تقليل

لما الشخص يكذب عليا ويخدعني ويفكر اني غبية مش هعرف أو اني بحبه لدرجة اني هتغاضة عن الأمر. أو لما نكون في نقاش ويقلب الطاولة عليا ويبقى مستني مني الضعف والخضوع. دول تحديدا هي مرة حتى لو روحي في الشخص اتخلص منه هو وروحي معاه

سؤال للبنات بس الشباب عاوزة ترد عادي بس مش هيفهموا فعشان سؤالى للبنات بسسسس ي جماعه لوسمحتوا برضو ترد حصلى موقف كده كنت طلبت اوردر من صيدليه المهم الاوردر ده فاونديشن في بنت تعرف اني مش بحط فاونديشن المهم البنت اللى بتشتغل في المكان ده زميله ف الدفعه وعندها زميله او صاحبه مشتركه ما بينا حصل سوء تفاهم ف درجة الفاونظيشن بعد ما خلصنا وجبت وكل حاجه راحت فتنت للبنت المشتركه بينا اني بحط فاونديشن وتقولى انا استغربت والله انتي بتحطي فاونديشن كأني اجرمت ي جماعه وعماله تقول كلام غير مباشر اللى هو انا مبحطش الفاونديشن ده الا للمناسبات يعني بتحاول تقلل مني اني بحط وكده فعاوزة اخد رأيكم البناااااااات بس

تعبت من فكرة انك لوحدك وان محدش بيشاركك اهتمامك وان حتي أما بتاخد خطوة انك تعمل حاجة لنفسك او بتحبها بتلاقي هجوم أو تقليل من الحاجة مابتلاقيش حد فرح لفرحك حتي لو الحاجة دي عكس اهتماماته لكن يشاركك فرحتك يحسسك انك اخدت خطوة غير أن في الاخر انت بتتهاجم علشان شاركت اصلا وانك مخلي حياتك لناس يقولوا رأيها فيها مع بقي التقليل منك ومن تهميشك وأنهم عايزين يحسسوك دايما انك غبي وانك معندكش شخصية وانك فاهم الاستقلالية غلط وانك مش بتحب النصيحة وعايز رايك انت وبس لمجرد أن أما حد بينتقدك انت بتحاول توضح وجهه نظرك هما ما بيكونوش عايزين يسمعوا وجهه نظرك شايفين أن دة رأينا انت هتقول وجهه نظرك علشان تحاول تقنعنا طب ما احنا مش مقتنعين فيتقال انك مش بتحب حد بينتقدك وما بتحبش النصيحة وفي الاخر يزعلوا انك بتروح تدور علي حد يسمعك وبتدور علي الاهتمام من برة وبرضة بينتقدوك كل ما احس اني باخد خطوة لقدام بيرجعوني لنقطة الصفر تاني بقيت حاسة اني عايزة اتقوقع مع نفسي وخلاص ابعد عن أي حد واي حاجة واحب اقعد لوحدي رغم أن دة عكس طبيعتي خالص بجد تعبت ومابقتش عارفة المفروض اعمل اية

أما تعمل كل الي تقدر عليه وتحاول اكتر من مرة وهو ما يحاولش ولا مرة علشانك، أما يقلل من الي بتعمله ومن محاولاتك ويشوف انك ما بتعملش حاجة اصلا ولو قصرت في يوم يزعل ويلومك ولو انت جبت عليه اللوم أو حاولت حتي انك تعمل زيه يضايق ويقولك ازاي تعمل زيي او لا انا ما بعملش كدة وينكر لانه مش شايف أنه غلطان

بجد اسؤا حاجه عموما حد يحسسك انك قليل مهما بتعمل ومهما عملت دائما شايف انك لسا موصلتش للمطلوب برغم انك بتعمل حاجات كتير اوى عشان شخص ده ميمشيش بس انت بنسباله شخص م مثالى بجد لى يعنى كدددد

انا حاسه بالذنب تجاه نفسي واني كنت اخدت فرصتي وأجلت ثانوية مع اني انا اختارت مأجلش وقولت بلساني ايا كان اللي هيحصل ونتيجة اهون لو اجلت عشان امي ... وظروف اخويا وكده انا في نظرهم متعبتش وقصرت وخذلتهم وضيعت نفسي ودخلت كلية تربية ومكنتش عايزة ادخلها .. مجال مش حباه بدفع تمن حاجة حاجة بتاكل في اعصابي الف مرة وهغير المجال بإذن الله .. لكن انا بحس بالذنب تجاه نفسي واني مستاهلش اللي حصل مقابل دا اخويا اللي حصله دروب ثانوية ومكملش امتحانات وبقاله سنين في الكلية وهو دلوقتي في الاواخر وانا فرحانه ليه جدا لكن انا زعلانه علي نفسي يعني بحس هو فرحان وهو في مكان بيحبه رغم انه جابلنا الكلام وامي بتاخدني بذنبه دلوقتي الاهتمام كله عليه والفرحة كلها ليه والله فرحانه بس انا زعلانه علي نفسي لان بتحطم كل يوم انا كنت علمي علوم .. وحزينة وحاسه اني مكسورة وهما طول الوقت ضيعتي نفسك في الاول وهتضيعي نفسك في الاخر ، انتي ضيعتي خلاص ، انا خلاص رميت طوبتك ، انا كنت عارفه اصلا انك مش هتجيبي مجموع وكنت عارفه انك كذا وكذا .. وكلام كدا بيتعبني والله .. هما بيحاولوا يخلوني احب التدريس عافيه وعارفه كل الكلام اللي بيتقال ومش عايزة اسمعه لان كفاية اوفر انا مش حابه المجال . نقطه بلاش كلام كتير وحاولت ادي نفسي فرصه وكانت اسوأ فرصة عدت عليا حرق اعصاب وبنزين علي الفاضي كتب ب كل ترم 12 مادة بنسبالي حرق اعصاب وتضييع سنين في الفاضي وهتخرج وحزينة يارتني فرحانه احساس التوهه واني مش لاقيه نفسي ، واحساس التقليل من البعض واكن الواحدة عشان ليها طموح بيدفنه الواحد ومتزعليش بكره تتجوزي طب ما ربنا يكرمني عادي بس اي علاقته باني زعلانه واني عندي طموح واحلام وزيادة عليه جواز .. وشخصية تحب تشتغل الواحدة عشان عندها طموح زيادة او مش بتستسلم او ما الي ذلك يبقي الوضع ليه سخرية وليه تقليل من طموح انسان .. يعني انا بحسد الناس اللي مكملتش تعليم اللي زاهدة الدنيا والعالم يعني حاولت افكر في تفكير صحابي معايا في الكلية واريح دماغي والكلام اللي بنهزر منه دا بس الواحد يعمل اي في طموحه واحلامه واصراره علي انه يوصل رغم اني تايهه في المجالات وبحاول الاقي نفسي بعد ما كل حاجة خططتها اتسحبت مني ولا لما يتقالي كل الاحلام دي هتروح لو جالك حد المشكلة الموضوع بيزيد ياريته بيقل يعني بيكون عندي اصرار للشغل وحاجات كتير الواحد بجد نفسه يوصل لمرحلة آمنة فوق كل دا الواحد بيقول الدنيا دي فانية مش مستاهله بس بجد انا طول الوقت في صراعات بجد وبحاول ابقي اقوي ولكن الموضوع صعب ، وندمانه اني اتنازلت وندمانه اني فكرت في اهلي والناس ومفكرتش في نفسي بقول لو اتعاد بيا كنت هفكر في نفسي وهرأف بنفسي وحالتي ومسمحش لحد يتحكم في قراراتي مع اني حاولت دا ميحصلش بس كنت بحاول وبعافر لاخر لحظة حتي وانا كنت تعبانه ... بس محدش كان شايف ولا حد قدر ولا هيقدر غير ربنا ، حقيقي بجد ندمانه ندم مشوفتوش حياة الكلية اصعب بكتير من اي حياة والله انا مش قادرة بجد تعبت وعايزة اموت

يحاول يبين انو جامد ومفيش من دين امو انت او يحاول يقل من الي قعدين معاه علشان يبان جامد الناس الي ذي دي بكرهم نيك ومبحبهمش ولا بحب اقعد معاهم او يحاول يبين ان شخصيتو حلو والعفويه تتصل وكدا

اختي بتغير مني ودينا بتقلل مني في كل حاجه لما كنت في ٣ث كانت ديما تقلل مني مره قولتها لو دخلت طب نفسي اجرب اتخصص جراحه راحت قالتلي انتييي تدخلي جراحه؟ انتي اخرك تحيبي خاجه و ٦٠ في الميه وابوكي يلف بيكي علي الجامعات الخاصه وتدخلي معهد عالي معايا في الاخر ولو لابسه مثلا وخارجه وباخد رأيها في حاجه تقولي شكلك وحش واي القرف ده اكلمها مش بتبصلي حتي مش بتسمع لو كلمتها تفضل باصه في الفون او تشغل الفيديوا عادي ونا بتكلم تهمشني وتكلمني بعجرفه تشتم وبيوصل انها تمد ايديها وبتتكبر عليا وبتستقوي عليا واهلي كلهم عارفين انها مش سالكه وقالولي بطلي تربطي نفسك بيها وتعمليلها قيمه لان كل ما بتعملي كدا هتفضل تقلل منك ودي حقيقه للأسف بس انا مليش اي صحاب ولا حد غيرها وفعلا بحبها ومش بعرف اعاملها بنفس طريقتها بس فعلا خايفه اكبر علي كدا وتتعود ديما اني محتاجلها مش عارفه ازاي اتعامل معاه ياريت اللي عارف يقولي

السلام عليكم، ازيكم يا جماعة... أنا بشوف مشاكل و آراء كتير أوي في التطبيق هنا، و حبيت أخد رأيكم... أعمل إيه لو أمي علطول بتقلل مني أدام الناس و ممكن تتكلم عني وحش أدام التجمعات العائلية، الموضوع مش مرة أو مرتين ده من و أنا صغيرة، عيوبي كلها ادام الناس و ذم في شكلي و قراراتي و تقليل مني بشكل بيوصل للضرب و الشتيمة لو قاطعتها عشان اوقفها أو حتى فكرت امشي عشان مش عاوزة اسمع، بقيت أعمل كل حاجة عشان ترضى و لو شوية بس، حاولت اصاحبها كل اللي خدته انتقاد و خلاص و بابا موقفه سلبي جداً و مش بيدخل نفسه، أنا حالياً في حالة نفسية سيئة و بقالي فترة طويلة بفكر في أفكار سلبية اتجاه نفسي و إني انهي كل شيء عارفة مفيش مبرر بس أنا عشت 21 سنة في التعب ده، ساعدوني

عندي مشكلة معرفش هي تعتبر مشكلة في الشعل ولا فيا انا، انا كراجل مش بحب بنت تعاملني بطريقة وحشه او احسها اعلى مني بطريقة كلامها و اظن ان ده طبيعي جداً عند اي راجل و الفكرة ان في الشغل عندي هي مش مديره ليا لا هيا بس وسيط مبيني و بين العميل و طريقة كلامها حلوة و بنهزر و بنضحك بس اوقات بحسها بتبقى عايزة تعمل اللي في دماغها حتى لو هو غلط بالنسبه لشغلي يعني في مره عملت حاجة في الشغل و كان المطلوب ان يكون لونها بنفسجي غامق ف نفذت و بعت و هيا شافت قالت ده اسود و قولتلها لا د بنفسجي و قالت والله اسود فتحه شويه ف صورت بتلفوني و بعتها لما عملت زوم و وضحت اللون قالت لا فتحة برضوا ليه قالت كده معرفش و في مره واحد من نفس شعلي انضم للتيم ف بكلمها بتقولي ده سريع جداً و اسرع منك و جودة شغله احسن من شغلك و بيعمله في نص الوقت ف انا اتجننت لان في اكتر من نص معرفتي بيقولي انت ازاي سريع كده ف المهم طلبت اشوف شغله لقيت شغله كله Ai و لعب عيال و بيخلص الشغل اللي انا بعمله في اربع ساعات في ساعة ف انا بقولها لا ده انا لو هطلع الشغل ده والله كتير عليه ساعة انا اقدر اطلعه اقل ف المهم جت في مره و قالت هو طلع لعميله عندك انت كنت بتغيب فيها 6 سعات في ساعتين قولتلها وريني قالت كمل شغلك و لما اصريت وراها قالت لا انت قصدك علي العميله دي لا د لسه هيعملها و لما يعمل هيبعت و النهاردة بعتت فيديو بتقولي خليه عندك عشان يبقى مرجع ليك لما تشتغل ف قولتلها انتي عايزة اخد مرجع من واحد بيشتغل بالذكاء الاصطناعي ونا بقالي اكتر من 4 سنين شغل؟ قالت مش بالسنين هو فعلاً بيطلع شغل احسن منك ونا اتجننت بقى قولتلها فين الشغل ده و بعد ملقيتها فعلاً مش فاهمه حاجة قولتلها انتي صح انتي قد الدنيا و كلنا بنتعلم منك و قلب احمر و الايموجي ده 😍 ف هي عادتا مش بترد علي الكلام ده لما بشكرها او بمدحها ف هي ردت في دي و قالت انا عارفه والله تسلم مع العلم ان الحوار ده حصل مع واحد صاحبي مش طريقة الكلام بس هو متفق معايا انها مش فاهمه ف اللي انا عايز اوصله بقى بعد كل ده اني عايز اقول للمدير حاجة جزرية لاني اشتكيتله اكتر من مره و الموضوع متحلش ولا مره ف انا الحل الي في بالي حاليا اني اسيب الشغل معاهم و الرزق علي ربنا بس اللي غايظني اني هسيبه عشانها، مع العلم انها لما بتشتكي للمدير عليا في يوميها بلاقيه بيكلمني ف عايز حد يفيدني عشان بجد الشغل بتاعي كله ضغط اعصاب و اللي هي بتعمله ده بتخليني مصدع طول اليوم و مش بعرف اشتغل و مش طايق نفسي ده غير كميه الضغط النفسي اللي بيحصل في الشركة عمتاً

دلوقتي انا عارف ان كلنا هنا تعبانين وزهقانين وبندور ع الدعم من الناس كلنا هنا عندنا مشاكلنا ومينفعش مينفعش خااالص أن نقلل من مشاكل الناس اي كانت المشكله لو بالنسبه ليك تافهه في بالنسبه لصاحبها أو صاحبتها كبير هتقدر تساعد يبقي كتر خيرك مش هقدر يبقي خلاص منزودهاش

مش بستفاد حاجه لما بحكي بالعكس بندم دايما مشاعري بيتقلل منها ممكن انا بقولها بشكل غلط بس مش المفروض حد يقلل منها و بعديها بحس اني متعريه حرفيا مكشوفه و مش مسترحه حد فاهمني (نكمل الحروف بأي حاجه)

لما بتعامل مع حد بتعامل معاه علي أساسه هو تعليمه حياته ظروفه الشخصيه ظروفه في العموم موش بحب اشوف نفسي علي حد فيقوم الشخص دا بقااااا فاكرني زيو فيبدأ يقلل مني ... اللي هو والله !! انا لو اتكلمت معاك علي اساسي انا موش هشوفك

السلام عليكم ورحمة الله وبركاته عاملين ايه عندي سؤال هما ليه بيعملوا كده بجد ليه اهلنا بيعملوا معانا كده بجد ليه بيتعاملوا معانا كده جماعه انا هرغي كتير معلش وهحكي مواقف كتييير اولهم انهارده انهارده حصل موقف عادي جدا غلطه ممكن تحصل من اي حصل رأكشنهم قالوا كده بالحرف انا كرهت العيشه معاكوا وكرهتوا دي حياه ايه الارف ده مرقف تاني ماما وبابا سافروا السنة اللي فاتت تقريبا حوالي شهر كده انا جايه اقول ان ده كان اسعد شهر ف حياتي بجد مع انهم مكانوش بيسألوا والله كنت ف الفتره دي تعبانه اصلا وكنت علطول عند دكاتره وكده مكنوش بيسألوا لو اتصلوا حرفيا مكالمه لا تتعدى الخمس دقايق بس الحمد لله كنت عايشه من غير مشاكل مكنتش متخيله اني هقول كده بجد بس ده احسن شهر عدى عليا المهم موقف تاني كانوا راجعين بقى من السفر وكده واحنا قبلناهم وكان معانا صاحب بابا المهم هو بيسأل ماما العيال موحشوكيش قالتله بالحرف والله ابدا طب احنا موجودين طيب راعينا شويه اي حاجه الفكره انها كانت بتحكي الموقف ده لحد وبتضحك ووخداه joke وهي مش قادره تستوعب ان بجد الموضوع يضايق بحس اني بشحت منها الاهتمام بقيت منعزله عنهم اي حاجه برا البيت بالنسبالي احلى بكتير اوي حاجه تانيه انها علطول بتقلل مننا ادام اي حد دول مش بيعرفوا يعملوا حاجه دول مش نافعين ف حاجه بجد الموضوع بيضايق جدا بجد مش قادره تستوعب ده كمان يجماعه بقعد كتير اوي شيلاها اكيد بيجي عليا وقت واقصر بسبب مذاكرتي وان انا اصلا بتعب بسرعه ف ببقى مش قادره اعمل اي حاجه والله بس بقوم وبعمل عشانها مش بتقدر ده بجد مش بتقدر اي حاجه بنعملها اقسم بالله بتقعد تقولنا انتو بنات انتو يبقى عندي بنات وانا اللي اقف واعمل ده انا النفروض اقعد وانتو تخدموني وكلامي هنا مش قصدي انها تخدمنا ولا الكلام ده والله بس تراعينا ان احنا عندنا مذاكره ودروس وبنيجي حرفيا من الدروس هلكانين محتاجين نرتاح لا ندخل نلاقي نكد ف البيت الواحد مبقاش عارف يقعد ف البيت من كل الارف اللي فيه بجد حاجه كمان بجد ودي مستفزه جدا عندي اخوات صبيان مهملين جدا يعني بطبيعه معظم الشباب وكده حرفيا بيهدلوا الدنيا ويوسخوا واحنا بنروق مكانهم ومش بيعجبها لما نقولها م هما مش هيبهدلوا واحنا نلم ومكانهم وبجد بهدله مش طبيعيه وفي الاخر لو مروقناش مكانهم احنا اللي ناخد التهزيق كله بجد الوضع بقى مقرف بجد مبقتش قادره اتعايش ف البيت اسفه على الاطاله بس بجد انا زهقت

انا مقتنعه جدا جدا ي اصدقائي أن محدش بيحب حد احسن منه حتي لو اخوك او اختك اللي من دمك (اقرب الناس ليك) ؟؟؟🥲💔 دا السؤال اللي كنت بسأله لما كان اي حد يقولي كدا بس اكتشفت مؤخرا للاسف أنه ايوه محدش بيحب ولا عايزه حد احسن أو افضل منه عندي اخت اكبر من ب ١٠ سنين هي اللي مربياني الحقيقه، اتزوجت وانا لسه ف اولي ابتدائي كنت طلفه لسه بتتعرف علي الحياه معرفش يعني ايه يكون عندي اخت وسري يكون معاها ونكون اصدقاء علاقه كدا اكيد اللي مجربها هيفهمها. لكن انا عمري ما حسيت أنها قلبها عليا عمرها ما نتصحتني ، عمرها ما خدتني ف حضنهااا لما دخلت الثانويه العامه كانت بتقول عليا مش هنفع عمرها ما شجعتني علي دا لما كنت بروح اتكلم معاها في حاجه مزعلاني كنت بشوف في عينيها نظرة الشماته فيا تسمع وماتردش قد ايه كان نفسي لما اخلص كلام اترمي ف حضنها واعيط مش عايزه اسمع حلول أو اي كلام من اي نوع كنت بس محتاجه أن حد يفهمني ارقامنا عند.بعض عمرها ما لقيتها بتتصل بيا تطمن عليا لازم انا اللي ابدأ وانا اللي اسأل مين ي جماعه اللي المفروض يسأل ع التاني الكبير يسأل علي الصغير ولا العكس دايما بتقارن نفسها بيا مثلا تقولي وانا ف سنك دا كنت بعمل وبعمل انتي دلوقت بتعملي ايه يعني دايما بتقلل من زعلي وبتفه من مشاعري وبتسخر مني وكل الكلام دا ميعبرش عن واحد ف الميه عن الشعور اللي بحسه من كلامها لان مش كل حاجه ممكن يوصفها الكلام دعواتكم ليا..