منذ يوميشعر بـ غاضب
انا عندي 20 سنه ومن صغري وانا متعود عالشارع واني اروح واجي واتعامل مع ناس حتى لو عدد قليل ، زي بتاع السوبر ماركت او حد معرفوش بس احنا الاتنين بنشتري حاجه من نفس المحل ف نبدأ كلام مع بعض ، بس مشكلتي ان دايما بحس ان حد بيراقبي ، بس مش حد مركز معايا وخلاص ، حد بيتربصلي ومستني مني اي لحظه عشان يتخانق او يتشاكل معايا ، دايما عندي احساس ان اي حد فالشارع وانا ماشي يعرفني ميعرفنيش مش طايقني ، بقيت عامل زي المجنون ابص لوش كل واحد وانا معدي فالشارع ، بس بعمل حسابي وابصلهم بعدوانيه، ف اخسر سلامي ف اي مكان بروحه والناس متحبنيش وتشوفني مصدر تهديد ويتحدوا عليا لو ف مشكله ويطلعوني غلطان
طب ما بالنسبه لهم لو نظره حاده منغير سبب دي عدوانيه و بالنسبالي انت بتحاول تحمي نفسك من اللاشئ حرفيا
مفيش اختلاف كبير بردو محدش مهتم لدرجه انهم يكرهوك الكره ده مش اي حد يحسه بسهوله انك حاسس انك عدواني يبقى كويس انك مستوعب ده و عارف ان بدايه الحل هتكون منك انك تفهم نفسك ان مفيش حد كارهك .. مفيش حد بيعاديك.. الناس الي مش متقبلينك دي رده فعل على عدوانيتك مش ليك انت ك كل جرب تطرد الأفكار دي لأسبوع واحد هتشوف اختلاف التعامل بنفسك عشان إلى عندك ده اسمه paranoia و ملهوش اي اساس من الحقيقه كله وهم
اللي أنت فيه ده إرهاق جهاز عصبي مش أكتر، وعقلك بيصورلك إن الكل عدوك عشان يخليك دايماً مستعد. عشان ترتاح شويه حاول انك تهدي الحرب اللي جواك دي اتجاه نفسك و اتجاه الشارع.. جرب لمرة واحدة تمشي وأنت باصص قدامك مش في عيون الناس، وقول مع نفسك ان محدش مهتم انه يراقبني عشان دي الحقيقه