تكرار

ممكن حد يقولي الحل ايه في الوسواس واني مش متاكده دايما من اي حاجه الموضوع عادي بس لما بيزيد بيكون متعب انا مش قادره اشخص لو دا وسواس قهري او لا بس علطول مش متأكده من اي حاجه وممكن اروح اتأكد من الحاجه عشر مرات و اجي ادخل انام مثاا اقعد افكر بردو قفلت الباب ولا لا مع اني متاكده اني قفلته وكدا في كل حاجة بقى وانا صغيره كنت كدا و اكتر من كدا بكتير كنت ممكن اقوم من النوم مخصوص عشان مش متاكده مثلا البلكونه مقفولةولا لا و اقوم اتاكد و ارجع تاني واروح اتاكد و الموضوع وقتها يعني والدتي قالتلي لو قعدتي تعملي كدا هنوديكي ل دكتور و هيديكي حقنة و خوفتني من الموضوع فا سكتت شوية و الوقتي حاسه بدات ارجع كدا تاني الموضوع مرهق

نفس الدوامة كل مرة هل في جديد؟ لا مفيش الدوامة دي لما بتشتغل حرفيا لو الدنيا كلها اتشقلبت مستحيل تخرج منها، محتاج بقا تخليها متشتغلش من الأول ازاي بقا معرفش افتكرت ضياء العوضي وهو بيقول علاج جرثومة المعدة هو استئصال المعدة، لما الجرثومة متلاقيش معدة مش هتجيلك اصلا دلوقتي علاج الموضوع هو استئصالي انا شخصياً من الحياة

ازاى الانسان يبطل عشم يعنى ازاى الحاجة دى كل مره بتاذينى و انا ارجع اعشم نفسى تانى انها المره دى هتتغير و تبقى احسن ز ترجع تاذينى تانى دايرة مفرغه مش عارف اطلع منها مع اول لمحة عوده مبقدرش امسك نفسى

طالما احنا كلنا بنكره الابليكيشن دة ليه لسة هنا؟ حد فكر انه إدمان؟ لقيت كتير مدمنين نفس الاب مش لوحدي وكذا مرة نمسحه وننزله تاني، ليه الموضوع قلب معانا بإدمان وايه المتعة اللي مش قادرين نستغنى عنها هنا

بحس اني مش لوحدي الي عندي المشكله دي و هي أني لما بزعل بقعد شويه زعلانه بعدين اتعامل عادي مع الي زعلني عشان افك عن نفسي مش عشان انا متقبلاه أو مسامحاه و بعدين هو بيفتكر اني عديت الموضوع خلاص واني مش زعلانه ويتعامل عادي امنه معملش حاجه ولما يرجع يقول حاجه تدايقني ولو شويه ارجع لنفس حالة الزعل و مبقاش طايقة حاجه خالص و بحس اني لما أزعل بهون على نفسي و مزعلش بعدين ارجع ازعل تاني بسرعة

عارفين يا جماعه لما تحسوا انكم معملتوش أي حاجه في حياتكم لما تحسوا أن كل اللي حواليكم بيمشوا لقدام وانتم ترجعوا لورا الف خطوه ومش قادرين تتخلصوا من الفشل تحسوا أن ده انتم وده قدركم قلت الكلام ده كتير الغريب اني لما بيجيلي فرصه تانيه مش بقدر احسن الوضع بحس اني في حاجه بتمنعني حاجه قاعده على قلبي وعقلي بحاول اتغير بس بحس أن كل كائن على وجه الأرض ضدي كل حاجه هي هي بتتكر بنفس التفاصيل بنفس الوجع نفس الحرمان نفس النقص عارفين من كتر ما كل حاجه بتتكر بنفس التفاصيل بطريقة مرعبه حاسه اني في دوامه مش هتتكسر إلا بموتي يمكن تشوفوا كلامي اهبل لكن الوضع مرعب لأقصى درجة انا بمر بأبشع تجربه في حياتي لحد دلوقتي بجد نفسي انتحر بس خايفه مش خايفه من الموت نفسه خايفه من وصف العذاب مش هستحمل جسمي يدوب في النار الى مالا نهايه وده بيدمرني اكتر بحس اني مجبره على كل حاجه حد ييتحكم فيا اتمنى تكون نهاية كل ده رحيمه

اغلب مشاكلنا شبه بعض باختلاف الشخصيات حلقه مبتخلص ودايره بتكرر مفيش جديد كلام إيجابي يغير العالم بردوو مفيش حاجه تحس إن كل شويه بترجع لنقطة الصفر تاني مفيش جديد لدرجه انك حفظت السيناريو ربنا يعدي الايام دي على خير

الواحد قرف وزهق من وضعه، مفيش جديد السنه دي زي الي قبلها والي قبلها وحياتي زفت لسه ومكرره جدا، عاوز اتغير واعمل اي حاجه بس مش عارف، عاوز انزل اشتغل واعمل فلوس واعمل اي حاجه نفسي فيها بس مش عارف، مش لاقي شغل فلوسه حلوه، الي موجود استعباد حرفيا مش شغل، فعلا الحياه في مصر مش حياه، اتمني من كل قلبي اعرف اخرج منها

ليه تاني ليه تاني نتكلم و يتقالي كلام يضايق ليه ما كنا خلاص خلصنا موضوع و خلص حاجة و خلصناها خلاص ليه تاني نفس الحاجة و نفس الكلام ليه هنستفاد ايه يعني لما نضايق بعض يعني هنستفاد ايه ولا حاجة 🙂

خاوتي عندي سؤال يعني الشخص لي يغلط دايمن و كي تصارحو بأنو خطأ في حقك و اعترف و ندم و طلب السماح و بعد مدة رجع عاودها يستاهل فرصة اخرى؟ مع لعلم انو ماشي مرة و ماشي اتنين يدير نفس الخطأ و يطلب السماح و لكن يعاود يديرها !! راني حاير والله

كالعاده مفيش جديد مفيش تفاصيل جديده ولا أخبار جديده ولا اي حاجه نفس اليوم بالتفاصيل والأحداث اختلاف حاجات بسيطة يمكن الجديد إن مفيش حاجه جديده سواء في البيت الشغل حياتك الشخصية صاحبك

بتكرر نفس السيناريو مراكماات مراكمات وصولا لاخر وقت خالص والفرق عن قبل كدا ان مسؤولياتك (اللي حطتها على نفسك زادت ) ادركت فعلا وصدقت اني مكنتش استاهل اكتر لان انا اللي عملت كدا وانا اللي بعمل كدا ف شكرا يارب على حكمتك امكانياتي كانت تجيب طب السنه اللي فاتت بس حكمة ربنا انا مستاهلش الا تجاره ف اللهم عونك ووفقني في الخطوات اللي بمشيها

كيف تخطيتوا و تعافيتوا من التعلق؟ الفراغ العاطفي يأكلني و في كل مرة تظهر لي ومضة اهتمام اتعامل معها و كأنها مصدر النور في حياتي و غيابها لا يسبب شيء سوى الظلام...اعاني حقا من الموضوع ولا ادري كيف اتعامل معه في كل مرة اراني مضيت للامام الى ان تتكرر نفس الاحداث لكن مع اشخاص مختلفين..

هل حد حصل معاه حاجه شبه كده؟ انا بنام واصحى الاقى فيه التهاب فى مكان مختلف مرة فى الاذن الوسطى مره مفاصل مرة ظهر مرة اسنان والموضوع بيتكرر بشكل غريب هل حد جرب ده او يعرف ده ايه فيه ناس بتقول حسد بس مش مقتنع

بابا وماما اتخانقوا النهاردة أنا خايفة لما أتجوز أعمل الحاجات اللي بقول لنفسي دلوقتي اني مش هعملها أو إن رد فعلي هيكون نفس رد الفعل اللي أنا مش عاوزة أعمله، خايفة إني بشكل لاواعي أكون نسخة تانية من صفات ماما اللي مش حباها