تقليد

Strawberry_77311 🇪🇬

منذ 17 ساعة

شعور ضاق ذرعًا

جماعة في حاجة محيراني ومضيقاني .. عندي واحدة ف عيلتي كل أما اعمل فعل لازم ترده بالحرف و لو قولت حاجه معينة لازم تقول أنا كمان حصل نفس الكلام و دايما واحدة معايا وضع الهجوم سواء قولت كلمة بهزار أو لا بتاخدها ع الحامي اوي ولازم تردها بنفس الطريقة و اي حاجه اعملها تعملها زيي ولو قولتلها اي نصيحة تحس ان

Sugar_86730 🇪🇬

منذ يومين

شعور محبط

عبّر عن شعورك بشكل مجهول

السلام عليكم ورحمة الله وبركاته 
صاحبه عمرى انا بعزها اوى وبحبها اوى واكيد بيحصل بينك وبين الشخص اللى بتحبه خناقات اوقات انا وهيا دايما بنتخانق وبنتصالح علطول كل خناقتنا بتكون على الشات واحيانا لا بس دايما مجرد اننا نتكلم مع بعض انا اضحكلها وهيا تضحكلى وبكده بنكون متصالحين ومن كتر حبنا لبعض كل الناس اللى تعرفنا بيستغربونا اوى بس الغريب انا دخلت كليه وهيا دخلت نفس كليتى بس كريديت فى الاول كنا بنحسب اننا كده هنبقى مع بعض وكنا فرحانين اوى وهيا لما قالتلى هقدم فى نفس كليتى كنت هطير من الفرح بس بعد كده عرفنا انه كل واحده هتبقى لوحدها عيا زعلت اوى وانا مخفيش عنكم زعلت بس حاولت اقولها عادى يا بنتى اهو فى نفس الكليه ونفس القسم مفرقتش هنشوف بعض وان مشوفناش بعض اهو نكلم بعض دايما ومن هنا حسيتها بتتغير باقت دايما تجيب نفس لبسى وحبنا لبس كتير مشابه وتقولى نلبس زى بعض انا فى الاول كنت فرحانه اوى ومش هيفهم قصدى غير الاتنين الصحاب اللى بتحسهم تؤام وبيحبوا يلبسوا زى بعض بس باقت كل ما نلبس زى بعض تحسسنى انها احسن منى مبرضاش ازعلها واقولها ما شاء الله تبارك الله انت جميله خالص وانا جميله برضه تقولى لا انا اجمل منك مع انى بجد بيتقالى من كل زمايلى انى اجمل منها بقت تجيب لبس من ورايا ولما تعرف انى محوشه وهروح اجيب لبس تقول لمامتها وتجيب زى بقت كل الهدوم بتاعتى اللى بلبسها هيا عندها زيهم بالظبط وعاد على لسانها قدامى وقدام الكل انى بقلدها مبرضاش احرجها وبسكت بقول هيا صاحبتى برضه بس اكره ما عندى انه حد يقولى انت بتقلدينى فى اسلوبى وفى كل حاجه مع العلم لما تعرف انى جايبه دريس او فستان مش معرفاها انى هجيبه بلاقيها زعلت واتقمصت وانا كذا مره بتخنق ومش عنت بكلمها  زى الاول دلوقتى بقى بتبعتلى وتعيط وتقولى هو انت عايزه تتهربى منى وعايزه تبعدى عنى وخلاص وبعتالى رساله عتاب طويله عريضه وانا عايزه ابعد بس حبى ليها مخلينى مش عارفه اخد قرار هيا اقرب حد ليا بس محدش متخيل هيا بتحطم فيا وتحرجنى ازاى قدام صحابى الجداد اللى فى الكليه اللى فعلا خدوا عنى فكره انى انا اللى بقلدها بسببها ياريت حد يفيدنى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_77311 🇪🇬

منذ أسبوع واحد

شعور ضائع

سؤال انا بنت وليا صاحبتي بقالهال ١٠ سنين معايا وانا نقلت لبيت جديد من ٤ سنين و هي مجاتليش بسبب ظروف موت والدتها و كده و جتلي من يومين المهم أن هي من اول ما دخلت تقول علي كل حاجه ف البيت جمل زي ( زي اللي عندنا ) نفس الحاجة ديه عندي .. انا هجيب نفس الحاجة ديه وأما مثلا تلاقي اي تعب ف جسمي تقولي ماما ك

Mango_77536 🇪🇬

منذ 3 أسابيع

شعور محبط

عبّر عن شعورك بشكل مجهول

هو ليه بجد بقى صعب دلوقتى أو قليل الواحد يشوف واحدة كويسة و سوية نفسياً و تفكيرها سوى أنا نفسى اخطب و الأقى واحدة كده اتقدملها بس مفيش بجد ،معظم الموجودين( عشان منعممش برضو )كلهم بيرتبطو من ورا أهلهم و اللى مرتبطة بواحد و يكلمو و تخرج معاه عادى و يروحو و يجو من غير ما يبقى فى حاجة رسمية ما بينهم و عادى انما لو حد اتقدملها و دخل البيت من بابه يترفض ده بالنسبالهم وحش و عايزين اللى ماشيين معاه من ورا اهلها ده مع انه أى حد بيرتبط برا حدود الرسميات و (و ده بجد انا شوفته كتير جداً) 90% بيبقى لعب و تقضية وقت مش أكتر، و كمان شوفت كذا بوست على الفيس لبنات بيتريقو على اللى بيتقدم علطول و المشكلة الأكبر بقى لما تدخل على الكومنتات تلاقى كمية بنات موافقة على البوست و بالنسبالهم اه الراجل اللى بيتقدم لواحدة و بيخش البيت من بابه ده وحش أنما هما عايزين العيل (و لازم أقول عيل عشان بجد مفيش حد يتقال عليه راجل يفضل يرتبط بديه و يكلم ديه و يخرج و يروح و يرتبط بغير رسمى ده عيل) و  بعد ما يقضى معاها وقت أو ياخد اللى هو عايزو يسيبها و هى تفضل تشتم فى الرجالة و الرجالة وحشين و خاينين و كذا 😂😂 طب يا حبيبتى هو انتى مشوفتيش رجالة اصلا الرجالة بييجو يطلبوكى من أهلك فى الحلال و رسمى و انتى بترفضيهم و مصرة تمشى مع عيال بيلعبو بيكى و انتى بالنسبالهم ولا حاجة مجرد تقضية وقت مش أكتر.
أنا واحد عمرى ما أرتبط فى الجامعة ولا المدرسة ولا الكلام ده ولا حتى كان ليا صحاب بنات طول حياتى، بقيت وحش فى نظرهم أو هيتريقو عليا لو روحت اتقدم😂😂 أنا و الله مبعرفش أصاحب واحدة ولا أتعرف على واحدة من غير رسمية دايما حاطط حدود على حسب المطلوب شغل أو كده بينى و بينهم ليه بقى و بشوف معظمهم عادى مثلا فى الشغل يهزرو مع واحد عادى و واخدين على بعض ولا كأنهم أخوات.
و لما باجى اتكلم مع حد فى الحاجات دى صحابى أو أى حد بالنسباله ده العادى و انا اللى غريب لدرجة أنى وصل بيا الحال بقيت أشك فى نفسى أنى أنا اللى غريب عن الناس كلها و  هفضل وحيد طول حياتى.
الأسوياء نفسياً و فكرياً(و دى هى أساس الحاجات دى كلها)بقو قليليين جداً ، أن الناس مبقتش أسوياء نفسيا و بيستحلو كل حاجة حرام عادى و مبقاش فيه عادات و تقاليد و دى هويتنا كعرب و مسلمين و تقليد أعمى للغرب و الأقى واحد صاحبى يقولى انا نازل date و مش عارف ايه بيقل فى نظرى بجد. 
مع انى اتعاملت و شوفت أجانب بجد و اتكلمنا فى المواضيع دى كلهم متفقين أن المجتمع الأسلامى و العربى كأفكار و عادات أحسن من عندهم بكتير مجتماعتهم كلها خيانة و خلط أنساب و ده (أستغفر الله يعنى)مش عارف ده أبن مين و كده.
ده حتى أنا شوفت بوستات لبنات أجانب بالنسبالهم البنت أو الست هنا مكرمة و عندها مكانة أعلى من عندهم و مجتماعتهم بكتير و مع ذلك بتلاقى هنا بيتوجهو ناحية الفكر الغربى.
معلش لو طولت عليكو بس الواحد بيفضفض من اللى بشوفه و خايف أفضل وحيد و أكمل حياتى لوحدى وسط القرف اللى بقينا فيه ربنا يرحمنا برحمته يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_79518 🇩🇿

منذ 4 أسابيع

شعور غاضب

ماما تصلي بدون غسل او وضوء وترفض من ينصحها تسمع الاغاني وتؤمن بالمنجمين ولا ترتدي حجاب شرعي بل لبس يفصلها لكنها قررت ترتدي النقاب فوق اللبس الغير شرعي ابدا فقط لانها تأثرت بجارتنا التي لبسته وانا غاضبة جدا لانها ترفض ان تصلح الاساسيات من دينها وترفض النقاش وترفض كل شيئ والان قررت ان لا اتكلم معها ل

Peanut_84060 🇪🇬 انتي بنتها مش هينفع تحسبيها اكتفي بالنصح و الدعاء لها و أن يصلح الله حالها ولكن للاسف مالكيش الحق انك تحاسبيها لأنها بشر أيضا يخطىء

عرض الكل 7 نصيحة

Orange_80634 🇪🇬

منذ شهر واحد

شعور مرتبك

Carrot_80292 🇩🇿 مش ذنبك إنك كنتي طيبة، بس في ناس بتأذي من غير ما تحس. خدي خطوة وابتعدي بهدوء، البلوك مش قسوة هو حماية. رجّعي تركيزك على نفسك وحياتك، واهتمي براحتك النفسية، إنتِ تستحقي السلام. �

عرض الكل 16 نصيحة

عبّر عن شعورك بشكل مجهول

كان عندي صاحبة كانت قريبة مني اوي اوي لدرجة ان على طول بترجع معايا البيت من الجامعه و ماما بتعمل حسابها في الغدا كل يوم 
و كنت بلبسها من لبسي و هي كمان كانت مطمنه عندنا لدرجة اوقات يروح عليها نومه واحنا قاعدين و بتاخد شاور كمان 
وانا بردو روحتلها كام مرة كده علشان عندها اخوات ولاد و كنت يتحرج علشان مبقاش تقيلة 
مكانتش عاوزاني اروحلها البيت لأن البيت بسيط اوي بس اصريت اني اروح علشان اثبتلها ان دي مش حاجه عيب ده غير ان هما ماشاء الله حالتهم المادية كويسة بس بيتهم بسيط 
المهم كانت على طول بتنبهر بأي شئ اعمله في حياتي و أي شئ أقوله و البسه 
خدتها و نزلنا جبنا لبس ليها و غيرت الستايل خالص و بقى جمالها ظاهر اكتر 
لكن كنت بلاحظ انها مبتقولش قدام صحابنا ابدا اني بنزل معاها و انها نزلت لواحدها 
و طبعاً كان الكل يمدح في لبسها و شكلها الجديد و زوقها وانا كنت بضحك ليها و ابصلها و انا مبسوطة 
كنت شاطرة جدا و كشكولي ده محدش بيلسمه ولا حد بيطلب مني محاضرات ابدا و هي عارفه ده كويس بس بردو لاحظت انها بتقلب فيه من ورايا 
بل كمان لما تجيلي البيت تستنى الاوضة تبقى فاضيه و تفتش في كشاكيلي و ال كتباه 
هي كانت دايما تشتكي من أهلها في البلد أنهم بيفضلوا يقولها انها شبه الفلاح ال ابهرته اضواء المدينه( مقصدش اهانه طبعاً الفلاح ده اساسا المفروض يكون أكبر مرتب في مصر بس انتوا فاهمين قصدي ) لقيتها بعد فترة بقت تقولي انت شبه الفلاح ال ابهرته اضواء المدينه 
انا معايا جنسية أوروبية غير المصرية 
كنت دايما اشاركها بتفاصيل سفري و كأنها سافرت معايا و هي كانت بتبان مبسوطة اوي بكده بس في نفس الوقت كنت يحافظ على انها متحسش اني بتنطط عليها مثلاً 
انا مش ملاك انا اوقات كنت بتعصب بس غالباً بيكون بسبب أفعال غريبة منها زي مثلا كان عندي برزنتيشن مهم جدا فا كنت براجع قبل ما اطلع 
كانت هي جنبي بتراجع برزنتيشن ليها هتقدمه بعد شهر بصوت عالي فا خدتها بهزار و قولتلها يابنتي وطي المايك مش سامعه صوت أفكاري 
لقيتها قدام القسمين ال هقدم ليهم البرزنتيشن حرفياً بتشرشحلي 
انا اتصدمت و فضلت ساكته من الخضه لأن متوقعتش كده ابدا و بعد ما خلصنا جت تهزر معايا بعدت عنها و سبتها و مشيت بعد ما زعقت ليها جداً على الموقف المهين ال عملته معايا

المهم يوم ورا يوم و شهر ورا شهر أفعالها ظهرت اوي و فعلاً أمراضها النفسية ظهرت
لدرجة اني كرهت نفسي من كتر ما هي بقت نسخه مني 
انا مؤمنة جداً ان الصحاب القريبين من كتر قربهم بيكونوا شبه بعض في حاجات كتير جدا 
بس مش هيمسحوا بعض و يبينوا قد ايه هما مستائين ان صحابهم زعلانين أنهم بيمحوهم 
كانت شاطرة جدا في قلب الترابيزة

من كتر المرض ال هي فيه عملت حاجه شنيعه
انا وزني قليل اوي بس مناسب طولي 
هي كانت العكس ماشاء الله مليانه يعني 
متخيلين انها مكانتش بتاكل نهائياً لدرجة ان جالها التهاب في المعدة كان داخل على سرطان و كانت بتتقيأ دم لحد ما بقت شبه العصاية حرفياً 
و اهلها كانوا بيزعقولها و يقولولها كل ده علشان تخسي طب خسي بالعقل و هي كانت تنكر ده
و رغم اني بقيت عارفه نيتها كنت باخد بالي من اكلها و اخلي ماما تطبخ الاكل ال بتحبه علشان تاكل لأن بجد كنت بحبها 
فضلت فترة كبيرة شخصيتي متغيرة 
عصبية على طول بتخانق مع اي حد و عياط فجأة يعني نقدر نقول اكتئاب 
كان على طول جوايا خنقة من ان فيه شخص حرفياً بيمتص مني شخصيتي و لبسي و هزاري و مذاكرتي و كل حاجه وانا اتغيرت بقيت شخص لا يطاق
جت الاجازة و حاولت ابعد عنها قدر المستطاع و كل ما تقولي نخرج اتحجج
لحد ما كنت هسافر قريب و هي قالتلي تعالي نخرج 
وافقت 
و خرجنا يومها و كنا بنتكلم عن انا قد ايه موضوع الدراسة ده مأثر في نفسيتي و ان مستوايا قل جداً لدرجة ان الاولاد ال معانا في القسم لاحظوا ( كنت مثلاً لو طلبوا مني اشرحلهم حاجه لاحظوا لاني كل مرة اقول والله ماعرف والله ما ذاكرت )
مش بس صحابي البنات 
المهم لقيتها بتقولي انا رتبت على القسم 
والله والله يشهد عليا ربنا فرحتلها و قولتلها الف مبروك انت تستاهليها والله انا ملاحظة ان مستواكي اتغير ( رغم ان مش ده الوقت المناسب تقولي كده قدام واحده حرفياً منهاره بسبب الدراسة ) 
ردت عليا اغرب رد : انت ليه محسساني ان مستوايا كان وحش كده
قولتلها على فكرة ده مدح المفروض تفرحي مش تعاتبيني 
و بعد شوية قولتلها هو انت كمان شايفه ان مستوايا قل ؟ يعني للدرجة دي اتغير؟ 
قالتلي معرفش اصل مش بركز معاكي (خدوا بالكوا كويس من مش بركز معاكي دي )
قولتلها مش محتاجه تركزي اكيد وانت في حضانه كنت عارفه مين الشاطر و مين ال مش قد كده فا تقدري تقيمي
قالتلي مش عارفه اصل لما ركزت معاكي كان مستواكي كده اصلا و بعدين انا معرفش مستواكي زمان كان ايه
قولتلها انا بقولك على الترم ده مطلبتش تقيمي حياتي  قالتلي مش عارفه مش مركزة ، غصب عني قعدت اضحك و قولتلها انا مصدومه فيكي بجد انت ازاي كده 
قالتلي انت ليه خدتيها بالمعنى ده انت عارفه اني اكتر واحده مركزة معاكي و عرفاكي ليه تفهمي كده ( دلوقتي مركزة ) 
قعدت اضحك تاني و قولتلها أيوة يعني ايه
قالتلي مستواكي بقى كأنك كنت في الدور السابع و بقيتي في التالت ، معرفش ليه اتعصبت و قولتلها لا انت عارفه كويس اني كنت في العاشر و بقيت في السابع فوقي 
بعدها الوضع كام موتر شوية و سألتني هتسافري امتى قولتلها معرفش 
و نهيت اليوم ب اني مقصدش ازعلها و اني عاوزة اليوم يمشي كويس و روحنا البيت
بعد تلات ايام كنت بحكي لبنت عمتي الكبيرة و قالتلي انت انطفيتي و كلنا ملاحظين ده انت مش مضطرة تستحمليها لقيت نفسي مسكت موبايلي مسحت كل حاجه ليها علاقة بيها صور و عملت بلوكات من كل حته و بلاك ليست ارقام و حرفياً خفيتها من حياتي 
بعدها بأسبوع سافرت و في اليوم ال سافرت فيه جدي اتوفى و مكنش ينفع ارجع لأن كان عندي اوراق مهمه اوي بتتعمل 
لقيتها بعتت لأختي تقولها اختك قفلت اكونتاتها ليه و سألت عن جدي الله يرحمه 
بعدها جت تعزي و قالت لماما فين مريم قالتلها سافرت ( للعلم ماما كانت بتحبها اوي و مازالت بس حرفياً مصدومه فيها لان فيه مواقف كتير اوي محكيتهاش و كتبت كتير اوي )
المهم انصدمت ، و لما بدأنا دراسة ( هي الليدر ) اقسم بالله اذياني جامد في دراستي و بتحاول توقعني كتير اوي اوي 
و قابلة على القسم كله كأني جوزها ال طلقها و القسم دول قرايب طلقيها فا بتنتقم
بتعامل اي حد قريب مني معامله زبالة 
انا اتخنقت و قرفت قولولي اعمل ايه لاني ماصدقت بقيت كويسة و اتعافيت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

منذ شهرين

شعور خجول

مش عارفه انا ليه هقول الكلام ده بس هو عامهً مش مشكله و محدش هيستفاد حاجه يعني بس حاسه اني عايزه اقول ان بجد انا بحب اوي المشاعر بتاعه الحب مش لازم يعني حب بين ولد و بنت لا انا بتكلم في العموم بجد احنا اصلا ملامحنا و مودنا بيحلوا لما بنكون مع الناس اللي بنحبهم و فكره انك تلاقي فجأه بتعمل حاجه شخص ان

Strawberry_71160 🇪🇬 عامة اهم حاجة في الحب تحس بالدفى مع اي حد

عرض الكل 2 نصيحة

Grape_73501 🇪🇬

منذ شهرين

شعور ضائع

انا دايما مترددة و دايما مكسوفه بكسف اقول اي كلمه حلوه أو وحشه مع ان ممكن يبقا عادي بس مش بعرف حاولت و مش بعرف بسمع فيديوهات كتير عن ازاي نطور من الشخصيه و كده بس كل ده كلام بنساه و مش بعمل بيه و لابفتكرو اصلا و بدائت احس اني بقلد اللي حواليا ده عمل كده اعمل ده انا كمان مش ف كل حاجه برضو بس بحس ان د

Donut_72472 🇪🇬

منذ 3 أشهر

شعور مرتبك

عندي مشكلة ممكن تبقي تافهة للبعض بس بجد وصلتني لعدم ثقة في النفس انا عندي صحبة قريبة مني جدا وكويسه، واختي أصغر مني بسنتين ، المهم اني عرفت اختي علي صحبتي وبقينا صحاب كلنا. لما ببنزل لازم اختي تبقي معانا لان صحبتي حبيتها ولاكن بعد مرور وقت بدأو هما يتكلمو اكتر وبيتكرفلي كتير ،وانا مش هبلة يعني

Mango_71567 🇪🇬 مشكلتك مش تافهة خالص، وكل اللي بتحسي بيه مفهوم. خليكِ على طبيعتك، واللي يحبك بجد هيقبلك زي ما أنتي. رأي الناس مش دايمًا يعكس حقيقتك

عرض الكل 6 نصيحة

Croissant_71322 🇪🇬

منذ 3 أشهر

شعور محبط

موضوع:

وقت حسيت فيه ان قيمتك قليله

لما كنت بحاول اعمل صحاب في المدرسه او الدروس و كنت بحب صحابي اوى لدرجه بخليهم رقم واحد و بقلدهم و مش بزعلهم أبدا و بعدين الاقي كل مره انى بالنسبالهم محصلتش حتى رقم عشره و بعرفها ب اوحش طريقه

Carrot_70253 🇪🇬

منذ 3 أشهر

شعور غاضب جدًا

موضوع:

نهاية مؤلمة لعلاقة صداقة

والله كنا سنتين سوا أنا و هي ، و كانت جاية جديد للمدرسة و كانت انطوائية كونها لسه مش عارفه كله ، لكن أنا قربت منها والله فضلنا حتى اكتر من ٣ سنين سوا و حبيتها جداً ، بس بعدها اول م ٣ ثانوي بدأت قربت من الشطار زي ما بيقولوا و بدأت تتجاهلني و تعاملني وحش رغم إن الناس التانية دي كانت بتعاملها وحش برضه

Mango_67775 🇪🇬 احمدي ربنا والله إن ربنا بعدها عنك لأن الشخصيات دي سامه و لو كانت كملت في حياتك زي الاول تقعد تقيم كليتك و تقيم التخصص و تقيم شغلك اللي هتدخليه و تقيم جوزك و حاجات كتير كانت هتبقى مرهقه و مقرفه لو كملت معاكي ف الحمدلله أن ربنا بعدها عنك و لو تقدري تعملي لها بلوك اعملي و ريحي دماغك منها ❤️

عرض الكل 1 نصيحة

Croissant_21327 🇸🇦

منذ 3 أشهر

شعور مرتبك

يابنات، انا في وحده من العيلة عندي اكبر مني بسنة و نص مثلاً، حاولت كام مره اني ااقرب منها بس للأسف مفيش نصيب تقريبا طبعا انا بنت برضو بس انا معجبة بشخصيتها فكام حاجة كدا و ببعض الحاجات اللي بتعملها، بس بحس إنها مغرورة كدا و تبقا ليها شخصية اللي هوا مش أي حد يبقا قريب مني او صاحبي او كدا فالكام مره ا

Strawberry_60025 🇸🇦

منذ 4 أشهر

شعور مزعوج

Strawberry_59578 🇪🇬 غالباً ممكن يكونو أهلها في البيت بيقارنوها بيكي أو شايفاكي محبوبة وهي منبوذة فقررت تقلدك بس أين يكن طبعاً هي غلطانه ممكن تغيري حساباتك ورقمك وتبعتي لكل اصحابك الا هي لو وجهتك قوليلها عايزة اكون لوحدي

عرض الكل 5 نصيحة

عبّر عن شعورك بشكل مجهول

في واحده صاحبتي كانت بتعرفني على صحاب لأني كنت جديده في المدرسه المهم عرفتني على واحده الواحده دي بقينا بيست فريند على حسب ارادتها و بقت لازقه في حياتي و بتقلدني جدا جدا للدرجه  الكل شك اني انا الي بقلدها انا الي بمشي وراها عاوزه ابعد عنها المشكله مش عاوزه اجرحها بس هي حقيقي تامدت جدا في التقليد اختي قالت لي بقيت احس اني لما بكلمها كأني بكلمك انتي و بقت تاخد ستايلي اي حاجه من الي انا بحبها تعمل زيها  تستخدم نفس الايموجز الي استخدمها حقيقي بقت تاخد شخصيتي بطريقه فظيعه عملت كل حاجه عشان ابعد عنها و اقلل المسافه  بس لما انا بعدت بدأت تظهر شخصيتي فيها بدأت تطلع شخصيتي و خصوصا على النت بس على الواقع بقى مش بتقدر تتعامل بنفس اسلوبي زيي و  عارفين الناس الي بتحاول تعمل نفسها غامضه هي كده بردوا بتحاول تعمل نفسها غامضه و تعمل حركه بعينها معرفش بتعملها ازاي اصلاا الي هي زي دي 😒😏😑 النظرات دي و احيانا بتعمل نفسها كيوت جدا و تضحك ضحكه خفيفه زي بتاعت الفيران و تقعد تقول لك انا قويه انا مافيش حد يقدر يدوس لي على شعرة عارفين النوعيه دي و هي بقى  بتكلم ولد و المصيبه انها بتكلمه عني قلت و انا مش عاوزه ادخل بينهم عشان متجبش ليا مشاكل  انا مالي بالمواضيع الحب و الكلام الفارغ ده  و لما حبيبها لمح لها انه عاوز يسيبها مرضيتش تفهم التلميح ابدا و وجعت دماغي بيه كل شويه كلام عنه حقه الصراحه يسيبها دي حرفيا لازقه و بتحاول تتدخل في حياة الشخص غصبا عنه المشكله انا مكنتش اعرف انها كده و بقيت البيست فريند بتاعتها لما لاحظت بقى الي قلت عليه ده كله بدأت اقلل المسافه بس هي لسا لازقه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_59362 🇪🇬

منذ 5 أشهر

شعور محبط

سوال هو انا الوحيدة اللي بحس ان مفيش حد بيحبني.... بحس اني منبوذة واني وحشه ف نظر الناس... بحس ان الناس اللي بحبهم مش بيحبوني وانهم مش بيهتمو بيا زي ما انا بهتم بيهم.... انا مش بحب حد يبقا مديق مني.... بس هم عملوني وحش ف انا حاولت اعمل زيهم و اني اقلدهم علشان يحسو ب اللي كنت بحس بي.... لقيتهم بيقول

Strawberry_20657 🇪🇬

منذ سنة واحدة

شعور منزعج

عبّر عن شعورك بشكل مجهول

م فاهمه يعنى اى العيب ف ان اكون معارضه تمام لحوار الارتباط او حوار انها تتجوز حد اصغر منها ولو بشهر برضو يجماعه دا شئ انا م متقبلاه 
اولا هو راجل ف المفروض او دا الطبيعي انه يكون هو الى ممشي الدنيا وهو الى عليه اكبر قدر من المسؤليه 
يعنى لازم يكون شخص واعى فاهم متفهم يقدر يعدى وكدا 
م واحد اصغر منى بسنتين ولا كام شهر حبيبتي دا يعتبر ابنك يغاليه دا تجوزيه عيالك دا 
ف يقلبي م ناقصه هبل وان تيجي تقولى انك مرتبطه بالعيل دا ومفكره انه هيتجوزك وهو قدك والمستر لسه ضاربه ع قفاه من شويه 
بلاش احلام تافهه ونصحى شويه لطريق الدين وم معنى ان العالم كله بقا بيعمل كدا ودا بقا شئ عادى ف المجتمع نروح نعمله وننسي الدين قال اى 
وبعيدا عن انه حرام حتى لو اتقدم ليكى حد اصغر منك ووافقتى ف وجه نظرى انك عبيطه
لان الحوار ومافيه فرق السن ليه عامل كبير بينكم ف نرجع لدينا شويه وبلاش كل حاجه تبقا تقليد للغرب وخساره للدين

للتوضيح بس عشان والله تعبت اقرأو صح ياريت انا هنا م بقول انها تتجوز اصغر منها حرام ثانيا م بتكلم عن الناس الكبيره الواعيه الى قادره تشيل مسؤليه اظن انا كتبتها فوق انه لازم يكون واعى ومسؤل 
انا بتكلم عن البنات الصغيره وبوضح فكره ان الارتباط ف سنها غلط وهى بتخلص مشعرها 
ف قبل م تدخل تهاجم وتكلم اى كلمه ملهاش لازمه اقرأ صح او متتكلمش وتكتم عادى دى وجه نظرى وانا حره م مستنيه رائيك فيها رائيك لنفسك اختلفت معايا عادى يعنى م نهايه العالم 
ثالثا ايوه فرق السن بيعمل فرق كبير ف العلاقه يعنى م هجوز بنت 22 لواكد 37 واقول انهم كويسين كدا 
ولا بنت 22 لواحد 22 
ولا لواحد 18 مثلا تختلف من حيث الشخص لشخص لتانى واظن يعنى احنا شايفين معظم الشباب دلوقتي ازاى وبتفكر ازاى وان معظمهم لا فارق مسؤليه معاه ولا غيره 
ان اتكلمت ف نقطه واحده هى ان الارتباط برابط غير شرعى حرام وان الراجل لازم يكون مسؤول وم عيل ف ثانوى ونرجع لكلامى فوق عادى 
ف الاخر متجيش تقولى سيدنا محمد وسيده خديجه

هى البنت لاهى السيده خديجه ولا هو سيدنا محمد يعنى استغفر الله 
ومتجبش حد ع كوكب الارض وتشبه علاقتهم بدول ولا تشبه ان شباب دلوقتي نفس قدر مسؤوليه سيدنا محمد 
سيدنا محمد كان مسؤل عن امه كامله

دا م ملاك عشان يكون هو زيه لا

ونقرأ صح يجماعه ونفهم الخوار م نقرأ اول اربع سطور ونتكلم زى الحمار الاهوج كدا ها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_68953 🇪🇬

نفسي الاقي حد روحه شبهي وابني اسره هاديه

كان نفسي اكون دلوقتي ف بيتي وسط جوزي وطفل جميل شبهنا مش مصدقه اني لسا ف بيت اهلي انا عارفه ومقدره انه نصيب بس مش قادره ابطل تفكير ان واحده زبي متعلمه وجميله ومن عيله محترمه وطول عمري ف حالي مكنش مصدر يجذب شباب جميله ليا لارتباط الرسمي وان كل اللي بيجولي مش مناسبين ومش شبههي انا بس نفسي الاقي حد روحه شبهي وارتاح معاه يكون علي خلق وهادي زيي نفسي اعيش حياتي وابني اسره هاديه وبيت دافي مليان حب وود انا لسا ٢٥ سنه بس حقيقي صحابي كلهم بيتجوزوا ورا بعض وده محسسني بالوحده ...عرض المزيد

7 الدعم

19 نصيحة

Banana_64028 🇪🇬

مش عارفة أقول إيه.. نفسي أقلع الحجاب

ي جماعه انا عندى مشكله انا عايزه اقلع الحجاب الفكره دي بقت تجيلي كتير اووي و حاسه اني مخنوق حاسه اني محبوسه انا مش حابه شكلي ب طرحه مع اني بقالي اربع سنين لبسه و من اسبوع بضبط كنت بفكر اختمر بس مش عارفه اي الي حصلي بجد المشكله اني طبعا اهلي ممكن يموتني لو فكرت بس. اخرك البلكونة ب شعري فا مش عارفه اقلهم اي حولت افتح امي رفضت تفتح معايا الموضوع اصلا انا مش طايقه شكلي و كره شكلي جدا و نفسي انزل وانا حرا كدا و شعري مفرود الموضوع بقا صعب عليا اوي بجد . ...عرض المزيد

0 الدعم

17 نصيحة

Waffle_57478 🇪🇬

حياتي واقفه ومش عارفة ايه اللي يفرحني

حاسه اني مخنوقه متكتفه بحس مش عارفه اعمل حاجه اه بتعلم مع نفسي مجال بس مش كفايه حياتي ناقصها حياة مشكلتي اني مش عارفه ايه اللي بيفرحني انا لما حد بيسألني السؤال دا بعطل قدامه جدا ايه اكتر حاجه نفسي تحصل مش بلاقي اي حاجه في دماغي بجد مش عارفه ايه اللي لو حصل هيبقي سعيدة او ايه اصلا اللي بيخليني سعيدة ...معرفش هل البيئه اللي حواليا من العوامل اللي بتخليني احس بشعور وحش اكتر ولا ايه كل يوم بصحي علي كلام مش بتبسط لما بسمعه اول لما افتح عيني بجد ... مش بسمع كلمه حلوة كله ذم وتنظير ونصيحه مفيش اي كلام حلو برغم أنهم عارفين اني يحتاج دا جدا ممكن اكتر حاجه يتمناها اني اقابل حد احبه ويحبني بس انا رافضه الارتباط انا معرفش بجد حاسه حياتي واقفه انا بجد بقالي 3 ايام في السرير بدون مبالغه بقوم اعمل المهم في اليوم وكول اليوم بسكرول في السرير حياتي ملهاش معني مش عارفه اعمل حاجه ولا عارفه اضيف ليها ولا عارفه ابقي مبسوطة مع نفسي .... المشكله الأكبر اني متوقعه علي نفسي ومش عارفه اتصرف برغم اني مش عيلة صغيرة مثلا لا انا في سن المفروض تكون مرتبه نفسي ومظبطه حياتي اكتر من كدا ولو ظبطها فترة برجع اقع تاني ا........ ...عرض المزيد

0 الدعم

16 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع