حكم مادي

في موضوع معايا بقالي فترة ومش عارفة أتصرف فيه. اتعرفت على شخص أعجب بيا جدًا وكان عايز يخطبني، لكن ناس حواليه قالولي إنه ساب بنات قبل كده بسبب مستواهم المادي والاجتماعي. أنا مستوايا كويس الحمد لله، بس بابا شخص بسيط جدًا، وده خلاني أخاف يحكم عليا أو يقلل مني، فحاولت أبعد. لكنه فضل مصر يدخل حياتي واتعلق بيا جدًا، ومكنتش متوقعة ده. إحنا مع بعض في الشغل، وأنا أصلًا ما صرحتلوش بحاجة واضحة. كمان طريقته في الكلام عن البنات اللي قبلي كانت سيئة جدًا، وكان بيقول إنهم ما ينفعوش يدخلوا حياته. أنا عارفة إني غلط ومش عايزة حد يلومني، خصوصًا إني من محافظة تانية. المشكلة دلوقتي إني وعدته إني هكلم بابا ومش عارفة أتصرف إزاي.