تضحية

ليه في مجتمعنا الفاشل شايفين ان البنت كون انها وافقت على الزواج فهي كدا بتجاملك وضحت ببيت اهلها والرفاهية وجاية عشان تخدمك وعشان العلاقة ومش مستفيدة اي شيئ وطبعا دا بيترتب عليه كل القيود المادية ووصلات امانة وان مهما تعمل انتا مش هتوفي اصلا اي حاجة ،، بالرغم ان الجواز مهم للبنت تكتر وكمان غريزة الامومة اقوى وكمان الاحاديث النبوية ان فضل الزوج اعلى؟؟؟؟ ولذلك انتا مهما عملت بيعتبروا ان دا اقل من الواجب بينما اي حاجة تعملها كدا بتضيف في الجمايل ، دا حتى لو هتطبخ بيعتبروا ان كدا جمايل مع انها هتاكل منه عايز افهم ليه وعايز افهم مين اتعامل مع ستات خارج البلد؟؟؟

ازاى بعد ما تديهم كل حاجه و و تبقى كويس معاهم و تبقى على طول الطرف المضحى و المعطاء مع اول فرصه تجيلهم و اول خناقه يرموك عادى ولا كان حاجة حصلت مع انك ياما استحملت عشانهم بس فعلا مينفعش حد الايام دى يبقى الشخض اللى بيضحى لان اللى بيضحى بيتفهم غلط و مبياخدش اى خير فى الاخر تقعد تسمع مشاكلهم و تقدملهم حب و مساعده و كل حاجه و فى الاخر و لا كانك كنت كويس لخمس ثوانى و الغريب اللى معملش عشره فى الميه يتقارن بيك و يتقال احسن غريبه الدنيا

البوست هيبقي داااابل اول حاجه هحكي علي مشكله عندي اتمننننني حد يسااااعدني تااااني حاجه اي حد حاااابب مساعد في تعلم اللرمجهيلعت و هساعده علي اد ما اقدر انا مشكلتي اني باجي علي نفسي علي طول علشان الناااااس حاسس الموضوع جاي عليا بزياده اوي حاسس اني جاي علي نفسي في كل حاجه لدرجه اني مش لاقي نفسي بحس اني بستمد طاقتي من مساعده الناس و اني اعمل كل حاجه للناس و في المقابل بتبقي فرحه بسيطه ساعتها و في الاخر ببص لنفسي ماذا بعد ؟! خلاص هتخرج اهو و معملتش اي حاجه لنفسي غير ساعدت ده و ده و ده طب و انا فييين

صباح الخير ما اصعب ان يتحمل الانسان مالا يطيق لاجل من يحب بعانى والله يا جدعان دعواتك لانى قدام انى اتحمل حاجه صعبه جدا عليا تعب جسدى ونفسى زى اللى زرع نفسه فى ارض مش أرضه علشان بيحب المزارع بين نارين نار الوضع الحالى ونار خسارتى للمزارع

انا اكتشفت حاجة جديدة عن نفسي ، انا شخصية مبتثقش ف الناس بسهولة بخاف اتعلق بحد ميستاهلش ، مش بضحي لا بوقت ولا مجهود لاي حد بس لما بثق ف حد واحس انه يستاهل اني اضحي عشانه كل ده بيتغير ببدأ اضحي بشكل غير محدود واعدي للشخص ده حجات كتيير مع ان مكنش المفروض اعديها ولا اديله مبررات بس الحقيقة ان حتي اقرب الناس ليك لازم تحط معاهم حدود محدش يستاهل ثقتك بالكامل ، محدش دايم ف حياتك. حد هنا زيي؟

اني ضحيت جامد عشان انسان مشكتش فيه لحظه انه يبعني ضحيت بكل حاجه ممكن حد يتخيلها عمر ومجهود واحلام ووثقت كتير ف صحاب بس مكانوش بيحبوني زي ما حبتهم او كانوا بيحبوا بس كله قدر يستغني وانا حاليا عايشه ف صدمه من جميع الجهات ..

النهاردة دموعي غلبتني و بكيت في الشارع، انا اسفة جداً لنفسي ثم نفسي ثم نفسي انا غلطت في حقها كتير اهملتها كتير و ضحيت بيها اكتر، انا المج.رم و انا الضحية حتي لو ظلم.ني حد في يوم من الايام، فانا السبب، لاني كنت شايفه كل حاجة من الاول و ربنا منّ عليا بالبصيرة و انا اللي اصريت اكمل في سكك مسدودة طريق مشيته و انا عارفه نهايه كنت فاكرة اني هلاقي النور في الاخر بس النفق كله ضلمة ازاي العيون اللي شوفت فيها الجمال و البراءه الاقي فيها الغدر (دي مش مشكلة عاطفية) اسوء شعور في الدنيا انك تغدر ببني آدم، انا مش عارفه انا ليه قاسية علي نفسي انا مكنتش اعرف ان كل الضلمة في قلوبهم!! انا كنت فاكره حبي ليهم ممكن ينور قلوبهم انا كنت فاكرة ان انا الشخص اللي هيساعدهم يخلصو من مشاكلهم و بعدها يختاروه انا ضحيت بنفسي عشانهم محدش غلط غيري

انا ضحيت بكل حاجه للانسان الطبيعي في سبيل راحتي 🙂 ياااه ضحيت باليوم العادي رتاع البني ادمين وبقين انام طول النهار واصحى بالليل عشان اقضي الوقت بتاع من ٢ بالليل ل ٩ الصبح دا لوحدي تماما والبيت كله هسسسس يا الله على الراحه وبعمل فطاري لنفسي وعايش حياة المغتربين خالص 😂😂

مساء الخييير محتاجه رأيكوا في كام سؤال -ايه رأيكوا في الحب من طرف واحد بالنسبه للطرفين بس خصوصا البنت -اجس نبضه ازاي عشان اعرف هوا عنده مشاعر ليا ولا لأ عشان ساعات بيبان عليه عنده وساعات يبان اني مش في باله اصلا -انت كولد شايف البنت اللي بتحبك ومستعده تضحي عشانك باي حاجه ازاي وكمان انتم مش بتتكلموا يعني (ساعات بقول اني مش في باله اصلا وساعات بقول انه مش بيبين عشان حرام وانا فاهمه ده كويس بس طبيعي اكون متضايقه صح؟) المهم بس محدش يحكم عليا ونراعي بردو ان الموضوع له ابعاد تانيه وان في حاجات متحكتش يعني ماشي؟

ربنا كان عارف قد اي انت كنت ناوي تضحي علشانه... فشاله من حياتك ربنا كان عارف انك هتخسر نفسك علشانه... فشاله من حياتك... يمكن انت شايفها خسارة.. لكن ربك شايفها حماية.. ربنا كان عارف قد اي انت كنت ناوي تضحي علشانه... فشاله من حياتك ربنا كان عارف انك هتخسر نفسك علشانه... فشاله من حياتك... يمكن انت شايفها خسارة... لكن ربك شايفها حماية

بجد لي الأمهات كده بجد لي اكون بعمل كل حاجه عشان ارضيها وفي الاخر تنيمني كل يوم مقهوره لي مش بتحس بيا لي قاسيه عليا كده عارفين اخر حاجه قولتلها تعبتني ياامي قعدت تدعي عليا وتشتمني وتقولي اني باجي عليها الي هو اي ياامي اعمل اي تاني عشان ارضيكي ابوس رجلك ولا اعمل اي اكتر من الي بيعملوا ورغم دي بعشقها بحسها توكسيك اوي بس هي امي وهفضل احبها لو اي حصل الفكره أن الحوار مآثر علي قلبي جامد بس يعني خير

سعات بستغرب ليه بقول امي امي امي دايما هعوض امي عن التعب وعن الدنيا وناسي ابويا اي نعم كدا كدا هعوض ابويا بس ابويا راجل يعني هيتصرف 😂 بس الحقيقه امي تستاهل كنوز الدنيا امي متجوزه بقالها ١٩ او ٢٠ سنه متهنتش فيهم ابدا يدوب ٥ شهور وحملت فيا 😂 شافت كتييير اوي واللي مجنني ان عمرها محسست حد بحاجه ستي من يومين بتقولي امك بقالها كتير منزلتش هي تعبانه ؟ سرحت حبه كدا واتكسفت عشان انا مش عارف فعلا ان كانت تعبانه ولا لا انا اسف بس عمري ما كنت اعرف ان البنات بيحصلهم وجع وقت الحيض لان عمري عمرها ما قصرت معانا ف لحظه فالوقت دا وبتتعامل كانها عادي مهما كانت وجعها عمري ما شوفت امي راقده في السرير كدا زي الناس اللي بتتعب كدا وحد يقعد حوليهم حتى امبارح بقولها متعيشي المرض يا امي يعني عادي لما تتعبي ارقدي شوية او اقعدي كدا عشان البيت يميل ونحس وردها انها ضحكت بحبك والله يا امي وربنا يبارك فيكي ويحفظك ويرزقني اعوضك عن كل لحظه تعبتي فيها عشانا واحققلك كل اللي نفسك فيه عشان انتي بجد تستاهلي كنوز الدنيا

صعبه لما تحب حد. ويجي واحد ليه سلطه عليك يفرض رائيه وانت واقف مش عايز تتكلم عشان متخسرش اللي حوليك كلهم وفي الاخر بتطلع خسران نفسك واللي حوليك محدش بيحس بيهم. شعورك ده بيشبهك بالشمعه بتحرق نفسها عشان الباقي يشوف