تغير الشخصية

والله العظيم لا اعلم ماذا حل بي اريد طريقة للسفر عبر الزمن لاعود كما السابق ففي وقت مضى لم اكن هذه الفتاة سريعة الغضب و لم اكن اعرف معنى الاكتئاب ولكن الان مر علي زمن كبير لم افرح من قلبي الحمد لله كلش شئ متوفر ولكنني اعاني بدون اي شئ بكاء متواصل من دون ان اعرف السبب و غضب على اتفه الاسباب لقد تعبت من هذه الشخصية الجديدة اريد العودة الى نفسي القديمة💔

يا جماعة انا ٣٢ سنة وبشتغل في مكان بعيد عن بلدي وبنزل اجازات المشكلة اني بكون بشخصيتين شخصية ف الاجازة وشخصية مختلفة تماما في الشغل ...في الاجازة بكون ملتزم جدا وطموح واجتماعي ...ع العكس في الشغل بيكون عندي خمول وقلة شغف وانطوائي وبدخل ع النت كتير والالتزام بيقل زي الصلاة مثلا ...وتعبت من الموضوع ده ونفسي اخلي شخصيتي ثابتة ومش متغيرة.

انا كنت حساسه جدا بتأثر بأقل حاجه دلوقتي اتقلبت للعكس تماماً لا بيهمني اي حاجه ولا بنبهر لو حصل ايه ولا اي حاجه كنت بحبها ممكن تبسطني ولا عندي دافع لاي حاجه او بنفعل انا مش عارفه انا بقيت كده ازاي لا أنا ولا اي حد كان يعرفني يتخيل اني بقيت كده مش عارفه ده شئ إيجابي اني مبقتش بتأثر وبتعب زي الاول ولا سلبي اني حتى الحاجه الحلوة مبقتش بحس بيها مش عارفه أخلق اي نوع من أنواع المتعه في حياتي مع اني والله كنت بفرح بحاجات صغيره وبسيطه اوي

انا مضايق شويه لا مش متضايق انا مش عارف ابقي كويس ولا عارف اعمل ابسط الحاجات الي كنت بعملها زمان اكن الي كنت بعمله زمان وهمي بالنسبالي دلوقت ومحدش يعرف يعمله اكني كنت واحد وبقيت واحد تاني خالص ! ايه الحل اعمل ايه حتي عمري م سألت قبل كدا اعمل ايه لحد دايما كنت عارف انا بعمل ايه وايه الي المفروض يتعمل بس حاسس قلبي بيعيط و ف الbackground صوت النقشبندي وهو بيقول ” أعِدني لنَفسي، كَم تغرَّبتُ حائِراًأحِنُّ لضوْءٍ في سماءِك مُنعِمي“

لا خالص أعتقد ولا كنت هكون نفس الشخص ولا نفس الشخصية ولا مع نفس الناس ولا حتى ف نفس المكان برغم إن كلام الناس أوقات بيعرفنا حاجاتك احنا منعرفهاش عن نفسنا بس حقيقي احكامهم ونظرتهم لينا طول الوقت بتخلينا ناس تانية غيرنا اصلا

شخص عزيز عليا قالي امبارح: “إنت زمان ما كنتش كده… زمان كنت بتعرف تضحك وتفرح وتعيش”. الكلام عدى عليّا تقيل، ووجعني أكتر ما توقعت… لأن لأول مرة أخد بالي قد إيه أنا اتغيرت. زعلت على نفسي… زعلت إني مش عارف أفرح زي زمان، رغم إن جوايا رضا بيحاول يهدّيني طول الوقت. زعلت لما اكتشفت إني فقدت شغفي بالحياة، وبجري وراها وهي بتسرق مني فرحتي وبتستنزف طاقتي. زعلت إني بعافر في حاجات كتير، بس في المقابل في حاجة جوايا بتتسحب مني واحدة واحدة. الحِمل بقى تقيل، والتفكير بقى مختلف، والحياة أخدتني من نفسي بهدوء… من غير ما آخد بالي ومن غير ما أقف في محطة أستريح ولو شوية ..

كنت بشوف نفسي اعقل واحده ومبغلطش وعاقله جدا لغايه ما اكتشفت انا كل سنه بنتقد شخصيتي السنه الي قبلها وعارفه ان السنه الجايه هنتقد نفسي دلوقتي بس بحاول ارضي نفسي علي قد ما اقدر انا بجد عنديه جدا ومتكبره وعايشه دور مش دوري دور كنت اتمني يبقي انا

انا كنت بحب وحده معيه في التمرين بس هي قلتلي لا و من سعتها انا مبقتش قويس بس قبل ما قلها انا و هي كنا بنكلم كتير و بنتحك كتير مع بعد و كنا بنعد لوحدينا كتير بس لما انا جيت اعترفلها هي قلتلي لا و بعدها بي شهر هي سابت التمرين علاشان عزلت و من لعد ما هي سابت التمرين انا تريتي اتغيرت في التعامل يا عني بقيت اتعمل مع الناس بيطريقه غير الي انا كنت بتعمل بيها طريقة كويسه برده و انا مستني حد يقولي مالاك بس يقلهالي و احنا لوحدينزاو مثلا شله كده مع بعد بس لو كلام ده حصل هقول كل الي جويه

اي الاخبار اتمني تكونو بخير انا شاب و عندي 23 سنه انا بطبيعتي بضحك كتير و بهزر كتير و عفوي و حرفيا الناس بتقولي فيا قبول رهيب لدرجه ان لما بنزل مع حد غريب و يشوفني بيتعامل معايا علي اني صاحبه من سنين من كتر الثقه و كنت ببقي مبسوط مؤخرا انا بقيت عكس الي كنت عليه يعني مبقتش اضحك كتير و بقيت لو خرجت استني اللحظه الي هبقي فيها لوحدي عشان مش عايز اتعامل مع حد و بقيت اتجنب التعامل و الكلام عموما حتي الهزار مبقتش اهزره فا عايز اعرف ده لي و ده مش طاقه و خلصت لان انا عارف نفسي كويس بس عايز اعرف بجد هل ده طبيعي ولا محتاج اشوف ثيرابيست و لا اعمل اي

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدا .. المواقف بتغير الهموم بتغير الوجع بيغير فعشان كدا مستحيل تلاقي شخص لسه زي ما هو بنفس روحه بتاعت زمان .. حرفيا الحياة خدت مننا أجمل ما فينا وبقينا عايشين بشوية بقايا.

جميعا نتغير كل يوم الي شخص لا يشبه ماكان عليه هو كل حين بشخصيه جديده حتي يفهم الحياه وعندما يصل الي حقيقه الحياه ويدركها فيزهد كل شئ حتي تاتي له النهايه لانه لن يستطيع ان يتعايش مع الحقيقه الاصليه للحياه..!

الانسان بيعمل ايه علشان يرجع شخصيته الي كان عليها زمان بعد م فقد حاجات كتير حلوة وشخصيته اتغيرت 180 درجة ؟!!!! نفسي ارجع ادي طاقتي كلها في المذاكرة وبس واشوف مستقبلي وابطل عادات كتير وحشة واولهم ادمان التلفون والسهر بلا سبب عايزة ارجع شغفي للحياة عموما حاسة ان ملهاش طعم واني عايشة وخلاص لمجرد العيشة مش حاسة ان حياتي ليها لازمة حاسة اني مشتتة بغباء معرفش انا عايزة ايه اصلا

هل طبيعي اني قلبي يبقي قاسي لدرجه دي ،مبقتش عارفه اسامح و اكره الشخص الي قدامي من اول غلطه حصلت بينا،مع اني مكنتش كده و كنت اطيب من كده و بسامح عادي ولا بعدي عن ربنا هو الي قسى قلبي لدرجه ديييي