تقلبات مزاجية

عندي انفصام ف الشخصيه وللاسف مخلي حياتي هباب كارهه كل الناس مش بطيق حد مع أن الكل بيعاملني كويس ومفيش حد حسسني بالرفض بس م قادره حرفيا ممكن اكون بتكلم معاك وبحبك جدا ونا وانت علاقتنا تحفهه تلاقيني مره واحده اخدت جنب وبعامله ببرود وبأسلوب مش كويس مع أن دي مش طبيعتي وتلاقيني قرفت م الناس بس بعد كل ده كنت بقول لنفسي اني مكبره الأمور ومفيش حاجه تستاهل وفعلا برجع كويسه معاهم تاني وكل حاجه ترجع زي ما كانت بس بقالي فتره الارف ده مش راضي يروح غصبن عني والله مش طايقه حد حرفيا بقالي اكتر م شهرين على أخري وبطلع غلي ف اي حد بشوفه وطبعا اللي زود الحاله دي أن كل واحد بيشوف الناس زيه ف بيتهيقلي أن كل الناس كرهتني وبتاع م قادره اتعامل بطبيعتي خلااص عاوزه حل المشكله دي بجدد

انا بكلم فئه معينه من الناس هيا بس الي هتفهم مش تقليل من حد بس عندي ظن إن أغلب الاب شباب صغيره انا بكلم الناس الي من جيل الالفيه انا الفتره دي مش عارف في أي بجد مش عارف عندي تقلبات مزايجه عنيفة خمول ديما نوم كتير إرهاق بدون سبب مش عايز اكلم في ونفس الوقت ممكن الاقي نفسي تمام مفيش حاجه وبتعامل ماشي اقول اذكار لاقي نفسي بغني والعكس اقوم احضر اكله اعملها اسيبها ادخل اخد دش بعد ما جهزت كل حاجه البس تاني وادخل انام قاعد في الشغل مش قادر اعمل حاجه مع اني في الوقت مش كده اي الحل أو حد بيحصل معاه كده

انا مجنون أو مريض أو حاجه انا مش عارف اوصفها أوقات أبقي مبسوط اووي وأوقات مضايق أوقات اعمل علاقات كتير وأوقات اقطع كل دا أوقات احب الشغل وأوقات اكره حياتي أوقات أبقي متدين اووي وأوقات لا عايش على حبل ديما في جدال مع نفسي لا هيا بتحبني ولا انا بحبها

بعاني ليا فتره مع تقلبات مزاجية اشبه بنوبات اكتئاب علي غضب علي فترات بكون فيها عادي مستقره وده بياثر علي علاقتي بربنا اخر مره كنت مكتئبة فيها قولت اروح لدكتور نفسي اتشخص واتعالج بس حاليا كويسة وحاسه الدنيا مستقره فدماغي بتقولي مش مهم ممكن حاجه وعدت لو اتكررت تاني ابقي روحي ومش عارفه اعمل اي هل اروح اكشف رغم اني كويسة ولا استني لما ابقي مش كويسة ؟

انا اكتر شخص عفوي ومجنون ممكن حد يتعامل معاه في حياته وبدون مبالغه علي قد ان لما حد يعرفني غير لما يشوفني بشكل سطحي ... بصوا انا اجتماعيه جدا فوق مما حد يتخيل والطرف الاكثر حماسا في اي روايه ومطرقعه ودماغي تعبانه حرفيا وبحب الضحك واي حاجه ومش بحب حد يكون معايا وزعلان وحاجات كتير حلوه وفراشات بتنتشر مني علي قد ايه انا الناس بتشوفني عفويه وحد جميل جدا ليه بقول المقدمه التحفه دي لأن عايزه اتكلم عن سلبيات كتيييره اولهم اني مش ببقا مبسوطه من جوايا او حقيقي مواقف وايام قليله اللي ببقا فيها فعلا مبسوطه والضحك ده نابع من قلبي او من هبلي بس بحس اني معظم الوقت بهرب من الزعل والضغط بالطريقه دي وعندي مشكله مع العياط تماما ولما بكون حقيقي تعبانه مضغوطه جدا ومش قادره اعيش مع ان اللي يعرفي يعرف اني عيوطه وقموصه وصياح وشكاوي واغلب الوقت بكون سلبيه "وكله رايح" وحاجه اخر هم بس والله دمي خفيف المهم ان ببقا يااه ده اليوم ده ضحك هستيري بلا توقف ببقا مبسوطه وانا بضحك والله والكل بيضحك علي ضحكي بس في حته جوايا بتقولي ان ضحكك مش حقيقي فاهمين حاجه ولما اخلص بقا الضحك اللي عندي وافصل وافتكر اللي انا كنت زعلانه من ايه وليه ببقا كئييييبه موت ممكن اكون مش مرتبه كلامي لاني مهيبره حالياً ارجوا المعذرة المهممممم علي قد كده بردو اني اجتماعيه اني بتقفل من الناس بسرعه وبس بحسها بمزاجي مش عارفه يعني مثلا انتي او القارئ احنا اصحاب حلوين جدا ممكن بلا سبب بلوك 🥸 اولالا اكيد بيبقا في سبب او مش عارفه اصل انا لما اكون متضايقه اوي ببعد الناس عني من غير ما يكونوا عملوا حاجه او مثلا ممكن نتكلم واتقفل من الشخص بمجرد انه اتقالت حاجه عاديه بس في وقت انا ترجمته علي حسب مودي ف اتضايق واتقفل وابعد او انا لما بكون مثلا لو حد عمل حاجه ضايقتني مش بواجهه ده لا ببعد خوفا علي جرح مشاعر الجثه اللي جرحت مشاعري مثلا عادي فاهمين حاجه وبتجاهل بقا لو مثلا شوفت الشخص او جه كلمني او حاجه بتجاهله تماما فتفتكر اني بكرها مثلا وانا اصلا اكتر حد عبيط ومتسامح والله العظيم انا لو حد آذاني احتمال كبير جدا اسامحه وعادي مش هبقا متضايقه وهنسي الموضوع اصلا دي ميزه حلوه بس مش كل الاوقات صراحه المهم مسا مسا علي الناس التعبانه اخوتي واحبتي في الله أحبكم 🥸💗

عارف لما تبقى احسن حد في الدنيا بيدي نصايح بس بتتقهر لأنك عارف انك مش اهل للنصيحة دي وانت اول واحد محتاجها لما تبقى اكتر حد في الدنيا بيعرف يفهم الي قدامه ويتفهم تقلباته المزاجية بسبب ايه وتعرف تقرأ الي قدامك كأنه صفحة كتاب بس لما الموضوع يتعلق بيك بتبقى تايه لأبعد الحدود ولا فاهم نفسك ولا عارف انت عايز ايه ولا عايش ليه مش عارف تكتشف نفسك زي ما بيقولوا الشعور ده اسوأ حاجة بجد اتمنى لو بعرف افهم نفسي زي ما بفهم الناس

We listen and we عاداتات وتصرفات عنكم غرييه اترك الساحه لكم انا مثلا مزاجيه جداا واللي بحبه انهارده ممكن اكره بكره عادي +مبحبش حد يهتم بيا زياده ومبحش ارد علي المسجات ولا المكالمات +بهتم باالي بحسه محتاجني بس واول مااحس انه خلاااص ببعد