هقول دلوقتي حاجه عمري في حياتي ما قولتها قدام حد ولا حتي بيني وبين نفسي بوضوح. انا عندي مشكلة في الدين. انا مش عارفه اي الصح مش مقتنعه 100% بديني.. ف نفس الوقت مش شايفه ولا عارفه اي الدين اللي هيبقا أحسن منو؟ حسه اني بدافع عن حاجه مش ملكي ومخترتهاش مش عندي حجات كافيه تقولي انو دين وحش او غلط بس معنديش حاجه تثبتو في قلبي وبالصدفة البحته وانا بزاكر.. طلعلي فيديو ل شخص ما بيحكي هو ساب الاسلام لي، وحكي شوية حجات الحقيقة انها رعبتني لانها منطقية جدا. بس مش عارفه، انا تايهه جدا وكان اخر حاجه اتمناها اني اقع ف الشك دا، شك في حاجه اتربيت عليها طول عمري وحبيتها جدا. بس انا بجد يعني مش عارفه. بس انا من وانا 13 سنه عندي صعوبة جدا مع الصلاة مثلا، بعيدا خالص عن الدين عمري ما شكبت فيه كنت بقول المشكلة فيا انا اني مش بلتزم رغم ان البيت كلو عندي بيصلي واتربينا تربية سوية جدا واهلي متديينين بس كنت ديما بحس اني بقلد اللي انا بشوفو بصلي عشان لازم اصلي معرفش انا بعمل اي وهل انا حباه بس كان التقليد أريح من التفكير.. اريح بكتير. مش عارفه اعمل اي وحسه اني هطلع خسرانه لو قعدت افكر كتير بجد.
ده حقيقي لو سبتي نفسك لدماغك هتوصلي لحته وحشه حدا حتي جه غلط دينيا ان يبقي في ف دماغك شبهه وتسبها كده روح اسال ببساطه يحجه انتي مش عندك ولا شكوك ولا مشكله ولا اي حاجه انتي بس حد بيفكر كتير ودي ميزة بس لما تتعلمي الدين هتستفاد منها غير كده هتضرك ف اي بقي لو سالتك دلوقتي اذكري لي العشره المبشرين بالجنه قوليلي أحكام سجده السهو هل هتجاوبي! اعتقد لا انتي ببساطه متعلمتيش ف انتي حد بيفكر كتير +عدم تعليم الدين =هبل والحاد ف واحده واحده هنتفق ان شاء الله هل تعرفي زين الدين خير الله معاذ عليان! شوفي فيديوهاتهم
فكري عادي.. مش عيب
اكيد بتتكلمي عن شريف جابر وعلي فكره انتي مش اول واحده تقولي الكلام ده لان الواد الفكره كلها بس بيتكلم بكل ثقه بيحسسك بانك مش واثقه من نفسك ومن دينك بمجرد انك انك شايفه الثقه في عينه وهو بيتكلم انا عن نفسي الواد دا بيقول كلام اثر عليا انا شخصيا لا متقلقيش الموضوع عادي لانك بني ادمه وعندك عقل طبيعي تفكري وتسالي
غتظك حق و حقك و انا سبت الدين من فتره لاني مش مقتنعه
انا كنت شخص مؤمن جدا وبيصلي وقريب جدا من ربنا بس مكنش عندي علم ومش مثقف خالص ف الدين وفي يوم كنت قاعد انا و واحد صحبي هو شخص مثالي حرفيا وكل الناس بتحبه وهو صديق عمري وع الرغم انه نفس سني الا اني واخده قدوه كنا بنتكلم وافتحنا موضوع شبه ده واعترفلي انه ملحد ومش مؤمن وانا اتصدمت وقلت احاول اقنعه بس هو الي اقنعني وبعد سنين بدات اقتنع بس مقلتلوش لحد مقريت واعترفت قدام نفسي اني خلاص ملحد ولما كنت بحس بشك خصوصا لما بيجي رمضان كنت برن ع صحيي علشان كلامو وهزارو بيقنعني وبيريحلي ضميري وبيخليني مفكرش ف الموضوع وافرح كمان اني اتحررت من عقود الدين وصحبي ده توفي فجأه من قريب وبدات حياتي ف جحيم مش عارف هو فين دلوقتي هل ف العدم زي مكان هو بيقول ولا بيتعذب بس بدات ارجع واصلي وبدعيله كتير بدعيله بس مش بيقين كامل زي الاول
اتعلمي عن الدين كويس هتطمني وتعرفي انه الصح مش قصدي انك في جهل لكن قصدي تغذي قلبك وعقلك وتفهمي كل حاجة وتقري تفسير قران وكدا
اقرأي قران كل يوم و فسريه اية اية اقسم بالله انك مش مجرد رح تقتنعي بيه رايحة ترفضي اي وسواس من الشيطان انو يشكك فالدين صدقيني انو الفكرة رايحة تفيدك
هنزل بوست دلوقتي هكتب فيه صلي على النبي
بصي تعملي ايه .. تمسكي ورقة وقلم وتكتبي كل الاسئلة اللي ممكن تيجي فبالك بخصوص الموضوع دا وبعدين تروحي تسئلي شيخ عن الرد على الاسئلة دي وتخليه يفهمك .. لو فهمك يبقى خلاص لو مقهمكيش يبقى تشوفي حد تاني تشرحيله وجهة نظرك
مفيش اي مشكله خدي وقتك
شوفي اي سؤال عندك اي حاجه شاكه فيها أي حاجه عايزه تعرفيها انا هنا موجود وبإذن الله اجوبك باللي يريح بالك وبالسند الصحيح مش كلام وخلاص
خلينا نشوف الأول ايه مشككك ف الدين؟ ايه الحاجة اللي بتفكري فيها مخلياكي كدا؟
اكبر غلط انك تسمعي فيديو لواحد بيقول اقناعات وانتي معندكيش معلومات نهائي+عمرك قد ايه؟؟ عاوزه اعرف حاجه