تفكير زايد

موضوع انك تيجي تنام عشان تخلع من التفكير ف شغل و ترتيبات و مواقف و حجات تانيه و تلاقي عقلك حاططهملك ف حلمك ونت نايم باسوء سيناريو ليهم تبقي بتصحي تفكر وونت نايم بتفكر وشايل الهم بردو الفكره انها بتتكرر كل فتره وبحاول اركز عشان اعرف سببها اي اصل لو عشان بفكر كتير طب منا طول حياتي حريق افكار وتفكير لكن بتيجي ع فترات متباعده ببص الاقي اسبوع كامل من التفكير و الضغط اترتب ف حلم ولا كانه فيلم

دايما شعور الخوف و التفكير الزايد ملازمني طول الوقت يعني ابقي زعلان ع مش بشتغل و بفكر كتير ف قله الشغل و خوف اول لما اشتغل برضوا زعلان و بفكر كتير ان حياتي رايحه كلها ف الشغل سيناريوهات كتير كلها عباره عن خوف و قلق ف كل الاحوال ...

الواحد مبقاش عارف يهرب من دماغه ازاي و فعلا صدق الي قال ان اكبر عدو للانسان هو نفسه اوڤر ثينك كتير تفكير ف مشاكل ملهاش حل الواحد مبقاش عارف يعمل اي بجد ف حد مر زي بالي بالموضوع دا ولو حد مره اتخلص منه ازاي