بصي اللي انتي بتقوليه ده مش ضعف ولا دوشة ولا أوفرثينكينج زي ما ناس كتير بتحب تسميه ده وعي إن الواحد يقعد يراجع نفسه ويحاول يفهم هو غلط في إيه دي حاجة مش أي حد عنده شجاعة يعملها بس المشكلة بقى إنك مش المفروض تفضلي تتحاكمي لوحدك جوا دماغك عشان حد اختار ينسحب بالبطء أو يبرد أو يلمح أو يسيبك تقري بين السطور المصارحة مش قسوة الغموض هو اللي قسوة إن حد يقولك أنا زعلت منك أرحم مليون مرة من إنه يخليكي تحسي إنك متهمة ومش عارفة التهمة إيه والأجمد إنك قلتيها صح حتى لو حد قال أنا مش عاوز أعرفك تاني من غير سبب هتبقى أهون من لعبة البرود والحجج والاختفاء التدريجي عشان أوجع حاجة مش إن حد يمشي أوجع حاجة إنه يمشي وهو سايبك واقفة تسألي أنا عملت إيه فآه الدنيا فعلًا هتبقى أبسط لو الناس عندها شجاعة تقول الحقيقة بدري بدل ما تسيب اللي قدامها يحارب نفسه ويخسر سلامه عشان يفسر صمت حد تاني

للاسف الاغلب مش صريح بمشاعره ولا يقدر انه يواجه، مفكرين لما يبقو غامضين كده احسن وانهم كده مش هيجرحو الشخص ولا هيبقو قاسيين، مفكرين لو اتغيرو مش هنلاحظ ولا هيفرق معانا، معلش بس انتي حظك فالناس الي وحش وان شاءالله ربنا يعوضك بالاحسن ويهون عليكي