تهديد

ليه دايما الناس المؤذية عندها دايرة علاقات كبيرة؟ و عندها صداقات كويسه جداً مع ان انت ممكن تكون عارف حقيقتهم و عارف قد ايه هما ناس مؤذيه بتساءل أحياناً ازاي ممكن حد يشوفهم علي حقيقتهم و يقرر يكمل معاهم او ممكن هما لسه مظهروش؟ حقيقي انا بحس بالخطر لما بحس ان ممكن حد من صحابي يبقي حواليهم بحس ان هم هيسرقو مني حبايبي زي ما سرقو حاجات حلوة جوايا، الموضوع ده عاملي ازمة فظيعة انا مش عارفه انا امتي هبطل احس بالخطر و التهديد

لسه سيباه متوقعتش ان اعرف اوصل للمرحله دي بعد ٤ سنين بس احساس الخوف والقلق مسيطر عليا احنا فضلنا اهلي مش عارفين عشان هو مبيشتغلش كنت انا اللي بدورلو واسعالو و اساعد وادعم مادي و معنوي بس هو اجا اخر خناقه مفتكرش اي حاجه عملتهالو قلل مني و عاب فيا وفي اهلي و عايرني بس اي اسرار ليا عندو و هددني ب انو يعرف اهلي علاقتنا غير نظرتو ليا انو دايما بيقولي مبيحبش اني ممرضه شايف ان اه محترمه بس المجال وحش مع ان مفيش مكان اشتغلت فيه كان فيه حاجه مش كويسه انا عارفه اني صح ف قراري بس جوايا حاجه بتقولي يمكن لو ربيتو شوية وبعدت يتعدل عدا يوم وانا مش مستحمله بعتلي انو تعبان وانا عارفه انو بنسبه ٦٠% بيمثل عشان يستعطفني بس بردو قلقانه حاسه ان عاوزة اسيب خيط مش عارفه

اتمني كل اللي يشوف يقرا كل الكلام ويعلق برايو انا تعبان ومحتاج نصيحه كنت كاتب قبل كده ابويا مش راضي يشغلني وف المقابل مش بيلبي طلباتي حاليا قامه خنافه بسبب اخويا لقيتوا من غير سبب بيقولي انت مش شيخ وانا االي هاكسرك ومحدش يطلب فلوس ده غير سب الدين اللي انا معتاد عليه كلم امي والموبايل كان بيسجل قالها مش هقدملوا ف تمريض عسكري مع اني قدمت مره وسقطت وهو االي كان قايلي هقدم وعلقني تاني وقال انه مش هالمس من ايدو فلوس اللب انا اصلا مش باطلبها منوا ف المره دي انا تعبت تاني يوم بسبب الكلام اللي قالوا جالي حاله صدمه لان كرامتي اتقلت اوي واتكسرت قلتلوا انا راجل لو اترميت ف الشارع اعمل مستقبل وهاطلع اشتغل رن عليا وسب الدين وانا هاعمل وهاعمل ومفيش شغل لو خرجت برا البيت متقعدش فيه وسبلي الدين تاني وانا لما اجيلك بالليل لاطلع وسب الدين حلفت لامي ايمانات حلفان اني اسيب البيت بس قلبي ضعف عشانها بتقولي هسيب البيت هي ملهاش حد غيري اخدتوا مبرر وهاستناه لو مد ايدوا عليا هسيب البيت وهامشي ودي هتبقي اخر مره يشوفني فيها انا تعبان وعايز اعيط بس مش عارف ازاي يقول انا مش هاعملوا راجل وهاكسروا هو انا قليل لما حارمني من كل حاجه وعايز يكسرني لو بعدت عنوا وسيبت البيت ومشيت هل انا كده غلط انا خايف علي امي ومش هاعرف اوصلها ف المستقبل بسببوا وغير كده بيسب الدين ازاي واحد يسب الدين يبقي قدوه وازاي اكمل معاه انا تعبت والله اعمل ايه

في راجل غريب اوي يا جماعة عارفو ولازقلي اول حاجة كنت باعت رسالة في جروب شغل لاقيتو اتصل بيا 4 الفجر قالي فلان الفلاني معايا؟؟؟ قولتلو اه خير؟ قالي بسرعة اغسل وشك وقوم في مصيبة كبيرة عندك اتخضيت وعملت كده وكنت مرعوب قالي بعدها اية رأيك في العيال اللي بتحدف صوار**يخ في الشارع؟ قفلت في وشه. مرة تانية اتصل قالي انت جاي النهاردة المكان الفلاني؟؟؟ قولتلو اه قالي هاتلي قميص بسرعة واركب عربية وتعالا مرديتش عليه نزلت من ميكروباص للمكان وانا رايح اصور شغل واتكل على الله أول منزلت لاقيتو في وشي وانا اسف في اللفظ شعر صدرو كله طالع من القميص اتخضيت وكانت منطقة مؤمنة ظابط قالي عندك حق تتخض انت شايف انا هو واتخضيت قولتلو يا فندم والله انا مستغرب جدا، بعدها كنت طالع مداخلة في برنامج معين الصبح وانا اصلا صاحي اقول كلمتين وانام لانه كان الصبح بدري لاقيتو رن عليا قالي سامعااااك سامعاااك رسالة عايز اوجههالك أوعى تشرب حاجة مسكرة على الصبح وكررها تلات مرات وقفل في وشي. بعدها كان يوم ماتش قالي اسم القهوة اللي بتقعد عليها اية قولت كذا قالي انا راكب وجاي قولتلو مش هقدر استقبل حد انا جاي من سفر قالي بقولك انا جاي ولا انت بخيل جه معرفش والله عرف المكان ازاي اصلا انا قولت اسم القهوة اللي في مليون قهوة في مصر اسمها كده قعد ورايا وسط تلات رجالة واحد اسمر وبدقن ونضارة وواحد دقنه صفرا مصبوغة وبجلابية وابيضاني وواحد اسمر وبشنب وعنده مكنة جاي بيها الراجل اللي جالي مترجم وكلم الناس فرنساوي كله اتضايق طلب حلبة حصا سكر برا وكنت قليل الذوق معاه ومحاسبتش. مشي قولت اكيد مش هيتصل تاني لاقيتو باعتلي على الواتس مانجا مانجا مانجا مانجا مانجا واتصل 1 بليل عملت بلوك من المكالمات. كلمت صحابي قالولي عارفينو ده دماغه تعبانة ابعد عنه نصيحة ومشيت على كلامهم. ومرة تانية قالي عايز كورس في مجال معين دليتو على مكان قالي بكام قولتلو 6000 قالي عندي ب 7000ج عسل ينفع ابدل؟ اتوسطلي عندهم قولتلو لا مليش علاقة وعملت بلوك واتس ومن كل مكان دخلي من أرقام تانية وبيتكلم عادي حتى مسألش عن سبب البلوك وداخل باعتلي اسماء ناس في رسايل منفردة زي محمد. أحمد اشرف وانا مش عارف اعمل اية عملت بلوكات كتير جدا وبيخش بأرقام تانية

هوا ممكن الواحد ميكونش فاهم نفسه ساعات مش عارفه مالي معتش فارقه معايا حد فجأع تعبت من الدنيا فجاه معتش فاهمه حاجه والله بقالي اسبوع علي الحال ده ومباكلش وبخس جامد ودلوقتي انا بجد حاسه ان حتي الناس اللي ف حياتي بعدت عني واعز الناس ومنهم صحبتي القريبه مني بعدت عني عشان خطيبها مع أنه شتمني جامد وقالي انتي مش متربيه وانا مردتش وكل ده عشان حطيت لينا استورى انا وهيا واحنا ف تالته ثانوي وبهزر انا وهيا وهيا صاحبه عمري فاهمين امبارح عملتها بلوك وهوا قعد اصلا يهددني بيها ويقولي هخليها تقطع علاقتها بيكي ومردتش عليه عشانها برضو ومن ساعتها وهيا ساكته برن عليها امبارح حتي لقيتها عاملالي بلوك زعلت جامد والله هوا بعدها عن صحابها كلهم متفهمش فيه ايه وليه اصلا بس اللي اعرفه ان ابوها لو عرف هيعمل مشكله لأن والدها بيحبني جدا وفرحان أنها مصاحباني انا مختمرة فاهمين ؟

انا عندي 20 سنه ومن صغري وانا متعود عالشارع واني اروح واجي واتعامل مع ناس حتى لو عدد قليل ، زي بتاع السوبر ماركت او حد معرفوش بس احنا الاتنين بنشتري حاجه من نفس المحل ف نبدأ كلام مع بعض ، بس مشكلتي ان دايما بحس ان حد بيراقبي ، بس مش حد مركز معايا وخلاص ، حد بيتربصلي ومستني مني اي لحظه عشان يتخانق او يتشاكل معايا ، دايما عندي احساس ان اي حد فالشارع وانا ماشي يعرفني ميعرفنيش مش طايقني ، بقيت عامل زي المجنون ابص لوش كل واحد وانا معدي فالشارع ، بس بعمل حسابي وابصلهم بعدوانيه، ف اخسر سلامي ف اي مكان بروحه والناس متحبنيش وتشوفني مصدر تهديد ويتحدوا عليا لو ف مشكله ويطلعوني غلطان

بستغرب جدا يعني لما القي حد بيتعامل معاك علي ان حياتك منغيرو هتبوظ وانو هوا كل حاجة ويبق ديما بيهدد بغيابو يجدعان انا خسرت ناس حرفيا عمري متخيلت يوم واحد اعيش منغيرهم والحياة مشيت عادي انا مبتعودش علي حد باب الدخول نفس باب الخروج اه انا بياع احسن مكون متباع

انا عارفة ان اللي انا فيه الفترة دي كله وهم وانه هو مش هيتغير ابدا هو وصلني لدرجة اني بقيت خايفة انه كويس معايا مبقيتش عارفة هو كويس ولا لا ومش عارفة هو لي بيعمل كل دا ولي بيخوني ولي مبهدلني كدا والله لولا ان في بينا ابن مش عيزاه يعيش من غير اب مكنتش فضلت بس انا نفسيتي تعبت منه ومن تصرفاته

أنا مخنوق قوووي المشكله ان حبيبي عاوزني اني مكلمش اصحابي واصحابي دول وقفوا معايا ف مشكلي كتير وزي اخواتي انهرضا بقوله فكنا من اصحابي قالي فكك مني وقفل وشي وارن يكنسل عليا اعمل اي