تقييم

استوعبت النهارده اني شخصية كثيرة الإنتقاد بمعنى اني بطلع عيوب في حاجات كتير بحبها، بنتقد تصرفات ناس حواليا. كل النقد دا في ذهني بس مش بصرح بيه لحد بس بحس اني مبيعجبنيش حاجه، يعني ممكن ابقى بتفرج على مسلسل ومبسوطة وكله تمام الاقيني برضو بنتقد التمثيل أو الأحداث والحبكة الدرامية مع أنه في المجمل حلو وعاجبني. بحب برضو أقيم كل حاجه حواليا الاكل والناس واي تجربة في العموم بديها اسكور. من كتر الانتقاد والتركيز في التفاصيل بكره الحاجه أو الناس وبركز في عيوبهم بس مع انهم زي الفل. الموضوع مش اكستريم اوي بس مزعج لاني مش بعرف استمتع بالحاجه زي ما هي بعيوبها أو بعدم مثاليتها

جديده دي بقا حوار بيني و بين احدهم ..و دا بجد مش هزار هي = أنا مش مرتاحه أنا = طب ليه احنا امبارح اتكلمنا كتير و هزرنا كتير و كنا تمام و مبسوطين اكتر من ٣ ساعات و كلمت ماما و ماما هزرت و كانت مبسوطه في ايه هي = اصل انت شيك و كاريزما و شغلتك اي ست تتمناها و بتعرف تتكلم كويس كدا اوي و بتخطف و فاهم ف الستات اوي و ادام انت كدا ف انت اكيد بتاع نسوان و توكسيك 🤦🏻 انا = ضحكه خفيه بيني و بين نفسي و موهوم أنا = بس كدا يعني دا تقييمك بعد كل دا ؟؟ هي = اه أنا مش متطمنه و مش حاسه ان كل دا موجود ف راجل و يبقا عادي كدا و هيتجوز فعلا و ممكن يكون جد و ادام انت فيك كل دا تبقا اكيد توكسيك طبعا و بتاع نسوان و ف الاخر تقول معلش أنا مشفتش منك حاجه وحشه بس انت غريب و أنا خايفه انا = طب يا سيتي شكرا و ربنا يوفقك مع عيل بشخه و مقطع و مهلهل ف نفسه و مش لاقي ياكل عشان تقتنعي انه كويس و تبقي مرتاحه راحت معيطه و ماشيه اقولها ايه طيب