حكم

عاوزة ارجع اصلى يا جماعه انصحونى منغير ما تحكمو عليا ولا نكفر بعض ولا نقول كلام يضايق كلنا عارفين بجد كل حاجة و عارفين اننا غلط مش عارفه اقول اى تانى بس المفروض اتكلم كتير علشان البوست ينزل

ليه بتحكمو علي الناس في المكان الوحيد الامن اللي اي حد يقدر يقول فيه كل اللي هو عايزه المكان ده معمول علشان تقول اكتر حاجه متقدرش تقولها بره سيب الناس تطلع اللي جواها مش هي دي حياتهم كلها لا كلنا عندنا شغلنا و حياتنا و اللي بيدرس بيدرس بس في جزء من شخصيته مينفعش حد من اللي يعرفوه يعرف عنه حاجه ف بيقوله هنا

انا حاسس بالوحدة، طبعا اهلي ربنا يخليهم لي بس نفسي في حد صاحبي يفهمني ويسمعني من غير ما يحكم ومن غير مقابل، انا مخلص جدا بجد بس لو لاقيت حد كويس، حد زيي وعايز صحاب برضو؟، مش مهم سنه قد اي المهم يكون بجد عايز صحاب..

فرحت جدا بفكرت اني هكلم منغير محد يعرفني انا نفسي في حد يسمعني بجد منغير ميحكم عليا حد بس افضيلو دماغي لاني مضغوط جدا وعندي مشاكل كتير عاوز حد يسمعني وميحكمش ولا يضيق حد يكون رويح لاني حياتي مكلكعه

بجد الفترة الأخيرة بقيت مستغربة من كمية القسوة اللي ممكن أشوفها من ناس متعرفنيش أصلًا. ساعات ببقى داخلة أتكلم أو أفضفض أو حتى أسأل عن حاجة، فأتفاجئ بكلام يوجع أكتر من المشكلة نفسها. محدش عارف أنا مريت بإيه، ولا حجم التعب اللي جوايا، ولا كام مرة حاولت أقف على رجلي بعد ما وقعت. أكتر حاجة مزعلاني الفترة دي إني مبقتش عارفة أفضفض حتى. كل ما أحاول أتكلم عن حاجة وجعاني، ألاقي ناس بتحكم وبتفترض وبتقول كلام عمرها ما جربته ولا عاشت جزء منه. وكأن المطلوب من أي حد موجوع إنه يسكت، لأن لو اتكلم هيلاقي اللي يزود عليه مش اللي يهون عنه. بجد يا ريت نبقى أرحم ببعض شوية... الحياة أصلًا مش ناقصة.... كل اللي اتعلمته إن الكلمة فعلًا ليها أثر... يا إما تطيب خاطر حد، يا إما تسيب فيه وجع يفضل فاكره فترة طويلة. أنا مش طالبة من حد يجاملني، بس أتمنى قبل ما حد يحكم على غيره أو يجرحه بكلمة، يفتكر إن الإنسان اللي قدامه عنده مشاعر وظروف وحكاية هو ميعرفش عنها حاجة. ربنا يهدينا جميعًا. 🤍

ابويا كان لسه قاعد ينصحني بالصلاه وكدا ومايعرفش ان انا ماعدتش مسلم اصلا، كلامه وكلام اي حد بينصحني في الدين والصلاه وكدا بيبنلي قد ايه هو مبرمج علي شئ معين وحافظ الكلام وقد ايه هو مانع التفكير خالص في المواضيع الي قد لا تبدو مقنعه ليه واجاباته بتكون حكمه ربنا و الله اعلم وكلام من دا، دا بعيدا عن هو في النهايه غلط ولا صح مش دي الفكره، بس علي اي حال الواحد حزين علي حاله لأن الواحد كدا الحياه بالنسباله سودا اوي

هوا ليه في ناس النجاسة عندهم سهلا بجد بزات الناس الكبيرة في السن يعني مثلا لو شافو واد وبنت بيسلمو علي بعض يتخيلو انهم استغفرالله حجات وحشه لو ولد وصحابو ولاد يقلو دول شواز لو بنت غضبانه يقلو بتخون جوزها ليه كل ده سهل هوما مثلا مش بيحسو ان ده كارثة

"كنت صغير... واترميت لوحدي. مفيش حد يوجه، ولا حد يقولي الصح من الغلط. كبرت وأنا بتعلم بطريقتي... بس أغلب اللي اتعلمته كان غلط. دخلت سكة مكنتش ليا... وفاكر نفسي مسيطر، لحد ما اكتشفت إني أنا اللي تايه. النهارده ببص ورايا... ندمان على وقت وحاجات كان ممكن تبقى غير كده. بس بجد بقى... اللي زيي ليه رجوع؟ ولا المجتمع بيحب يحكم عليك من ماضيك وخلاص؟ ولا كلنا بنكدب على نفسنا بكلمة "بداية جديدة"؟"

عندي مشكلة مع الناس الي طول معي ماشية تحكم على خلق الله احنا طريقنا و تاريخ حياتنا محدش ليه حق يحاسبنا عليه مهما كان بقا شريك أو غيره و محدش ملاك و كلنا أكيد غلطنا و لسة هنغلط ف متخليش حد يعيش عليك دور الصالح عشان كلنا عيننا الدنيا عادي و بالذات الي عامل نفسه صالح ده و ماشي يحاسب ف الناس بجد ركزوا ف كلامي بالذات الصالح ده .. و في نفس الوقت متكشفش ضعفك لأي حد .. لازم يبقى إنسان الأول

انا عندي مشكله بستمتع بيها بصراحه واظن كلنا عندنا نفس المشكله مع اختلاف التفاصيل انا شخص شه..وا..ني جدااا وده خلاني ابقا زي المجنون بعمل حاجات مجنونه ومش طبيعيه زي التحرر عن كل ما هوا مألوف انا حابب حياتي مع انها بايظه بس حابب كده ونفسي اجوز حببتي ونسافر اعيش بطريقه الي بحبها من لبس جرئ صحاب كتير علاقات متبادله كتير عشان طبعا احنا في مجتمع لو واحد شاف وحده لابسه لبس غير الي متعود عليها بيديقها 🤦🏼‍♂️🤦🏼‍♂️🤦🏼‍♂️ اتمنى حد يفهمني ويجيش يحكم عليا

ليه الإنسان ما يبقاش رايق؟ يعني مثلا واحنا سايقين في الطريق ليه بنبقى مهتمين بس ان احنا نعدي الأول ونوصل بدري ونسبق كل الناس ليه بنبص على الناس دايما بنضارات تشخيصية ونحكم عليهم؟ ليه ما نعتبرش ان العالم دا مجرد فيلم وان احنا ورا الشاشة ونتفرج بدون ما نتفاعل أو ننفعل.. ليه واخدين الحياة بجد واحنا عارفين انها لعبة؟

هو الواحد كل مايجي يتكلم علي واحده يعرفها بيتعامل معاها ازاي أو عنده ميول معينه بلاقي البنات كلها داخلة تدافع عن البنت وتغلط ف الراجل من غير حتي مايفهموا اي حاجه المهم ان البنات مبتغلطش ، أنا كنت اعرف واحده كل شويه مع راجل بتسيب يعمل فيها الي هو عايزه ولا بتفتح بؤها وطبعا الكل شايفها مش تمام بس لما حكيتلي الي حصل فيها من اهلها عذرتها وعرفت ان 90 ٪ من شخصياتنا بتتكون من الي بنشوفه ف حياتنا خصوصا من الأهل ، أنا متعودتش احكم علي حد معرفش تفاصيل حياته وبلاش هجوم علي حد كل واحد بيعيش قصته ، الي عنده كلمه حلوه يقولها والي معندوش مش مجبر يقول ، الدنيا ابسط من كده والله بلاش نزودها علي بعض

هوا ليه بجد كل الي هنا بمجرد متيجي تحكي حتا منغير متخلص كلامك تلقي بيهجمك ويقولك غلط وحرام منا عارف كويس انو غلط وقرفان من نفسي بس بحكي عشان ارتب افكاري جدعان بجد وجودي هنا بنسبالي كارثة الي هوا واصل لدرجه عاوز حد ميعرفش عني حاجة عشان اعرف احكي ولما جيت احكي اتخنقت بس بجد محدش حقو يحكم عليا انا مخنوق بجد كرهت الناس الي حافظة نصيحه وخلاص عاوزه تقولها للكل

يمكن كنا محتاجين بس حد يسمعنا ويفهمنا المشكله في الناس الي دايما بتحكم وبتطلع حلول وهما مش فاهمين حاجه انا محتاج حد يفهم ويسمع ويتقبلني زي ما انا انا شخص مستمع جيد بسمع صحابي واهلي واي حد قعدت جنبه بالصدفة انا دايس والحمد لله انا بحب اسمع الناس اصلا وبحب جدا لما حد يقولي انه مرتاح في الكلام معايا وأنه قال حاجه اول مره يحكيها بكتب الكلام ده مش عشان اي حاجه بس اكتشفت ان كل واحد جواه كلام كتير اوي عايز يقوله موقف عايز يحكيه سواء كان حلو او وحش بس بسبب انه خايف حد يحكم عليه بيقرر يسكت وهنا بيلاقي نفسه مليان تراكمات فهون على نفسك يا صديقي واتكلم براحتك

الواحد نفسه في حد يفهمه و يشاركه حياته و مش يحكم عليه من كلامه ده اللي كل انسان محتاجه في حياته و اللي يقول غير كده فشار و كلمنا كتير و دورنا كتييير اوي بس عمرنا م لقيت الشخص اللي يفهمنا كل اللي قبلنهم كدبين يا الا خاينين

كنت صغير... واترميت لوحدي. مفيش حد يوجه، ولا حد يقولي الصح من الغلط. كبرت وانا بتعلم بطريقتي... بس أغلب اللي اتعلمته كان غلط. دخلت سكة مكنتش ليا... وفاكر نفسي مسيطر، لحد ما اكتشفت إني أنا اللي تايه، النهارده بص ورايا... ندمان على وقت وحاجات كان ممكن تبقى غير كده. بس بجد بقى... اللي زيي ليه رجوع؟ ولا المجتمع بيحب يحكم عليك من ماضيك وخلاص؟ ولا كلنا بنكدب على نفسنا بكلمة "بداية جديدة"؟

ليه في المجتمع الحالي الزواج او انك تدخل في رليشن مع حد مطلق او ارمل سواء راجل او بنت بيبقا غريب ويتقال انه عيب وضد العرف والمجتمع وبحس انهم هيعملو حاجه فالي بيفكر في كده ايا كان سنه سواء كانو متقاربين في السن او فيه فرق

حقيقي لو كنتو جاين عشان تفضفضو منغير محد يحكم عليكم ومع الوقت بقيتو مش واثقين تحكو من الي بتشفو هنا منتو مش محتجين تثقو لان احنا منعرفش بعض يعني لو انا مستمع مش كويس بلوك وخلاص يعني انا حاسس بيكو بجد

لو كل واحد يسيب التاني في حاله ومايعملش نفسه حاكم ومُنزّه بجد هنرتاح يعني لو تعرف اللي عمال يضحك ويسف ويهزر ده قد ايه بيحاول يخبي اللي جواه بكل طاقته عشان بس مايتقالوش انت ضعيف أو مش صابر أو شكاء أو نكدي لو تعرف اننا ساعات بنضحك عشان بس نتأكد ان قلبنا لسه عايش مماتش لو تعرف اللي تخن تخن يمكن من دوا أو حالة نفسية أو حتى خلل هرمونات حرق أو حتى يا سيدي الأكل الحاجة الوحيدة اللي بتبسطه واللي قل وزنه كمان لو تعرف اللي وشه كبر فجأة كبر من ايه لو تعرف اللي بينام بينام على ايه ويصحى على ايه أو حتى بيحلم بايه لو تعرف اللي ماتجوزش ماتجوزش ليه واللي ماخلفش ماخلفش ليه لو تعرف هو حاسس ايه لو تعرف بيتعامل في بيته ازاي وبيشوف نفسه ازاي لو تعرف هو شايل هم ايه لو تعرف القلوب مقفولة على ايه ووالله مش مطلوب منك ولا المفروض تعرف كل ده بس تعرف تسكت وماتحكمش وتسيب الناس في حالها تعرف لو عاوز تتدخل تخليك ايد رحيمة مش ايد قاسية بتخنق ارحموا شوية لعلنا نُرحم😢

انا عايز اقول حاجه مضيقاني لما حد يشتكيلك من حاجه ايا كانت متقعدش تهاجمه او تحكم عليه ايا كان كفايه انه وثق فيك لازم تسمع الناس و تحتويها ولو هو غلطان ممكن تفهمه يعمل ايه بدل ما تهاجمه بلاش ت judge ❤️

انا معنديش مشكله ابدا اني اسمع و اتناقش بس مبفهمش الناس اللي مش فهمه يعني ايه مرض نفسي، بمعني المريض نفسيا بيمر بمراحل اخرها جسمة بيبداء هو كمان يمرض ف تخيل تكون بتغرق و تلاقي حد يقولك معلش اتنفس! زي بالظبط لما حد يتشخص بمرض او يقول انه مكتئب و حد يقولة قرب ل ربنا و هو و نعم بالله بس المريض نفسيا مش عارف يتنفس مش عارف يقرب مش عارف يبعد هو مش عارف بالمعني الحرفي للكلمة ، ليه بقول كده؟ علشان انا مريت بالمرحله دي ف الواقع انا مكنتش حاسس غير بشوية اضطرابات و قولت طالما متجاهل هيحصل ايه يعني اكتر و اتفجأت بورم و شيلته بس هل جسمي هيتوقف علي كده؟ الحقيقه لا و بدأت اضور ف الموضوع ده اكتر لحد ملقيت كتاب اسمة جسدك يتذكر كل شيء و هو حقيقي جدا الامراض النفسيه لا تقل خطورة عن الامراض الجسدية و اوقات بتكون السبب ف العرض الجسدي ف صعب انك تتكلم بس سهل انك تحكم ف حقيقي اتمني قبل محد يملي عليك برأي يبقي فاهم مش بيردد كلام القطيع

أنا بجد متدايقة أوي من شعور الوحدة ده إني حاسه طول الوقت بإني وحيدة و إن محدش طايق يكلمني أو الكل حواليا عايزين يتكلمو و يحكو وأنا لأ بقيت خايفة من الحكم عليا و مش عايزة أعرف حد على الحجات إلي بحبها أو أمنياتي أو كدا يادوب بقول كلام بسيط على القد و مش بتعمق ولما بتكلم كتير أو احكي لحد مواقف بحس إني تقيلة أوي إزاي أقول كل ده كمان ببقى عايزة أتناقش و أقول رأيي بس بحس إنه مش مهم و مش هيفرق في حاجة و بالعكس مش هيعجب حد و بحسني بقيت قافلة على نفسي دايرة مع إني اجتماعية و بحب الصحوبية و العلاقات بس تعبت أوي بجد و نفسي أحضن حد وأعيط المشكلة إن يعني في ناس بتعاني أكتر مني أكيد و أنا في نعمة فحاسة إن مليش حق اتدايق بقى ما كله عنده أكتر مني و مش بيتكلم

حاسس اني مخنوق ومحتاج اتكلم نفسي حد يسمعني منغير حكم انا حياتي كلها عك بجد يعني تقريباً كل معدل حاجة ارجع ابوظها انا حبي بوظ كل حاجة بجد انا ندمان منكل قلبي الهم ارحمني انا الخاطي انا بجد محتاج حد يسمعني

نفسي الاقي حد يسمعني واسمعه من غير حكم على حد زي ما بسمع الناس ومش بحكم عليها احكوا الي نفسكوا فيه او مخبيينه ومحدش يعرفوا عنكوا ونفسكوا تحكوه ومش لاقيين حد نسمع بعض ونفضفض ونشوف حل لكل مشكلة ونرتب الافكار ونسمع بعض بجد من غير حكم على حد

بقينا نعرف كل حاجة… بس مش فاهمين حاجة بجد. كمية المعلومات حوالينا خلت الحقيقة نفسها مش واضحة. بقينا نحكم من عنوان أو فيديو 30 ثانية وخلاص. المشكلة مش في الجهل… المشكلة إننا فاكرين نفسنا فاهمين.

بجد الناس الي عاوزه تنصح وخلاص يعني يبق لسا مفهمش وتلقي عاوز ينصح ياعم مش عايز تسمع متخشش تسمع بجد الي بيحكي عارف غلطو مش جي يحكي عشان تنصحو ده ف الاغلب جي يحكي عشان يرتاح من ظية سؤال جوا دماغو سيبو يرتب افكارو بجد الناس الي مبتسمعش كويس وتحكم وخلاص بلاش من فضلحو انتو ممكن نيتكو خير بس انتو بتئذو الي بيحكي

عاوز حد يسمعني بجد عاوز اتكلم مخنوق وجايب اخري بس بقولك قبل متيجي تسمعني متحكش عليا انا واحد في عيوب الدنيا كلها حاسس عاوز اكلم عاوز اخد ولو فرصة حد يسمعني منغير ميحكم عليا عاوز احس ان فعلا في ناس بتحب تساعد