حب من طرف واحد

هي مش خيانة بشكل مباشر بس حسيت انها صدمتني وكسرتني هي كانت زميلة ليا في الجامعة قريبة مني جدا نعرف عن بعض حرفيا حاجات كتير اوي بنحكي لبعض مشاكلنا ونحلها سوا حرفيا كانت مساحتي الآمنة اللي بقدر اقول فيها كل اللي جوايا من غير ما اقلق الصراحة حسيت ناحيتها بمشاعر حب وتعلق ومبقتش شايف غيرها مرة واحدة بعتتلي مش هينفع نكمل كلام عشان حصل مشكلة عندي في البيت والجو ده وانا عشان معملهاش مشكلة وعشان متتئذيش بسببي فا فضلت متابعها من بعيد وهي كل ده متعرفش اي حاجة عن مشاعري ناحيتها بقيت براقبها على السوشيال ميديا من بعيد في الجامعة في مكان شغلها من بعيد لبعيد المهم بس اني كنت اشوفها فا لما جت فرصة عشان اروح اعترفلها واروح اتقدملها واحدة اعرفها جريت وقالتلها اخر كلمة ممكن تتقال لبنت حسستها انها بنت مش كويسة راحت تقولها انتي بترتبطي قالتلها انتي بتقولي اي راحت تقولها اني عايز ارتبط بيها مع ان ده عكس كل اللي انا عايز اقوله اكيد كنت هقول بطريقة اشيك من كده فا طبعا جالي الرفض وانا معرفتش اصارحها بكل اللي جوايا يمكن كانت تفهم صح فا حتى السلام من بعيد اللي كان بينا انتهى وبعتت لواحدة نعرفها سوا قالتلها قوليله ميفكرش في حاجة زي دي تاني ولو الموضوع اتفتح بينكم وبين بعض حتى هتزعلوا مني فا قفلت الموضوع وانا قلبي بيتقطع حرفيا ولحد دلوقتي مش مستوعب بس بعدها بفترة لقيتها بعد ما قالت انها ملهاش كلام مع شباب خالص عشان ثقة باباها لقيتها قاعدة مع واحد انا اعرفه وبتتصور معاه وبيهزوا سوا ويضحكوا وبعدها لقيتها قاعدة على طرابيزة في كافيتيرا الجامعة مفهاش بنت غيرها مع خمس شباب طبعا انا اتصدمت ومصدقتش عارف انها متتصنفش خيانة اوي بس ده الاحساس اللي وصلني واحساسي بالصدمة لأني مكنتش اتوقع منها كده الموضوع ده عدى عليه اكتر من سنة لحد دلوقتي وانا لسة متعلق بيها بفكر فيها علطول وبحلم بيها وبشوفها دايما في احلامي بسيناريوهات مختلفة فا بجد كسرتني ومشيت ولا همها

انا بحب بنت بس حب من طرف واحد المهم اني اكتشفت سريعا انه ده هياذيني وهي مستحيل تحبني فنا قررت مكلمهاش بس كل اما بشوفها بحس بحاجه اعرب من الغريب انا بحس ان انا شليت اه والله ابقي ماشي واشوفها معديه ذكائي يقل ٤٠% بتعامل مع الحاجات وكانها اول مره اتعامل معاها وبتوار كتير لما بشوفها بنسي ازاي امشي حتي انا بشد رجلي بالعافيه عشان امشي ومش عايز اعترفلها ومش عارف انساها ول لا ابطل تفكير فيها مثلا كنت في المواصلات مره وهي ركبت معايا انا طول منا قاعد عمال بعرف اتكلم مح حد صوتي متغير وبيبان وكاني بالله والموضوع ده معصبني ومزعلني💔 وكذا احساس علي بعضه انا معتش بعرف اتعامل زائد كده انا بعيده عني بشارع وبعدي من قدام بيتها كل يوم من كترما بتصرف بغرابه قدامها هي فكرتني بالله بتكةن قاعده قدام البيت اول ما بتلمحني من بعيد بتدخل وده بيقطع في قلبي او بيفعصه بمعني اصح انا بحبها ومش عايز اكلمها بس جسمي بيخوني لما بشوفها وانا مهتش عارف اعمل اي ؟

يوه يا حرقة الدم بعد ما كنت مفكراه بيدخل اكونتي زي ما أنا بدخل اكونته 50 مرة في اليوم في عز امتحاناتي كمان ولو نزل حاجة بكون اول حد باخد بالي أنه نزل حطيت ستوري بقاله 20 ساعة ومشافوش ولا من اكونت فيك حتى ولا شاف الستوري وعمل بلوك علشان مشوفش حتى كان على طول بيشوف من اكونت فيك وبعدها يعمل بلوك بس الظاهر أنه اتخطى يا بخته انا ساذجة ومتعلقة بالوهم ونفسي اتحرر الموضوع كسرة خاطر اوي وانا مفكراه الفترة اللي فاتت دي كلها بيدخل الاكونت بس لسه مكتشفة أنه مش بيدخل علشان مبحطش ستوري كتير مش عارفة أكرهه ولا عارفة أنساه ومتعلقة تعلق غريب امال لو كنت ارتبطت بيه ولا كلمته كنت هعمل ايه الحمد لله اني عمري ما كلمته وحطيت ربنا ثم أهلي في المقام الأول

هو عادي اني احب حد اصغر مني بتلت سنين و شهر هو ناضج وانا حاسه اننا مناسبين لبعض بس انا بتخرج و هو ف اولي كليه هو بيحب بنت تانيه بش علاقتهم مستحيله خالض بس بحس اني مرتاحه لما بتكلم معاه و بحسه فاهمني

دمرني الحب من طرف واحد لازم نسمع نصيحة وحدة حب المراهقة معليش بصح خلاص موليتش نقدر نعيش حياتي تعلقت بإنسان لدرجة كبيرة هو عايش حياتو وأنا نقعد مقلقة سييت كلش باش نفك هذا التعلق والو محبش ينفك كنت حاسبة روحي تخطيت بصح من أول كلمة منو عاودت وليت للصفر عييت بزاف ودعيت بزاف ربي سبحانو نتمنى منكم تدعولي

طيب والله مكسوفة اني بكتب كده بس ده المكان الوحيد اللي ممكن اشارك فيه ده ازاي يا جماعة افك التعلق بشخص عمري ما كلمته يادوب بس تلميحات لبعض ولما عرفت حقيقته بلكته وانا اهو عملاله بلوك بقالي اكتر من سبع شهور بس من السبه شهور دي لحد النهاردة بدخل الاكونت بتاعه كل يوم كل يوم حرفيًا اشوف نزل ايه وعمل ريبوست لايه وحط ستوري لايه وتابع مين وادخل الاكونت بتاعه في كل تطبيق لدرجة اني اول ما بصحى بكون لسه مصحتش اصلًا بدخل اشوف الاكونت بتاعه وأقوم بدخل الاكونت بتاعه كل دقيقة حرفيًا تعبت تعبت مش عارفة اذاكر من كتر ما انا ماسكة الموبايل بشوف الاكونت بتاعه مليش حد اقوله الكلام ده لاني بتكسف اقول لحد اني عندي مشاعر من النوع ده انا عندي ستاشر سنة بالله عليكم متستهيفوش المشكلة بسبب سني في الفترة دي بعد ما عدى سبع شهور على البلوك بدأ بقى يكلم بنات ويلمح تقريبًا لبنت تانيه وانا والله بغلي وعايزة اعيط مش عارفة ياريت اللي حس نفس احساسي يقولي شوية عادات اعملها افك التعلق الرهيبب ده انا ناوية اني اتغير وعايزة اعمل اي حاجة تخلي التعلق ده يتفك لما بشوفه في الحقيقة قلبي بيدق بيدق بيدق اوي لدرجة بيفضل نص ساعة على نفس الحالة ياريت حل انا عايزة حل عايزة عادات اعملها تخلي ده كله يروح انا منهكة

"أصعب حاجة ممكن تمر بيها، إنك تلاقي نفسك بتموت قلق على حد، وهو أصلاً ميعرفش إنت مين. ​تخيل تبقى شايل همّ وجعه، وخايف عليه من نسمة الهواء، وبدور وراه في كل مكان عشان بس تطمن إنه لسه بيتنفس.. وفي الآخر لما تحاول تقرب خطوة، يقابلك ببرود يكسر قلبك مية حتة. ​

رسالة وداع بعد 4 سنين حب من طرف واحد 💔 أنا بكتبلك المسج دي دلوقتي وأنا مش عارف هتوصلك ازاي بس لو انتي بتقريها دلوقتي ف اكيد قدرت اوصلك ، أنا كنت عايز أقولك بس اني بتمنالك التوفيق فحياتك وبتمنالك كل خير ونجاح واثمار وعايزك ديما تبقي فاكرة إنك أجمل بنت فالبنات واني فخور بيكي جداً وبكل حاجة مريتي بيها وارجوكي متسمحيش لحاجة تدايقك او تفقدك سلامك ومهما كانت الدنيا صعبة اتمنى انك تبصي فالمراية و تفتكري إنك ###### ، ولو دي المره الأخيرة اللي هبعتلك فيها ف أنا عايز أقولك اني بحبك ، وبحب كل لحظه حاولت فيها علشانك وممتن جداً للمكان اللي وصلتله علشانك وبسببك ، أنا فاكر وعدي ليكي ومنسيتهوش ولا لحظة طول السنين اللي فاتت.. وعلى الرغم إننا مبقيناش نفس الأشخاص واتغيرنا أنا كنت محافظ على الوعد اللي وعدتهولك حتى لو انتي نسيتي لاني وعدت نفسي تبقي معايا.. بس أنا حقيقي تعبت ودا مش لانك متستاهليش الحرب دي.. انتي اجمل بنت فالدنيا!! واللي جوايا دا مكانش ب ايدي وهيفضل جوايا ، بس أنا حقيقي مش عايز منك دلوقتي اكتر من مجرد وداع عادل نتكلم في و اودعك للمره الأخيرة ومنسيبش النهاية دي مفتوحه واوريكي لوحاتك الكتير اللي رسمتها وانتي مش موجودة ، فمن فضلك ادينا إحنا الاتنين الفرصة دي بحبك!

السلام عليكم اولا عندي مشكلة من ٨ سنين انا حاليا ٢٢ سنة بدا الموضوع باني بحب بنت خالتي وانا عندي حوالي ١٤ سنة هي اصغر مني ب٣ سنين وفي الوقت دا كنت خايف اعترفلها..... استنيت لحد ما هي خلصت الثانوية العامة واعترفتلها وللاسف قالت انها بتعتبرني زي اخوها وانها مرتبطة بحد تاني .... طبعا خدت فتره بلا اكل او كلام .... بعد سنتين بالصدفة رحتلهم زيارة و كنا بنهزر ونتكلم مع بعض وحسيت ان خلاص في امل وانها بدات تلمح وانا وماشي من عندهم بحس ان قلبي بيتقطع حرفيا كأني هموت بكرة واخيرا اسف على الاطالة عايز اي حل لمشكلة الحب من طرف واحد

طب ايييي انتم نستونييي🫠 اعمل ايه بردو مع الحب من طرف واحد انا بحلم بيه كل يوم وعايشه حياه في خياليي عارفين احساس انكم صابرين عشان تنولو بس من كتر الوجع عاوزين تمسكوا قلبكم تعصروه تخرجوا منه الوجع ده تعملوا اي حاجه عشان متحسوش بالشعور ده عاوزه محسش بالوجع ده اصل عارفين المشكله فين ان انا مكنش عندي مشاعر اصلا ولو كان حد قالي اني هبقي فياضه بكل المشاعر دي دلوقتي مكنتش هصدقهه انا بحاول اشغل نفسي كل يوم عشان مفكرش فيه بس ازاي وهو اصلا مش بيغيب عن بالي!!!!

مساء الخييير محتاجه رأيكوا في كام سؤال -ايه رأيكوا في الحب من طرف واحد بالنسبه للطرفين بس خصوصا البنت -اجس نبضه ازاي عشان اعرف هوا عنده مشاعر ليا ولا لأ عشان ساعات بيبان عليه عنده وساعات يبان اني مش في باله اصلا -انت كولد شايف البنت اللي بتحبك ومستعده تضحي عشانك باي حاجه ازاي وكمان انتم مش بتتكلموا يعني (ساعات بقول اني مش في باله اصلا وساعات بقول انه مش بيبين عشان حرام وانا فاهمه ده كويس بس طبيعي اكون متضايقه صح؟) المهم بس محدش يحكم عليا ونراعي بردو ان الموضوع له ابعاد تانيه وان في حاجات متحكتش يعني ماشي؟

ياه بقيت احس ان موضوع اني احب من طرف واحد ده بقي مكتوب عليا احب بنت مبتحبنيش اول حب فحياتي كان كدا ولما عملت غلطاط كتير وتوبت واتغيرت حبيت وحبها نضف قلبي بس هي كانت فاكره اني توكسيك وبحاول اوقعها موثقتش فيا وده حقها بس مازلت عني تروما من الحب منطرف واحد

يجماعه انا بجد حاسس اني متدمر ومزاجي وحش دايما نفسي ابقا سعيد ومرتاح البال نفسي احب الحياه يعني مثلا لو حد مات او عمل حادثه وانا معرفهوش حتى ليه احس اني مذنب او غلطان او ان انا الي كنت المفروض اكون مكانه دماغي مليان افكار سلبيه كتير اوي واي حاجه بتخليها سلبيه ومزاجي وحش وحاسس ان حياتي ناقصه بسبب بنت بعشقها حرفيا من ٥ سنين مش بحبها بس ،بس دا حب من طرف واحد هي مش بتحبني انا اعترفتلها كتير اوي وحاولت معاها وهي مش عايزاني معرفش ليه مع اني حلو من جوانب كتير وقدمتلها كتير اوي ومحدش يقولي نصايح من المعتاده بتاعت التخطي وحب واشغل نفسك او باقي النصايح الكتير دي عشان انا مهما عملت برضو بتفضل في دماغي ومش شايف اي بنت غيرها وحياتي من ساعتها بايظه وحاسس بحزن في اغلب يومي واني عايزها تكون جمبي ومش عارف اشتغل ولا اذاكر كويس خالص معرفش مثلا هل في دوا او حاجه طبيه بتقلل المشاعر او بتقتلها عشان اعرف اركز في حياتي وانساها انا عمري ما ارتبطت بحد اصلا حرفيا معلق نفسي بالبنت دي بس واصلا كاره كل البنات وكرهت مشاعري اوي اصلا مشاعري ومزاجي طاغيين على حياتي مش مخليني اركز ولا اشوف طريقي صح بجد لو حد عنده اي حاجه طبيه او دوا تنفع في كدا ياريت يقولي انا حتى بدأت اشرب سجاير من فتره عشان احاول انساها بس مع كل نفس سيجاره بفتكرها اصلا مش عارف اعمل ايه هي مش بتحبني ليه وانا ليه كل الحب دا في قلبي ليها ليه يعني ليييه بجد يحصل فيا كدا مش عارف 😢😢 حرفيا مشكلتي في دماغي وقلبي الي بيضاعفوا اي حزن مهما كان صغير

السلام عليكم ورحمه الله وبركاته انا شاب حاليا عندي 19سنه بحب بنت من 6ابتدائي عارف انه يبان موضوع تافهه لاكن انا مش قادر انساها حاولت كتير اوصلها وحصل مشاكل واتقابلت بالرفض اكتر من مره واصلا من البداية إن الحب من طرف واحد لاكن اعمل مش قادر انساها كل يوم بفكر فيها وبحلم باليوم اللي تكون معايا فيه بالوهم طبعا لاني عارف انه مش هيجي رغم اني حاولت كتير انساها وكلمت بنات كتير غيرها لاكن هيا مختلفه وبجد مش عارف اعمل ايه

بوصوا انا اول مرة ادخل فقصة الحب من طرف واحد وازاي الواحد يتخطها او مثلا لو في حد بيحبه بس هو مش حاسس بيه او بمعني ادق انو مش شايف فيه شريك حياته او مفيش انجذاب فا المشكله اني مش عايز اكسر الشخص ده عشان كده مش عايز اققوله او اعلقه بيا علي الفاضي

(بما انه مش هقدر ابعت الرسالة دي بس هقولها عشان ابقي خرجت ال جوايا) ف البداية قلتلك اني مش هقدر علي كسرة نفس تانية وان قبل كدة حبيت من طرف واحد وانكسرت جامد بس برضو عملتيها انتي كمان، يمكن انا كل ال قدرت اقولهولك هو اني بحبك مرة واحدة من 6سنين ونص وانتي وقتها مرضيتش تديني إجابة تعرفني هل وانتي كمان او لا واني عرفت من حد تاني انك محبتنيش بس ال مقدرتش اقولهولك كل ده انا انا طول السنين دي معرفتش انساكي وحاولت بكل الطرق ومفيش فايدة بس كنت متأكد من حاجة واحدة اني افضل اشتغل علي نفسي عشان يمكن ف يوم من الايام تغيري رأيك حتي وانا عارف انه مش هيحصل، ال تاعبني اوي انك لسة موجودة مش عارف ليه اول بأول بخش بروفايلك لو كنتي اتخطبتي او لسة في امل الحق اوصلك مع اني بقول لنفسي ان يمكن اما تتخطبي اقدر انساكي لان عارف ان مهما عملت مش هتقتنعي بيا، هم اه كل ال كان بينا صحاب لمدة 3 شهور (حتي وانا عارف دلوقتي ان ده كان غلط) وانا ال باني عليه حبي من طرف واحد باقي السنين دي بس عندي أفضل لوحدي باقي العمر علي ال3 شهور دول احسن ما اعرف حد غيرك لاني فعلا مكتفي بحبي ليكي حتي وانا عارف اني مش باجي علي بالك، بستني من السنة للتانية عشان اخش اقولك كل سنة وانت طيبة ف عيد ميلادك زي ما اتعودنا 4 سنين حتي بعد ما مبقناش نتكلم ف العموم، بس انا زعلان منك انك بقالك سنتين حتي بتنسي عيد ميلادي تبعتي تقوليلي كل سنة وانا طيب وانا اليوم ده ببقا مستنيه اشوف يمكن تفتكريني ويمكن لسة في امل، حتي لما دخلت الجيش وافتكرت هنساكي فشلت للأسف، بفتكر برضو الايام ال كنت ببقا فيها لوحدي بعدي من تحت بيتك بس عشان احس بوجودك، او اشوف نفس الأفلام ال قلتلي عليها زمان، بس كل ده ينتهي لما كل 6 شهور بقرر ابعتلك اتطمن عليكي باي حجة وردك عليا يبقي جاف جدا وكالعادة تقفلي انتي الكلام، اديني خلصت والحمدلله شغال واتمني لو ف يوم تعرفي قد ايه مكنتش عاوز غيرك، واتمني تكوني مبسوطة حتي لو مش معايا، لان زي ما قدرت احبك كل الفترة دي وفي وسط كل الضغط ال فات ده وانتي مش معايا فيه ف هقدر افضل احبك وانتي بعيدة طول العمر❤️

خايفه اكون اذيت حد اعجب بيا او حبني من طرف واحد...انا مش عارفه حقيقه مشاعري عشان اثبت على قرار واحد معرفش ان كنت اعجبت بيه ولا لا معرفش ان كنت حبيته ولا لا بس بعد ماقررت اقطع سبل التواصل نهائي شوفتوا واضح عليه الزعل وانا حسيت بالذنب....بس انا موعدتوش بحاجه ولا قولت اي حاجه تدل اني اختارته خلاص بس برغم كل ده هو كان عنده امل اني بحبه انا بجد وحشه اوي قدام نفسي لانه شخص كويس وكان بيحاول معايا منغير مايدايقني ومحترمني جداااا لأبعد مرحله عمر ماحد اتعامل معايا كده بس برغم دههه انا مش عارفه انا مالي او ليه عملت كده رغم ان كان ممكن لو حاولت احبه انا بجد بكره شعوري المقرف دههه

انا في ٣ هندسه وشخص محترم وكويس اوي من نواحي كتير الحمد لله والي يشوفه ان اغلب المشاكل بتبقا بسبب ان شخص زعلان جدا ومش قادر على فراق شخص كان معاه في علاقه لكن انا بقا مشكلتي وزعلي بسبب شخص عمري ما كنت في علاقه معاه ولا قالي بحبك حتى انا بحب الشخص دا بقالي ٤ سنين واعترفتله بحبي كتير وان نفسي نكون مع بعض لكن هو رافض دا وبيقول مش عايز يدخل في علاقه ويركز على نفسه الوقت دا وان في المستقبل يبقا ربنا يسهل لكن انا عارف ان هو مش بيحبني وانه بيحب شخص تاني وغالبا معاه في علاقه المهم انا عملت اللي يتعمل واللي ميتعملش عشان الشخص دا يحبني ومحصلش برضو حرفيا عملت المستحيل وبرضه محبنيش انا نفسي اسامحها عشان حرفيا واخده جزء كبير من حياتي وبقا نفسي اكلمها واكون معاها اغلب اوقات اليوم عملت كل حاجه عشان احاول انساها ومسحت كل حاجه ولا عدت بدخل سوشيال اشوف هي بتعمل ايه لكن برضو لسه بشوفها افضل شخص في العالم واني مستحيل اعيش من غيرها مع اني طبقت نصايح كتير اوي وعملت كل حاجه عشان اعرف انساها وبفكر نفسي بكل الاذيه من ناحيتها والمعاناه الي بعيشها بسببها وبرضو لسه بحبها اوي ومش شايف حد غيرها فالمفروض اعمل ايه

انا كنت بحب واحدة من طرف واحد وكنا كويسين جدا مع بعض واول ما اعترفت ليها حسيت انها اتغيرت عليا وبقت بتحاول بكل الطرق تستنزف مشاعري بكل الطرق لحد ما حسيت اني بقيت مش قادر ومبقتش بحب اي حاجة في حياتي ولما حاولت ابعد شوية عشان اشوف نفسي فضلت تلومني وتقلي انت كنت اقرب حد ليا ، ليه اتغيرت عليا وليه عايز تسبني ،انت محبتنيش ، محدش بيحب حد وبيتغير عليه ،وانت كنت وعدتني انك هتفضل معايا انا مكنتش ببعد عنها خالص انا بس كنت بحاول آخد نفسي واتعامل معاها ك مجرد صديقة بس فضلت تلومي بكل الكلام اللي قلته دا وانا مش بصراحه مش عايز ابعد عنها خالص عشان مكسرهاش ولا عايز ابقى قريب زي الاول عشان مكسرش نفسي مش عارف اعمل ايه😔

انا في ٣ هندسه وشخص محترم وكويس اوي من نواحي كتير الحمد لله والي بشوفه ان اغلب المشاكل بتبقا بسبب ان شخص زعلان جدا ومش قادر على فراق شخص كان معاه في علاقه لكن انا بقا مشكلتي وزعلي بسبب شخص عمري ما كنت في علاقه معاه ولا قالي بحبك حتى انا بحب الشخص دا بقالي ٤ سنين واعترفتله بحبي كتير وان نفسي نكون مع بعض لكن هو رافض دا وبيقول مش عايز يدخل في علاقه و يركز على نفسه الوقت دا وأن في المستقبل يبقا ربنا يسهل لكن انا عارف ان هو مش بيحبني وانه بيحب شخص تاني وغالبا معاه في علاقه المهم انا عملت الي يتعمل والي ميتعملش عشان الشخص دا يحبني ومحصلش برضو حرفيا عملت المستحيل وبرضه محبنيش انا نفسي اوي انساها عشان حرفيا واخده جزء كبير من حياتي وببقا نفسي اكلمها واكون معاها اغلب اوقات اليوم عملت كل حاجه عشان احاول انساها مسحت كل حاجه ولا عدت بدخل سوشيال اشوف هي بتعمل ايه لكن برضو لسه بشوفها افضل شخص في العالم واني مستحيل اعيش من غيرها مع اني طبقت نصايح كتير اوي وعملت كل حاجه عشان اعرف انساها وبفكر نفسي بكل الاذيه من ناحيتها واامعاناه الي بعيشها بسببها وبرضو لسه بحبها اوي ومش شايف حد غيرها فالمفروض اعمل ايه

انا حبيت بنت من طرف واحد ٣ سنين و لمى قررت اقولها مكانتش واضحه معايا بس كلامها رقيق و حسيت بدفى في كلامها كانها بتقول حاول اكتر و لمى حاولت لقيتها صدرت صاحبتها،ولا فهمتني ولا اعتذرت مثلا و قالت احنا اخوات ولا حاجة و ده كان في اول مرة نتكلم فيها و قلتلها اني عندي مشاعر قويه ناحيتها، تاني مرة حاولت اتواصل معاها تاني و مكنتش عارف اشوفها لوحدنا نروح نقعد في كافيه او حاجه بس قالت اكيد مش هعرف انزل مخصوص قلتلها طب ننزل وقت محاضراتك قالتلي الاحسن لو هتقول حاجه قولها هنا(شات يعني) قلتلها كلام كتير تعبيرا عن مشاعري و تمهيدا لمشاعرها و قلتلها في الاخر انا بحبك،سابت انا بحبك و مسكت في بقية الكلام و قالت:انا شايفه انك بجد متتعاملش معايا تاني علشان مصلحتك ونفسيتك و قالت كلام تاني مش فاكره.

عمري 31 سنة لم ارتبط باي فتاة في حياتي كلها ذلك لكوني خجولا جدا لا أستطيع التحدث مع النساء أحببت فتاة أيام الجامعة كان حبا من طرف واحد كانت فتاة اوتيت من الجمال والخلق ما يريده اي رجل في رفيقة دربه حاولت التعرف اليها لكنني اضعت عديد الفرص بخجلي فرفضتني رفضا قاطعا رغم ذلك لم استطع إخراجها من تفكيري رغم مرور 5سنوات على التخرج حتى أنني في الاونة الاخيرة صرت أراها في منامي وأذكرها في صلاتي لم يسبق ان حدث لي امر كهذا حتى أنني احس ان حياتي كلها توقفت 💔

نزلت من يومين اني بحب من طرف واحد وهي يمكن متعرفش عني حاجة او مش شايفاني اصلا ومش شايفاني هنا اللي هو هي اعلي مني ولا حاجة ولا دا العكس ما علينا مش شايفاني اقصد يعني متعرفنيش اوي غير في السيشنات وكده ومش عارف اعمل اي ولا عندي الجرأة اقولها ولا اعرفها ومش عارف اقول ازاي ولا اي اللي المفروض يحصل علاقتي حلوة بمامتها وغالباً معندهاش مانع لو فيه بينا ارتباط وكده فا هااا اي العمل

هو لو بحب حد من طرف واحد اعمل اي للعلم احنا مع بعض في السيشينات هي متعرفش عني حاجة يمكن مفيش في دماغها حاجة خالص من نحيتي ولا بتفكر فيا اصلاً😅 المهم مش عارف اعمل اي ومش هقدر اعترف خالص خالصص لأني مش جرئ للدرجة دي وفي نفس الوقت عايز اقولها ها بقاا

ماذا عن حب من طرف واحد ؟ حب شخص غامض لا يتكلم كثيرا ! لا يتكلم مع البنات، لكنه يتكلم معي لكن في مواضيع دراسة فقط، لم يبقى الا القليل و تنتهي الجامعة و لن نلتقي مجددا!! هل من حل؟ ادعو الله كثيرا فأنا أريده حلالا و اعلم ان الله لن يخيبني ، لكن فقط أريد أن يطمئن قلبي