عندي مشكلة معرفش هي تعتبر مشكلة في الشعل ولا فيا انا، انا كراجل مش بحب بنت تعاملني بطريقة وحشه او احسها اعلى مني بطريقة كلامها و اظن ان ده طبيعي جداً عند اي راجل و الفكرة ان في الشغل عندي هي مش مديره ليا لا هيا بس وسيط مبيني و بين العميل و طريقة كلامها حلوة و بنهزر و بنضحك بس اوقات بحسها بتبقى عايزة تعمل اللي في دماغها حتى لو هو غلط بالنسبه لشغلي يعني في مره عملت حاجة في الشغل و كان المطلوب ان يكون لونها بنفسجي غامق ف نفذت و بعت و هيا شافت قالت ده اسود و قولتلها لا د بنفسجي و قالت والله اسود فتحه شويه ف صورت بتلفوني و بعتها لما عملت زوم و وضحت اللون قالت لا فتحة برضوا ليه قالت كده معرفش و في مره واحد من نفس شعلي انضم للتيم ف بكلمها بتقولي ده سريع جداً و اسرع منك و جودة شغله احسن من شغلك و بيعمله في نص الوقت ف انا اتجننت لان في اكتر من نص معرفتي بيقولي انت ازاي سريع كده ف المهم طلبت اشوف شغله لقيت شغله كله Ai و لعب عيال و بيخلص الشغل اللي انا بعمله في اربع ساعات في ساعة ف انا بقولها لا ده انا لو هطلع الشغل ده والله كتير عليه ساعة انا اقدر اطلعه اقل ف المهم جت في مره و قالت هو طلع لعميله عندك انت كنت بتغيب فيها 6 سعات في ساعتين قولتلها وريني قالت كمل شغلك و لما اصريت وراها قالت لا انت قصدك علي العميله دي لا د لسه هيعملها و لما يعمل هيبعت و النهاردة بعتت فيديو بتقولي خليه عندك عشان يبقى مرجع ليك لما تشتغل ف قولتلها انتي عايزة اخد مرجع من واحد بيشتغل بالذكاء الاصطناعي ونا بقالي اكتر من 4 سنين شغل؟ قالت مش بالسنين هو فعلاً بيطلع شغل احسن منك ونا اتجننت بقى قولتلها فين الشغل ده و بعد ملقيتها فعلاً مش فاهمه حاجة قولتلها انتي صح انتي قد الدنيا و كلنا بنتعلم منك و قلب احمر و الايموجي ده 😍 ف هي عادتا مش بترد علي الكلام ده لما بشكرها او بمدحها ف هي ردت في دي و قالت انا عارفه والله تسلم مع العلم ان الحوار ده حصل مع واحد صاحبي مش طريقة الكلام بس هو متفق معايا انها مش فاهمه ف اللي انا عايز اوصله بقى بعد كل ده اني عايز اقول للمدير حاجة جزرية لاني اشتكيتله اكتر من مره و الموضوع متحلش ولا مره ف انا الحل الي في بالي حاليا اني اسيب الشغل معاهم و الرزق علي ربنا بس اللي غايظني اني هسيبه عشانها، مع العلم انها لما بتشتكي للمدير عليا في يوميها بلاقيه بيكلمني ف عايز حد يفيدني عشان بجد الشغل بتاعي كله ضغط اعصاب و اللي هي بتعمله ده بتخليني مصدع طول اليوم و مش بعرف اشتغل و مش طايق نفسي ده غير كميه الضغط النفسي اللي بيحصل في الشركة عمتاً
انا لو منك تريح. دماغك منها تبقي بارد. معاها خليها تتجن اكتر واديها علي دماغه اعمله حدود متخليش تمسك عليك غلط واحده واشتغل وانت شايف ان حاجة صح وهتدمر الشغل عليك وعلي مدير بس تكون واثق ان حاجة ده صح
صدقني نصيحه ليك من بنت اهو اتعامل ببرود وده هيجننها انا اي حد بيكون أسلوبه بالشكل ده وضاغط عليا بتعامل بمنتهي الهدوء وبروده الاعصاب حتي لو بغلي من جوايا بسبب التصرفات وخليك عارف أن ده مكانك وبما أن في ناس كتير معترفه بشطارتك في مجالك متخليش واحده رأيها ميهمكش في حاجه تأثر عليك هي مش المديره وتجاهلها وحط حدود زياده عن اللزوم في الكلام هتلاقيها خفت كلام بالاسلوب ده وتتعدل
لو لا ف انا بقولك امشي فعلا بس الاول دور علي فرصه تانيه ومتعرفش حد انك بتخطط لكده عشان عنصر المفاجأة في النهاية
البنات اما تحس ان فيه حد احسن منها بتعمل كدا وهي ف دماغها ان دا اسلوب هيخليك تشتغل اسرع واحسن....دور ع شغل ف مكان تاني واول ما تلاقي فرصه كويسه بلغ مديرك وهي عاملها بكلاحه وقلة ذوقك...فلان بيعمل احسن منك واسرع منك قولها حلو ابعتيله يشتغل الشغل دا...خد دا يبقى مرجع ليك واتعلم منه قولها مش عارفين من غيرك هنشتغل ازاي بس وارمي فالزباله هي عارفه انها مش فاهمه حاجه ف بتحاول تعمل اي كلام وخلاص