعقد من الورقة والقلم حقيقي الشغل مش بيخلص لير وفي حد فوق راسي غير كده انسي اي الحل وشكرا

انا عملت ذاكرت شوبة بتركيز واخدت بريك والبريك دة لسة مستمر لغاية دلوقتي😂 ممكن حل، غير المشتتات والكلام دة لان لو سبت الفون وكل دة بقعد اتشقلب فالبيت، الى مخليني مستغرب انى متقبل المذاكرة عادى معنيديش مشكلة😅😂 فيدوني يا أبطال🫶

مساء الخير جماعة محتاجة اسأل ع حاجة مهمة ايه الحل مع التعفن الدماغي والتسويف بتعملو ايه مع التعفن الدماغي بجد، دا كفاية اسمه والله (تعفن)😂 يعني حاجة نيلة بس بجد الموضوع مرهق انا لو في يوم اجازة معنديش اي حاجة حرفيا بيكون اليوم مش مفيدة وبيروح فستك حاولت اعمل زي الناس بتاعت علم النفس وكدا وجبت الون وجبت كراسة رسم بس الالوان باظت فتعكننت اكتر ازاي يااخواتي احس بالانجازات الي بعملها في يومي ازاي اقدر اسيطر ع التسويف حاولت كتير انزل جيم وبكسل في اخر لحظة🥹 تقريبا تعفنت دماغيا خلاص ارجو النجاه والحل

السلام عليكم ورحمة الله وبركاته عاملين ايه بتعملوا ايه يجدعان لما تزهقوا وتفقدوا الشغف وتحسوا انكم مش عارفين تعملوا حاجه امتحاناتي فاضلها حوالي عشرين يوم وحرفيا مش عارفه اتلم على كتاب مش عارفه ليه مع اني مكنتش براكم ف اول السنه بس مره واحده كده بقيت مش طايقه افتح كتاب علطول بضيع وقت بطريقه مش طبيعيه وقاعده طول اليوم ماسكه الموبايل او نايمه ايهما يعني

أنا بعاني من مشكلة بقالها سنين: ببدأ أي حاجة أكون متحمس جدًا يوم أو يومين، وبعدها بحس إني بطيء ومش قادر أكمل أكتر من 10–15 دقيقة. بسرح كتير، وأمسك الموبايل بدون سبب، وأقوم أتمشى أو أهرب من اللي بعمله. قبل أي ضغط أو مواعيد مهمة الموضوع بيزيد جدًا لدرجة إني بحس بتجمّد ومش قادر أبدأ أصلاً. ومزاجي بيتقلب وببقى عصبي وأبعد عن الناس بسهولة، مع إني فعلاً عايز أكون ملتزم وناجح. الموضوع ده مستمر معايا من سنين، ومش فاهم سببه. لو حد مر بحاجة شبه كده أو عنده تفسير أو حل عملي، ياريت يساعدني. أي نصيحة هتفرق جدًا 🙏

السلام عليكم، عندي مشكلة بقالي فترة طويله ومش عارف أحلها. أنا خايف جدًا من فكرة الشغل نفسه. كل ما أفكر أشتغل أو أبدأ أدور على شغل، أحس بتوتر شديد وقلق وأحيانًا ضيق تنفس. حتى لو الشغل بسيط أو جزئي، دماغي بيبدأ يفكر في أسوأ السيناريوهات: "هتعب، هصحى بدري، مش هعرف أنام كويس، هفقد حريتي، اتفاعل مع ناس ...الخ الخ الخ" الغريب إني مش خايف من الشغل نفسه بس، أنا خايف من الروتين، من الصحيان بدري، من إني أقعد ساعات في مكان مش مريح، ومن إني أفقد الوقت اللي بعمله في حاجات أنا بحبها (حتى لو دلوقتي مش بعمل حاجة أصلاً). جربت أقنع نفسي كتير، وقلت "هجرب يومين بس"، بس التسويف والخوف بيغلبوني كل مرة. حتى لما أشوف إعلانات شغل، أقفلها على طول. عايز أعرف: حد مر بنفس الخوف ده ونجح يبدأ شغل؟ إزاي قدرت تتغلب على الخوف من الروتين والصحيان بدري؟ فيه نصيحة عملية جربتها ونفعت معاك؟ أنا فعلاً محتاج أسمع تجارب حقيقية، لأني واصلت لمرحلة إني خايف حتى أفكر في الموضوع. شكرًا لأي حد هيرد.

ازاي اقنع نفسي اسيب التليفون و انغمس في الواقع بس الواقع اللي بيثير اهتمامي مش الواقع اللي بيتعبني و يخليني امسك التليفون تتني عشان اخفف عن نفسي ، بس حتي لو سبت التليفون هعمل اي احيانا بكون عايز اكتب بالقلم بس مش عارف اكتب اي مش بحب اكتب انا عملت اي النهارده و او افضفض بالكتابه دي مش حاجه بحبها و ممكن اتعب منها و كنت برسم حلو بس في فتره كل اللي حوليا عيزيني ارسمهم و تعبت و سبت الرسم و كل ما ارجعله القيه ممل و مش حاجه بقت تعجبني ، و مش الكوره برضو بقت ممله و كلها خناق مع كل شخص و حاليا محدش بقي بيلعب كوره اساسا من صحابي كلهم ، بفكر اتمرن بس التسويف مش مخليني عامل حاجه كل شويه اقول لنفسي تعبان و اتمرن بكره و بكره اقول نفس الكلام و مش بعرف برضو ، مبقتش عارف اعمل اي كل حاجه بقت ممله حتي التليفون مليش نفس افتحه كل اللي بفكر فيه اني انام و حتي النوم مش بعرف انامه كويس .

ايه حل مشكلة التسويف علشان انا حياتي واقفة حرفيا بسس الموضوع ده يعني بدفع فلوس كورس و مكملهوش بزهق بسرعة من كل حاجه و برجع سكرول علي الموبايل يومي كله سكرول و مش بعمل حاجه مفيده و لما بحاول ب التزم يومين او ٣ ايام ب الكتير و ارجع تاني للسوشيال تيك توك و انستا حاسس عمري بيضيع مني ازاي اجبر نفسي اقلل التسويف دا لو في حد مر بنفس التجربة ينصحني

انا في حالة نفسية صعبة شوية مع اقتراب شهادة البكالوريا لم أعد أستطيع التركيز والخوف وضيق الوقت يسيطر علي لا أفهم لماذا لا استطيع الدراسة رغم ان الوقت لازال يكفي( قليلا بالنسبة لمستواي) لكن التسويف او تضييع الوقت يسيطر على حياتي دائما ما انتظر حتى يتأخر الوقت وابدأ في الإسراع والهلع حتى اصبحت أعيش على هذه الحالة مما قد تسببت لي بخسارة الكثير من الأشياء منها اعادة البكالوريا مرتين والآن اشعر بالتيه والضياع الشديد كل ما اريد ان ادرس او احاول اجد وقتي ضاع ولا أستطيع البدء ماهو الحل لهذا لا أريد أن أعيد العام الثالث اريد حلا لتغيير عقليتي والا سأهلك وسط عالم لا يرحم ولا ينتظر أمثالي

السلام عليكم ورحمه الله وبركاته ازيكم أتمني تكونو بخير ي شباب لو حد يعرف طريقه اعرف الزم بيها نفسي ع الحاجه يعني اخلص من التسويف مفضلش اماطل ف الحاجه كتير اوي اوي ومتى فقدان الشغف اكون شاكره

أحل إزاي التسويف خصوصًا انه وصل لمرحلة كبيرة و من فترة مش قليله ، ازاي اتقدم و انا عندي إمكانية بس معدومة الاستمرارية انا بقيت بكره نفسي بسبب كده بقيت شخص بدون قيمة وده كله حصل معي بعد ما فقدت حلمي و الحياة وجهتني لطريق محبتهوش ، أنا مش عايزه اكون من غير فايده كده خصوصًا ان مفيش حد هيحارب عشاني او يسندني ، كنت ثانويه عامه و عملت كل الي عليا و مقصرتش في حق نفسي بس قدر الله و مدخلتش المجال الي كان شغفي فيه و دخلت مجال تاني ، على عكس اخويا الي كان عايش حياته و عمره ما تعب و مجبش مجموع و عيلتي دخلته خاص و كمان المجال الي انا كنت بحلم بيه مش كارهة لأخويا الخير و الله بس الإنسان بتصعب عليه نفسه مع ان الكل شاف اني تعبت و كمان كله كان شايف الشغف الي في عيوني و مع كده صمموا انه ينطفى ، و قالولي معلش كفايا علينا اخوك ، ومع ان المجال الي انا فيه سهل و سهل اني انجح فيه بس انا من افشل الناس فين عشان بسوف و مش بسعى خالص ، صعبانه عليا نفسي كنت من أشطر الناس و دلوقت فاشله في مجال مش احسن حاجة .