13 Apr 2026يشعر بـ مُرهق
أنا بجد متدايقة أوي من شعور الوحدة ده إني حاسه طول الوقت بإني وحيدة و إن محدش طايق يكلمني أو الكل حواليا عايزين يتكلمو و يحكو وأنا لأ بقيت خايفة من الحكم عليا و مش عايزة أعرف حد على الحجات إلي بحبها أو أمنياتي أو كدا يادوب بقول كلام بسيط على القد و مش بتعمق ولما بتكلم كتير أو احكي لحد مواقف بحس إني تقيلة أوي إزاي أقول كل ده كمان ببقى عايزة أتناقش و أقول رأيي بس بحس إنه مش مهم و مش هيفرق في حاجة و بالعكس مش هيعجب حد و بحسني بقيت قافلة على نفسي دايرة مع إني اجتماعية و بحب الصحوبية و العلاقات بس تعبت أوي بجد و نفسي أحضن حد وأعيط المشكلة إن يعني في ناس بتعاني أكتر مني أكيد و أنا في نعمة فحاسة إن مليش حق اتدايق بقى ما كله عنده أكتر مني و مش بيتكلم
ربنا يفك كربك
عشان قابلتي ناس متستاهلش لكن يمكن الوقت يجيب حد يستاهل
في الحقيقه هو مستحيل يكون في حد مش بيتكلم عن اللي هو حاسسه او مضايقه لان حتى لو مش بتحكي لحد ف انت هتكون بتحكي لنفسك او بتحكي لربنا كل واحد عنده شخص واحد عالاقل بيحكيله هو حاسس ب اي ممكن يكون صديق سوشيال او اخ او اخت او ام او ايا كان بس الكتمان عمره ما كان حل كلمه حلوه من حد بيحبك هتهون وهتحسسك ان في حد عالاقل في اللحظه اللي بتتكلموا فيها حاسس بيكي واكيد في حد فحياتك بيحبك وبيخاف عليكي ومهتم يسمعك ولو حكيتيله هو هيبقا مبسوط انك بتحكي ولو بيحبك هيفضل يسمعك لغاية كلامك مايخلص ف نصيحتي متكتميش عشان هتوصلي لمرحله انك حتى لو عايزه تحكي مش هتعرفي احكي وطلعي اللي جواكي عشان اللي جواكي لو مطلعش دلوقتي على هيئة زعل هيطلع بعدين على شكل اكتئاب او عصبيه او مرض وربنا يقويكي ويشرح صدرك ويريح بالك ❤️❤️
انا متاكد ان كان في حواليكي ولو شخص واحد كان بيتمنالك الرضى ترضي وكان بيعاملك احسن معامله لكن انتي اللي كنت مستكترة نفسك عليه و وصلتيه لمرحلة انه يشتمك ويقل منك من اللي عملتيه ولما روحتي تدوري ع غيره زيه ملقتيش فحسيتي بالوحده اللي انتي حطيتي نفسك فيها من الاول لما قررتي تبعدي عنك الشخص اللي حبك بجد وقبلتي تعيشي وسط الجرابيع
يلا دردشه😊
علفكرة مع الوقت بيبقه الموضوع عادي
في وقت كدا بتبقى الدنيا كبيره بس احنا حابسين نفسنا في اضيق مكان فيها