تفاصيل

استوعبت النهارده اني شخصية كثيرة الإنتقاد بمعنى اني بطلع عيوب في حاجات كتير بحبها، بنتقد تصرفات ناس حواليا. كل النقد دا في ذهني بس مش بصرح بيه لحد بس بحس اني مبيعجبنيش حاجه، يعني ممكن ابقى بتفرج على مسلسل ومبسوطة وكله تمام الاقيني برضو بنتقد التمثيل أو الأحداث والحبكة الدرامية مع أنه في المجمل حلو وعاجبني. بحب برضو أقيم كل حاجه حواليا الاكل والناس واي تجربة في العموم بديها اسكور. من كتر الانتقاد والتركيز في التفاصيل بكره الحاجه أو الناس وبركز في عيوبهم بس مع انهم زي الفل. الموضوع مش اكستريم اوي بس مزعج لاني مش بعرف استمتع بالحاجه زي ما هي بعيوبها أو بعدم مثاليتها

الخامسة صباحاً ولم أنم بعد ! وأفكر باخترع جملة غير " صباح الخير " لأقولها أنا والصامدون أمثالي . نخبركم بها أننا شهدنا على الليل كله . وأننا أكرمنا تفاصيله وأننا ودعنا القمر حتى عتبة السماء واستقبلنا الشمس منذ أن بان ضلها أننا حرسنا الظلام والنور دون استراحه وشعرنا بهمسات أحلامكم الناعمه ليلاً وسمعنا ضجيج محاولاتكم في تحقيقها نهاراً ولم تفلت أذننا أنات المتألمين الملتحفين بسواد الليل ولا من أعيننا دموعهم اعتنينا بأكواب قهوة العجائز الذين لا يحتسونها إلا صباحاً انسنا مرايا الجميلات ريثما يستيقظن لم يفوتنا تثاؤب المدينة الأول ثم اعتدل جلستها وانطلاقه العصافير نحن شهود عيان على كل عملاً شاقاً لم نختره ، وهو اختارنا..

عارفين إحساس الفراغ اللي بيجي آخر اليوم؟ بعد يوم كان فيه تفاصيل كتير اوي بس انتهى نهاية رخمة وجيت لحتة فاضية في الآخر وانت لا عارف تنام ولا عارف تقوم ولا عارف تعمل ايه إحساس رخم برضوو بس عادي عامةً مش حوار يعني

هاي ، هل يوجد احد لديه مشكلة اذا احب فتاة او معجب بها ... يريد ان يعرف عليها كل تفاصيل ، مثلا انا اعجبتني واحدة ، لم اتكلم معها الا بعد ان عرفت حسابها بمفردي و اسمها و لقبها و مكان سكنها و كل المعلومات ، وكيف تتصرف او تتكلم وطريقة تحدثها مع الناس و معاملتها اليهم ، وايضا لدي غيرة قوية ، حتى لو نظر اليها احد بالخطأ سينضم الى قائمة الاعداء 💀 اخبروني من قبل انها مشكلة سيئة او مرض وانا اراه طبيعي

انا مريت باكتئاب شديد وكمان عندى وسواس قهرى من زمان بيتفاوت شدته مع الوقت ومع الاكتىاب يعنى بيزيدجدا فى فترات الاكتئاب وبيكون وسواس بالانتحا ر احيانا مريت بفتره صعبه جدا السنه اللى فاتت دى كلها ومؤخرا وقعت فى حاجه غلط كنت متاكده طول الوقت انى لازم اخرج من ده وما اكملش والحمد لله خرجت منها بس مش قادره اتخلص من الوسواس القهرى اللى بيعيدلى طول الوقت تفاصيل كل اللى حصل وتفكير فى اسبابه ودوافعه ودوافع الطرف التانى وهكذا تفكير تفكير هيخلص عليا 🥹

تعبت من نفسي جامد جدا بجد بركز ف ادق ادق التفاصيل عملت فيديو دعائي لشركة ما وكام فيديو خطير وجاب ڤيو عالي جدا وكل الناس بجد قالت واووو الإ انا مركزة اتنهدت كام مرة اتكلمت بسرعة ف الجملة دي مخارجي حروفي هنا كان ممكن اقولها افضل وهكذا لغايت ماانفجرت وقعدت اعيط ومش عارفة اتبسط بالنجاح وبفكر امسح الفيديو بعد نجاحه ده كله تعبت من دماغي اوي مبفتش قادرة حتي افرح بالنجاح من كتر ماانا عايزة كل حاجة مثالية بالملليي

الوحدة بجد شئ مميت مش هيعرفه غير اللي جربه بجد بمعنى انك تعيش لوحدك تماما في البيت .. مايبقاش فيه غير صوت نفسك انت بس انك ترجع تلاقي البيت مضلم وتاكل وتقوم وتنام لوحدك مفيش حد تشاركه تفاصيل يومك حد يلاحظ ارهاقك أو حتى فرحك مفيش الفضفضة ووقفة المطبخ مفيش اخد رأيك في لبسي قبل ما انزل مفيش حد يقلق عليك لما تتأخر حد تترمي في حضنه وتنزل من على كتافك هموم الدنيا عارفة ان فيه ناس وحيدة وسط أسرتها .. بس اللي بتكلم فيه مستوى تاني بجد ساعات كتير بحس اني ممكن اموت لوحدي ومرات كتير تعبت ودوخت ووقعت وكنت لوحدي ومش عارفة حتى اجيب كوباية مياه لنفسي وبعد ده كله الناس ساعات تقولك انتي اللي عملتي في نفسك كدة سواء بالتلميح أو صراحة.. بس هو والله قدر ونصيب مكتوب وربنا يصبرني عليه ويصبر أي حد عايشه